এছ এছ ৰাজামৌলীৰ দক্ষিণৰ ছবি RRRৰ হিন্দী সংস্কৰণে হিন্দী বলয়তো দ্য কাশ্মীৰ ফাইলছ আৰু গংগোবাই কাঠিয়াৱাড়ীক চেৰ পেলাইছে৷ হিন্দী বলয়ত মাত্ৰ পাঁচটা দিনতে দক্ষিণৰ ছবিখনৰ হিন্দী সংস্কৰণে ১০০ কোটি টকা সংগ্ৰহ কৰিছে৷
দেশত বিতৰ্কৰ ধুমুহাৰ কৰা সৃষ্টি বিবেক অগ্নিহোত্ৰী দ্য কাশ্মীৰ ফাইলছ আৰু আলিয়া ভাটৰ অভিনীত ছবি গংগোবাই কাঠিয়াৱাড়ীকো চেৰ পেলাই ৰাজামৌলীৰ দক্ষিণৰ ছবিখনে অভিলেখ সৃষ্টি কৰিছে৷ দক্ষিণৰ ছবিখনে অতি কমদিনৰ ভিতৰতে ১০০ কোটি টকা সংগ্ৰহৰ ইতিহাস ৰচিছে৷
লগতে পঢ়ক অসমৰ হাইৱেত ১০ খন নতুন উৰণীয়া সেতু : ক’ত ক’ত নিৰ্মাণ হ’ব এই সেতুসমূহ?
উল্লেখ্য যে হিন্দী বলয়ত ১০০ কোটি টকা সংগ্ৰহ কৰা এইখন হৈছে পঞ্চমখন দক্ষিণৰ ছবি৷ ইয়াৰ পূৰ্বে ৰাজামৌলীৰ নিজৰে চিকুৱেল ছবি দুয়োখন বাহুৱলী, ২.০ আৰু পুষ্পা : দ্য ৰাইজ-এ উত্তৰ ভাৰতত ১০০ কোটি টকা সংগ্ৰহ কৰিছিল৷
বিশ্লেষকে দেখুওৱাইছে যে দক্ষিণৰ ছবি RRRএ কেনেকৈ এই মাইলষ্টোন স্পৰ্শ কৰিছে৷ ইয়াৰ পূৰ্বে হিন্দী বলয়ত গংগোবাই কাঠিয়াৱাড়ীয়ে ১৩ দিনত আৰু দ্য কাশ্মীৰ ফাইলছ-এ ৮ টা দিনত ১০০ কোটি সংগ্ৰহ কৰিছিল৷
বাণিজ্যিক বিশ্লেষক ৰমেশ বালাই টুইট কৰি লিখিছে যে, মাত্ৰ পাঁচটা দিনতে RRRৰ হিন্দী সংস্কৰণে ১০০ কোটি টকা সংগ্ৰহ কৰি ইতিহাস ৰচিছে৷
লগতে পঢ়ক গৰু বা গাখীৰ বিক্ৰী কৰি নহয়, গোবৰেৰে তৈয়াৰী সামগ্ৰীৰ পৰা ৩৬ লাখ টকা উপাৰ্জন!
বাণিজ্যিক বিশ্লেষক তৰণ আৰ্দশই টুইটত কয় যে উত্তৰ মহামাৰী কালত RRRৰ হিন্দী সংস্কৰণেও দেশত কালেকশ্যনৰ ক্ষেত্ৰত ধুমুহাৰ সৃষ্টি কৰিছে৷ তেওঁ উল্লেখ কৰা মতে ছবিখনৰ হিন্দী সংস্কৰণে হিন্দী বলয়ত যোৱা শুকুৰবাৰে ১৯ কোটি, শনিবাৰে ২৪ কোটি, দেওবাৰে ৩১.৫০ কোটি, সোমবাৰে ১৭ কোটি টকা সংগ্ৰহ কৰিছে৷
RRR ছবিখন ভাৰতৰ স্বাধীনতা আন্দোলনৰ ১৯২০ চনৰ দুজন মুক্তিযোদ্ধা কুমাৰাম ভীম আৰু আল্লুৰী সীতাৰামাৰাজুৱে হায়দৰাবাদৰ নিজাম আৰু ব্ৰিটিছৰাজৰ বিৰুদ্ধে যুঁজাৰ কাহিনীৰ আধাৰত নিৰ্মাণ কৰা হৈছে৷
লগতে পঢ়ক আৰিয়ান খান ড্ৰাগছ কেচ : ছমাহতো ব্যৰ্থ, NCBক লাগে আৰু ৯০ দিন!
দক্ষিণৰ ৰাম চৰণ, জুনিয়ৰ এনটিআৰে আদিয়ে অভিনয় কৰা ছবিখনৰ দৈৰ্ঘ্য ৩ ঘণ্টা ৫৬ মিনিটৰ হ’লেও পিছত ইয়াৰ দৈৰ্ঘ্য ৩ ঘণ্টা ১ মিনিটলৈ হ্ৰাস কৰা হয়৷
বলিউদৰ অজয় দেৱগন আৰু আলিয়া ভাটে অভিনয় কৰা ছবিখন নিৰ্মাণ ব্যয় হৈছে ৩৩৬ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
