অসম বিধানসভাৰ বাজেট অধিবেশনৰ দ্বিতীয় দিনা জুই বৰষি ডঃ হিমন্ত বিশ্ব শৰ্মাৰ বিজেপি চৰকাৰখন তুলাধুনা দিয়ে শিৱসাগৰ বিধানসভা সমষ্টিৰ বিধায়ক তথা ৰাইজৰ দলৰ সভাপতি অখিল গগৈয়ে৷
বাজেট অধিবেশনত নিজৰ বক্তব্য ৰাখিবলৈ গৈ বিধায়ক অখিল গগৈয়ে ডঃ হিমন্ত বিশ্ব শৰ্মাৰ চৰকাৰৰ বিফলতাসমূহৰ এফালৰ পৰা উদঙাই যায়৷
কোভিড বিৰোধী যুদ্ধত চৰকাৰে বহুত ক্ৰেডিট ল’ব খুজিছে বুলি উল্লেখ কৰি বিধায়ক গগৈয়ে কয় যে চৰকাৰে কোভিড সৃষ্ট অৰ্থনৈতিক সংকটৰ পৰা ৰাজ্যখনক উদ্ধাৰৰ বাবে ব্যৱস্থা নল’লে বুলিও গুৰুতৰ অভিযোগ উত্থাপন কৰে৷
লগতে পঢ়ক যুদ্ধৰ নতুন মোৰ! ৰাছিয়ান সেনাক আত্মসমৰ্পণৰ আহ্বান ইউক্ৰেইন ৰাষ্ট্ৰপতি জেলেনলস্কিৰ
সুভাষ চন্দ্ৰ দাস প্ৰতিবেদনে দিয়া পৰামৰ্শসনমূহ কিয় গ্ৰহণ কৰা নহ’ল বুলি প্ৰশ্ন কৰি বিধায়ক গগৈয়ে দৈনিক মজুৰী প্ৰাপ্ত, ঠেলাৱালা, ৰিক্সাৱালা, উলা-উবেৰ চালক, পৰিবহণ, হোটেল, পৰ্যটন আদি চলোৱা লোকসকলক ক’ত আৰু কিমান ক্ষতিপূৰণ দিয়া হ’ল বুলিও প্ৰশ্ন কৰে৷
বিধায়ক গগৈয়ে লগতে উল্লেখ কৰে যে তেওঁলোকৰ অৰ্থনৈতিক অৱস্থা চূৰমাৰ হৈ গ’ল কিন্তু চৰকাৰে কোনো ব্যৱস্থাত গ্ৰহণ নকৰিলে৷ আনহাতে, চৰকাৰে কোভিড বিপৰ্যয় ভালদৰে মোকাবিলা কৰাৰ ফটাঢোল বজোৱা বুলিও অভিযোগ কৰে অখিল গগৈয়ে৷
অখিল গগৈয়ে আৰু অতি গুৰুতৰ অভিযোগ তুলি কয় যে কোভিড বিপৰ্যয়ৰ পিছত হিমন্ত বিশ্ব শৰ্মাৰ দেউলীয়া চৰকাৰে সাধাৰণ মানুহখিনিৰ ওপৰত বিভিন্ন ধৰণৰ কৰ কাটল আৰু জৰিমনাৰ ব্যৱস্থা কৰি ৰাজহ সংগ্ৰহ কৰি অত্যাচাৰ কৰি আহিছে৷
লগতে পঢ়ক ‘অতি ভাল ছবি…’, ‘দ্য কাশ্মীৰ ফাইলছ’ চাবলৈ সকলোকে আহ্বান প্ৰধানমন্ত্ৰী মোদীৰ
হেলমেটৰ নামত জৰিমনা আৰু বেটেৰী ৰিক্সাৰ পৰা ১২ হাজাৰ পৰা ৩৫ টকা পৰ্যন্ত জৰিমনা সংগ্ৰহ কৰা হৈছে৷ কোভিড পৰিস্থিতিৰ পিছত এনে চৰকাৰী অত্যাচাৰ সহ্য কৰা নহ’ব বুলিও চৰকাৰক সকীয়াই দিয়ে বিধায়ক অখিল গগৈয়ে৷
ইফালে ছয়জনগোষ্ঠীৰ জনজাতিকৰণৰ ক্ষেত্ৰত চৰকাৰে প্ৰতিবেদনৰ কল্প কাহিনী প্ৰচাৰ কৰি ৰাজনীতি কৰা বুলিও বিধায়ক গগৈয়ে অভিযোগ কৰি কৰিছে৷ লোকসভা আৰু ৰাজ্যসভা দুয়োখন সদনতে ছয় জনগোষ্ঠীৰ জনজাতিকৰণৰ কাৰণে বিল উত্থাপন কৰা হৈছে আৰু দুয়োখন সদনে জনজাতিসকলৰ কোনো ক্ষতি নকৰাকৈ ছয় জনগোষ্ঠীক জনজাতিকৰণ কৰিব লাগে বুলিও বিধায়ক গগৈয়ে দাবী জনায়৷
আনহাতে ড্ৰাগছৰ অভিযানক অভিনন্দন জনাইও ড্ৰাগছ সেৱনৰ সংখ্যা ৰাজ্যপালৰ বাজেট ভাষণত কিয় ইমান কম হ’ল বুলিও প্ৰশ্ন কৰে তেওঁ৷ তেওঁ লগতে ড্ৰাগছ কনিভকশ্যনৰ সংখ্যা কম হোৱা আৰু বিশেষকৈ পূৰ্বৰ বিজেপিৰ চৰকাৰৰ তুলনাত ড্ৰাগছ কনিভকশ্যন কম হোৱা আৰু আন্তঃৰাষ্ট্ৰীয় ড্ৰাগছ সৰবৰাহকাৰী কিয় গ্ৰেপ্তাৰ কৰা হোৱা নাই বুলি সেই প্ৰশ্নও উত্থাপন কৰে৷
লগতে পঢ়ক ২৬ মাৰ্চৰ পৰা IPL : প্ৰৱৰ্তন কৰা হৈছে কে’বাটাও নতুন নিয়ম, সেই নিয়মসমূহ কি কি?
মিছন বসুন্ধৰাক ভাল আঁচনি বুলি অভিহিত কৰি বিধায়ক অখিল গগৈয়ে ইয়াৰ অধীনত গুৱাহাটীৰ পাহাৰ, জলাশয়ৰ পাৰত বাস কৰা খিলঞ্জীয়া লোক, বান-গৰাখহনীয়াত ভূমিহীন হোৱা লোক আৰু মথাউৰিত বাস কৰা লোকসকলক মাটি আৰু জনজাতিসকলক মাটি অধিকাৰ কিয় দিয়া নাই আৰু কেতিয়া দিয়া হ’ব বুলিও প্ৰশ্ন কৰে৷ জনজাতি ভূমি আইন কেতিয়াকৈ কাৰ্যকৰী হ’ব বুলিও চৰকাৰক প্ৰশ্ন কৰে বিধায়ক গগৈয়ে৷
ইফালে ফৰেষ্ট ৰাইট এক্ট কেতিয়াকৈ কাৰ্যকৰী হ’ব সেই প্ৰশ্নৰ উত্তৰো লাগিব বুলি কৈ অখিল গগৈয়ে ১ লাখ নিৱনুৱাৰ নিযুক্তি প্ৰদানৰ কথা কৈ থাকিলেই নহ’ব, অহা ১০ মে’ৰ ভিতৰত চৰকাৰে ১ লাখ চাকৰিত নিযুক্তি প্ৰদান কৰিবই লাগিব বুলি দাবী কৰে৷
চাহ শ্ৰমিকসকলৰ মজুৰি ৩৫০ টকালৈ বৃদ্ধি কৰা হ’ব বুলি বিজেপি চৰকাৰে প্ৰতিশ্ৰুতি দিয়াৰ পিছতো আজি পৰ্যন্ত চাহ শ্ৰমিকসকলৰ মজুৰী বৃদ্ধি কৰা হোৱা নাই বুলি উল্লেখ কৰি অতি শীঘ্ৰেই ব্ৰহ্মপুত্ৰ আৰু বৰাক উপত্যকাৰ চাহ শ্ৰমিকসকলৰ মজুৰী ৩৫০ টকালৈ বৃদ্ধি কৰিবলৈ দাবী জনাই বিধায়ক অখিল গগৈয়ে৷
এইদৰে চৰকাৰৰ বিফলতা আৰু ভুৱা প্ৰচাৰসমূহ উদঙাই দি চৰকাৰে প্ৰতিশ্ৰুতি পালন নকৰিলে বৃহৎ প্ৰত্যাহ্বানৰ সন্মুখীন হ’বলৈ সাজু থাকক বুলি সকীয়াই দিয়ে শিৱসাগৰৰ বিধায়ক অখিল গগৈয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
