কালপুৰুষৰ লিষ্টৰ দশম আৰু একাদশ ঘৰৰ অধিষ্ঠাতা গ্ৰহ হৈছে শনি৷ বৰ্তমান এই গ্ৰহই বৃহস্পতিৰ ৰাশি মীনত অৱস্থান কৰিছে৷ নৱগ্ৰহৰ মাজত সকলোতকৈ ধীৰেৰে স্থান সলনি কৰা গ্ৰহ হৈছে শনি৷ শনিয়ে এটা এটা ৰাশিত আঢ়ৈ বছৰ ধৰি অৱস্থান কৰে৷ ২০২৫ত শনিয়ে মীন ৰাশিত আছে৷ ২০২৬তো মীন ৰাশিতেই গোচৰ কৰিব গ্ৰহৰাজ শনিয়ে৷ আগন্তুক বছৰত শনিয়ে নিজৰ নক্ষত্ৰ সলনি কৰিব৷ বছৰৰ আৰম্ভণিতে শনি থাকিব পূৰ্ব ভাদ্ৰপদ নক্ষত্ৰত৷ ইয়াৰপাছতেই প্ৰথমে উত্তৰ ভাদ্ৰপদ নক্ষত্ৰত আৰু তাৰপিছতেই ৰেৱতী নক্ষত্ৰত গোচৰ কৰিব এই গ্ৰহই৷ ইয়াৰ প্ৰভাৱত আগন্তুক বছৰ শনিৰ চাৰে সাতি দশাৰ প্ৰভাৱ তুংগত থাকিব বুলি জনাইছে জ্যোতিষবিদে৷ জানি থওক চাৰে সাতিত ২০২৬ চনত জীৱন সলনি হ’ব কোন কোন ৰাশিৰ জাতকৰ?
মেষ ৰাশি
শনিয়ে মীন ৰাশিত থকাত মেষ ৰাশিত আগন্তুক বছৰ থাকিব চাৰে সাতি দশাৰ প্ৰথম পৰ্যায়৷ শনিৰ প্ৰভাৱত সন্মুখৰ বছৰত আপুনি নিজৰ পৰিশ্ৰমৰ সুফল লাভ কৰিব পাৰে৷ ধৈৰ্য্য ধৰি সকলো কামত মনোনিৱেশ কৰক৷ যি বিষয় আপোনাৰ সন্মুখত স্পষ্ট নহয়, সেই বিষয়ে পদক্ষেপ নকৰাই ভাল৷ আৰ্থিক পৰিস্থিতি ঠিকেঠাকে থাকিব৷ পেছাগত ভাৱে আগন্তুক বছৰ ভালে কটাব৷ কোনো বিষয়ত অহংকাৰ নকৰাই ভাল৷ অন্যৰ সৈতে ভাল ব্যৱহাৰ কৰক৷
কুম্ভ ৰাশি
আগন্তুক বছৰ শনিৰ চাৰে সাতি দশাৰ তৃতীয় অৰ্থাৎ শেষ পৰ্যায় চলিব কুম্ভ ৰাশিত৷ ইয়াৰ ফলত আপোনাৰ জীৱনলৈ ডাঙৰ পৰিবৰ্তন আহিব পাৰে৷ কামৰ চাপ বঢ়াত ষ্ট্ৰেছ বাঢ়িব৷ আপুনি পৈণত মনোভাৱেৰে সকলোৰে সৈতে মোকাবিলা কৰিব পাৰিব৷ একাধিক প্ৰজেষ্টত একেলগে কাম কৰা কঠিন হব৷ কৰ্মত বহু বেছি মনোনিবেশ কৰিব লাগিব আপুনি৷ এই কামত আপুনি ভৱিষ্যতে ডাঙৰ লাভ কৰিব পাৰে৷ ব্যক্তিগত সম্পৰ্ক বহুতৰে সৈতে বেয়া হব পাৰে৷ পৰিকল্পনা অনুসৰি আগন্তুক খোজ দিয়ক৷
মীন ৰাশি
আগন্তুক বছৰত একাধিক নতুন কামৰ দায়িত্ব পাব মীন ৰাশিৰ জাতকে৷ এই ৰাশিতেই ২০২৬ত অৱস্থান কৰিব শনিয়ে৷ নিজৰ নীতি আদৰ্শ ধৰি ৰখা জৰুৰী৷ শনিৰ প্ৰভাৱত এই সময়ত বহু কথাই আপোনাৰ ওচৰত অস্পষ্ট থাকিব৷ পুৰণি কিছু অভ্যাস ত্যাগ কৰক৷ নিজৰ জীৱনত বেছ কিছু পৰিবৰ্তন দেখা পাব মীন ৰাশিৰ জাতকে৷ মানসিক স্বাস্থ্যৰ দিশত নজৰ ৰাখক৷ ধৰ্মীয় কামত মন দিয়ক৷ সৎ পথত থাকিলে চাৰে সাতিৰ অশুভ প্ৰভাৱ এৰাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
