মাজত মাথো ৩ টা দিন , ১ জুনৰ পৰা সলনি হ’ব এই কেইটা নিয়ম, আজিয়েই জানি থওক
প্ৰত্যক মাহৰ প্ৰথম দিনটোত বিত্তীয় ক্ষেত্ৰত কিছু নিয়ম সালসলনি হোৱা দেখা যায়। এইবাৰো ১ জুন তাৰিখে কেইটামান ক্ষেত্ৰত সালসলনি হ’ব। যিয়ে প্ৰভাৱ পেলাব আপোনাৰ দৈনন্দিন জীৱন যাত্ৰাত। সেয়ে আজিয়েই জানি থওক কোন কোন ক্ষেত্ৰত কি কি সালসলনি হ’ব-
ট্ৰেফিক নিয়ম-
১ জুনৰ পৰা কাৰ্যকৰী হ’ব নতুন পৰিবহণ নিয়ম। এই নিয়ম উলংঘা কৰিলে যথেষ্ট জৰিমনা ভৰিব পাৰে। নতুন নিয়ম অনুসৰি তীব্ৰ বেগত গাড়ী চলোৱাৰ বাবে ১০০০ৰ পৰা ২০০০ টকা জৰিমনা ভৰিব লাগিব। অনুজ্ঞাপত্ৰ অবিহনে গাড়ী চলোৱাৰ বাবে ৫০০ টকা, হেলমেট নিপিন্ধিলে ১০০ টকা আৰু ছিটবেল্ট নিপিন্ধিলে ১০০ টকা জৰিমনা ভৰিব লাগিব।
নাবালক গাড়ী চলোৱাৰ বাবে ২৫ হাজাৰ জৰিমনা-
গাড়ী চলোৱাৰ সময়ত ড্ৰাইভিং লাইচেন্স বাধ্যতামূলক হৈ পৰিছে। যদি ১৮ বছৰৰ তলৰ শিশুৱে গাড়ী চলোৱা ধৰা পৰে তেন্তে ২৫ হাজাৰ টকা জৰিমনা ভৰিব লাগিব। ইয়াৰ উপৰিও বাহনৰ মালিকৰ ড্ৰাইভিং লাইচেন্স বাতিল হ’ব। একে সময়তে নাবালকক ২৫ বছৰ সম্পূৰ্ণ নোহোৱালৈকে অনুজ্ঞাপত্ৰ দিয়া নহ’ব।
LPG চিলিণ্ডাৰৰ মূল্য-
প্ৰতি মাহৰ ১ তাৰিখে এল পি জি চিলিণ্ডাৰৰ মূল্য সংশোধন কৰা হয়। ১ জুনত তেল বিপণন কোম্পানীসমূহে গেছ চিলিণ্ডাৰৰ মূল্য নিৰ্ধাৰণ কৰিব। মে’ মাহত কোম্পানীসমূহে বাণিজ্যিক চিলিণ্ডাৰৰ মূল্য হ্ৰাস কৰিছিল।
ব্যক্তিগত প্ৰতিষ্ঠানত ড্ৰাইভিং টেষ্ট কৰা হ’ব-
১ জুনৰ পৰা ব্যক্তিগত শিক্ষানুষ্ঠানতো সম্পন্ন হ’ব ড্ৰাইভিং টেষ্ট। এতিয়ালৈকে ড্ৰাইভিং লাইচেন্স পৰীক্ষাৰ বাবে আৰ টি অ’লৈ যাবলগীয়া হৈছিল। এতিয়া ব্যক্তিগত প্ৰতিষ্ঠানতো অনুজ্ঞাপত্ৰৰ বাবে আবেদন কৰাসকলক ড্ৰাইভিং টেষ্ট দিব পাৰিব।
আধাৰ কাৰ্ডৰ নিয়ম-
যদি আপুনি আপোনাৰ আধাৰ কাৰ্ড আপডেট কৰিব বিচাৰে তেন্তে ১৪ জুনত বিনামূলীয়াকৈ কৰিব পাৰিব। এই আপডেটসমূহ অনলাইনত কৰিব পৰা কামৰ সৈতে জড়িত। যদি আপুনি আধাৰ কাৰ্ড আপডেট কৰিবলৈ আধাৰ কেন্দ্ৰলৈ যায় তেন্তে ৫০ টকা মাচুল দিব লাগিব।
SBI ক্ৰেডিট কাৰ্ড-
১ জুনৰ পৰা এছ বি আইৰ ক্ৰেডিট কাৰ্ডৰ নিয়ন সলনি হ’ব। পহিলা জুনৰ পৰা চৰকাৰী লেনদেনৰ ক্ষেত্ৰত ৰিৱাৰ্ড পইণ্ট নাথাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
