মাজুলী আৰক্ষীয়ে অসমৰ বিতৰ্কিত আৰক্ষী উপ পৰিদৰ্শক জোনমণি ৰাভাক গ্ৰেপ্তাৰ কৰিছে৷ তিনিদিন ধৰি চলোৱা মাৰথান জেৰাৰ অন্তত শনিবাৰে মাজুলীৰ গড়মূৰ আৰক্ষীয়ে এছ আই জোনমণি ৰাভাক গ্ৰেপ্তাৰ কৰে৷
ইতিমধ্যে মাজুলী আৰক্ষী অধীক্ষক গৌতম বৰাই এছ আই জোনমণি ৰাভাক গ্ৰেপ্তাৰ কৰাৰ কথা সংবাদ মাধ্যমৰ আগত প্ৰকাশ কৰিছে৷
জানিব পৰা মতে মাজুলীৰ গড়মুৰ থানাৰ আৰক্ষীয়ে যোৱা তিনিদিন ধৰি জোনমণি ৰাভাক জেৰা চলাই বহু আপত্তিজনক তথ্য লাভ কৰিবলৈ সক্ষম হৈছে।
লগতে পঢ়ক উগাণ্ডাৰ মহিলাৰ শৰীৰত ৩ কোটি মূল্যৰ ড্ৰাগছ, মুম্বাইত গ্ৰেপ্তাৰ এনচিবিৰ
আৰক্ষীয়ে প্ৰকাশ কৰা মতে বিতৰ্কিত আৰক্ষী বিষয়াগৰাকীৰ দুটা বেংক একাউণ্টত ২০ লাখৰো অধিক টকা জমা হোৱাৰ তথ্য লাভ কৰিছে৷ আৰক্ষীয়ে লাভ কৰা বিভিন্ন আপত্তিজনক তথ্যৰ ভিত্তিতে আৰক্ষীয়ে আজি জোনমণি ৰাভাক গ্ৰেপ্তাৰ কৰে।
উল্লেখ্য যে বিহপুৰীয়াৰ বিজেপি বিধায়ক অমিয় কুমাৰ ভূঞাৰ ফোন কলৰ অডিঅ’ ৰেকৰ্ডিং ভাইৰেল কৰি অসমত বিশেষভাৱে চৰ্চা লাভ কৰিছিল জোনমণি ৰাভাই৷ আনকি জোনমণি ৰাভাই অসমৰ লেডী সিংঘমৰো আখ্যা লাভ কৰিছিল৷
কিন্তু প্ৰৱঞ্চনাৰ গোচৰত ভাবী স্বামী ৰাণা পগাগক গ্ৰেপ্তাৰ কৰাৰ পিছতে পুনৰ সংবাদ মাধ্যমৰ চৰ্চালৈ আহে জোনমণি ৰাভা৷
লগতে পঢ়ক ব্যক্তিত্ব পৰীক্ষা : শুই থকাৰ কি অৱস্থাই ব্যক্তিত্বৰ কি বৈশিষ্ট্যবোৰ উন্মোচন কৰে?
ৰাণা প’গাগক আৰক্ষীয়ে গ্ৰেপ্তাৰ কৰাৰ পিছতে উক্ত প্ৰৱঞ্চৱনাত জোনমণি ৰাভাৰ নামো সাঙুৰ খাই পৰে৷ ইতিমধ্যে ভাবী স্বামী ৰাণা প’গাগৰ সৈতে জোনমণি ৰাভাও ধন সংগ্ৰহ আৰু প্ৰৱঞ্চনাত জড়িত বুলি দুগৰাকী লোকে মাজুলীৰ গড়মূৰ আৰক্ষী থানাত অভিযোগ দাখিল কৰে৷
গড়মূৰ আৰক্ষীয়ে উক্ত অভিযোগৰ ভিত্তিতে জোনমণি ৰাভাক থানালৈ তলব কৰি যোৱা তিনি ধৰি জোনমণি ৰাভাক জেৰা চলাই শনিবাৰে গ্ৰেপ্তাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
