পলায়নৰ চেষ্টা কৰোতেই অৱশেষত আৰক্ষীৰ জালত ছেইফৰ আক্ৰমণকাৰী
বলীউডৰ অভিনেতা ছেইফ আলী খানৰ ওপৰত আক্ৰমণ কৰোতা অৱশেষত আৰক্ষীৰ জালত। চিচি টিভিত ধৰা পৰা চেহেৰাৰ সৈতে মিল থকা সন্দেহজনক ব্যক্তিক আটক কৰিছে মুম্বাই আৰক্ষীয়ে।
এই ব্যক্তিজনৰ চেহেৰা চিচিটিভিত দেখা অভিযুক্তৰ লগত বহু পৰিমাণে মিল আছে। কোনো সন্দেহ নোহোৱাকৈ মুম্বাই আৰক্ষীয়ে আটক কৰিছে অভিযুক্তক। আটকাধীন সেই ব্যক্তিক বৰ্তমানে আৰক্ষীয়ে জেৰা কৰি আছে।
মুম্বাইৰ ডিচিপিৰ মতে, আৰক্ষীয়ে আটক কৰি ৰখা ব্যক্তিজনক থানাত জেৰা অব্যাহত ৰাখিছে। প্ৰাৰম্ভিক তদন্তত প্ৰকাশ পাইছে যে এই ব্যক্তিজনৰ বিৰুদ্ধে বিগত সময়তো বহু গোচৰ ৰুজু কৰা হৈছিল। আটকাধীন লোকৰ বিৰুদ্ধে ঘৰ ভাঙ পেলোৱাৰো গুৰুতৰ অভিযোগ।
ছেইফ আলী খানক আক্ৰমণ কৰা অভিযুক্তক ধৰিবলৈ সক্ৰিয় হৈ আছিল মুম্বাই আৰক্ষী আৰু মুম্বাই ক্ৰাইম ব্ৰাঞ্চৰ দল। অভিযুক্তৰ কাষ চাপিবলৈ আৰক্ষীয়ে ২০টা দল গঠন কৰিছে।
উল্লেখ্য যে, ১৬ জানুৱাৰীৰ নিশা ছেইফ আলী খানৰ ঘৰত এজন অচিনাকি ব্যক্তিয়ে চুৰি কৰাৰ উদ্দেশ্যেৰে প্ৰৱেশ কৰিছিল। কিন্তু হতাহতি হৈ শেষত অভিনেতাগৰাকীক ছুৰিৰে আক্ৰমণ কৰি দিছিল অভিযুক্তই।
তাকো এবাৰ দুবাৰ নহয় মুঠ ৬ বাৰকৈ ছুৰিৰে আক্ৰমণ কৰিছিল অভিযুক্তই। যাৰ ফলত বেয়াকৈ আঘাত পাইছিল অভিনেতাগৰাকীয়ে। ৰাজহাড়, ডিঙি, হাতত আঘাত পাইছিল । ছুৰিৰ এটা অংশ ছেইফৰ ৰাজহাড়তো লাগি ৰৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
