অসম লাইভ ২৪ঃ উত্তৰ প্ৰদেশৰ বাৰাবংকিৰ মচৌলী থানা ক্ষেত্ৰত এগৰাকী বিবাহিত মহিলাক ডিঙি ৰেপি হত্যা কৰা হৈছে। আৰক্ষীয়ে হত্যাৰ লগত জড়িত প্ৰেমিকক গ্ৰেপ্তাৰ কৰি জে’ললৈ প্ৰেৰণ কৰিছে। ঘটনা অনুসৰি ৫ এপ্ৰিলত ৰফিনগৰ ষ্টেচনৰ ওচৰত ৰে’ললাইনত এগৰাকী যুৱতীৰ মৃতদেহ পোৱা গৈছিল। যুৱতীগৰাকী ডিঙি ৰেপি হত্যা কৰা হৈছিল। আৰক্ষীয়ে যুৱতীগৰাকী মচৌলীৰ কোটৱাৰ বাসিন্দা লালবাহাদুৰৰ কন্যা বুলি চিনাক্ত কৰে। আৰক্ষীয়ে অনুসন্ধান কৰি মোবাইল কলৰ আধাৰত ৰাজকুমাৰ ওৰফে কোমল নামৰ যুৱকজনক গ্ৰেপ্তাৰ কৰে। যুৱকজন চফদৰগঞ্জ থানা ক্ষেত্ৰৰ চন্দনপুৰৱাৰ বাসিন্দাৰ লগতে মৃত যুৱতীগৰাকীৰ আত্মীয়ও। আৰক্ষীয়ে জনোৱা অনুসৰি দুয়োৰে মাজত অবৈধ সম্বন্ধ আছিল, যাৰ বাবে যুৱতীগৰাকীক হত্যা কৰা হৈছে। অভিযুক্ত ৰাজকুমাৰৰ ভগ্নীৰ বিয়া কোটৱা গাঁৱত হৈছিল। যাৰ বাবে ৰাজকুমাৰে ভগ্নীৰ ঘৰলৈ প্ৰায় অহা-যোৱা কৰিছিল। ইয়াৰ মাজতে ভগ্নীৰ ননদৰ সৈতে অবৈধ সম্পর্ক গঢ়ি উঠে ৰাজকুমাৰৰ। ৰাজকুমাৰে যুৱতীগৰাকীক বিয়াৰ প্ৰস্তাৱ দিয়ে যদিও তেওঁ অমান্তি হয়। দুয়োৰে সম্বন্ধৰ ঘটনা পোহৰলৈ অহাত ৰাজকুমাৰক ভগ্নীৰ ঘৰলৈ অহা বন্ধ কৰি দিয়ে। ইয়াৰ মাজতে ১১ ডিচেম্বৰ ২০২০ত ভগ্নীৰ ননদৰ বিয়া অন্য ঠাইত ঠিক হয়। বিয়াৰ খবৰ শুনি ৰাজকুমাৰে ভগ্নীৰ ননদক পলাই যাবলৈ প্ৰস্তাৱ দিয়ে যদিও তেওঁ অমান্তি হয় আৰু পৰিয়ালে ঠিক কৰা দৰাৰ লগত বিয়া হয়। বিয়াৰ পিছত প্ৰেমিক ৰাজকুমাৰে আত্মহত্যাৰ চেষ্টা কৰে যদিও প্ৰেমিকাই বাৰুকৈয়ে বুজায়। ইয়াৰ পিছতে প্ৰেমিক ৰাজকুমাৰে ভগ্নীৰ বিবাহিত ননদক এটা সৰু মোবাইল আৰু এখন ছিম কিনি দিয়ে। ইমানৰ পিছতো ৰাজকুমাৰে তেওঁক কেইবাবৰো পলাই যাবলৈ প্ৰস্তাৱ দিয়ে যদিও তেওঁ মান্তি নহয়। ফলত প্ৰেমিক ৰাজকুমাৰ উগ্ৰ হৈ উঠে আৰু প্ৰেমিকাক হত্যা কৰিবলৈ সিদ্ধান্ত লয়। ৪ এপ্ৰিলৰ নিশা প্ৰেমিকাক পূর্বে লগ কৰা ঠাইলৈ মাতে আৰু প্ৰেমিকাক তেওঁৰ সৈতে পলাই যাবলৈ লগ ধৰে। কিন্তু প্ৰেমিকাই পুনৰ অমান্তি হয়। পিছত দুয়ো তর্কাতর্কিত লিপ্ত হয় আৰু প্ৰেমিক ৰাজকুমাৰে প্ৰেমিকাক ছুৰীৰে ৰেপি হত্যা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
