কণী খালে মানুহৰ ওজন অনুসৰি শৰীৰৰ শক্তি বৃদ্ধি হয় বুলি কোৱা হয়। কিন্তু হৃদযন্ত্ৰৰ সমস্যাত ভুগি থকা বহু লোকে কণী নাখায়। হৃদৰোগৰ সম্ভাৱনা হ্ৰাস কৰাৰ বাবে কণী খোৱা বন্ধ কৰা দেখা যায়।
কিন্তু চীনৰ পেকিং বিশ্ববিদ্যালয়ৰ গৱেষকসকলে কৰা এক অধ্যয়নত কোৱা হৈছে যে কণীয়ে হৃদযন্ত্ৰক সুস্থ কৰি ৰখাত সহায়হে কৰে।
অভিজ্ঞ গৱেষকৰ এই অধ্যয়নটো ৪৭৭৮ গৰাকী লোকৰ ওপৰত কৰিছিল। ইয়াৰ মাজৰে মুঠ ৩৪০১ জন লোকৰ হৃদযন্ত্ৰৰ সমস্যা আছিল। বাকী ১৩৬ জন হৃদৰোগমুক্ত আছিল।
লগতে পঢ়ক একালৰ বৃন্দাবন একালত পৰে চন! লেডী সিংঘম এছ আই জোনমণি ৰাভাক গ্ৰেপ্তাৰ
অধ্যয়নত দেখা গৈছে যে যিসকল লোকে দৈনিক পৰ্যাপ্ত পৰিমাণে কণী খাই তেওঁলোকৰ শৰীৰত ‘এপলিপ’প্ৰটিন-১’ নামৰ এবিধ প্ৰটিনৰ পৰিমাণ অধিক থাকে। এইচ ডি এল নামৰ এবিধ পদাৰ্থৰ অন্যতম প্ৰধান উপাদান এই প্ৰ’টিন। অত্যধিক HDL কলেষ্টেৰল নিয়ন্ত্ৰণৰ আটাইতকৈ গুৰুত্বপূৰ্ণ অংশ।
ডায়েবেটিছ, ক’লেষ্টেৰল, উচ্চ ৰক্তচাপ আদি সমস্যাই হৃদৰোগৰ সম্ভাৱনা বৃদ্ধি কৰে। ফলত কণীয়ে যদি ক’লেষ্টেৰল নিয়ন্ত্ৰণ কৰিব পাৰে তেন্তে হৃদযন্ত্ৰৰ সমস্যাও নিয়ন্ত্ৰণত থাকিব।
অৱশ্যে গৱেষকসকলে কয় যে কণী নিঃসন্দেহে স্বাস্থ্যকৰ। এই সন্দৰ্ভত মতভেদ নাই। কিন্তু হৃদযন্ত্ৰক সুস্থ কৰি ৰখাত কণীৰ ভূমিকাক লৈ এতিয়াও অধিক গৱেষণাৰ প্ৰয়োজন আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
