Solar Eclipse 2027: ২০২৭ চনৰ ২ আগষ্টত বিশ্বই সূৰ্যগ্ৰহণৰ আচৰিত দৃশ্যৰ সাক্ষী হ’ব। এই সূৰ্যগ্ৰহণ কেৱল এটা স্বাভাৱিক জ্যোতিৰ্বিজ্ঞানৰ পৰিঘটনা নহয়। বিজ্ঞানীসকলৰ মতে, এই সম্পূৰ্ণ সূৰ্যগ্ৰহণ প্ৰায় ৬ মিনিট ২৩ ছেকেণ্ড সময় ধৰি চলিব, যাৰ ফলত ই এই শতিকাৰ আটাইতকৈ দীঘলীয়া সম্পূৰ্ণ সূৰ্যগ্ৰহণ। এই কাৰণেই জ্যোতিৰ্বিজ্ঞানী আৰু মহাকাশ বিজ্ঞানীসকলে এই সূৰ্যগ্ৰহণৰ বাবে আগ্ৰহেৰে অপেক্ষা কৰি আছে। কিন্তু এই সূৰ্যগ্ৰহণ ভাৰততো দেখা যাবনে? জানো আহক।
এই সূৰ্যগ্ৰহণক কিয় বিশেষ বুলি গণ্য কৰা হৈছে?
বিজ্ঞানীসকলে কয় যে সম্পূৰ্ণ সূৰ্যগ্ৰহণৰ সময় যিমানেই বেছি , সিমানেই ইয়াক বিৰল বুলি ধৰা হয়। সাধাৰণতে মাত্ৰ কেইমিনিটমানৰ বাবেহে সম্পূৰ্ণ সূৰ্যগ্ৰহণ দেখা যায় যদিও ২০২৭ চনৰ ২ আগষ্টৰ গ্ৰহণে ৬ মিনিট ২০ ছেকেণ্ড আৰু ২৩ ছেকেণ্ডৰ বাবে সম্পূৰ্ণ আন্ধাৰ সৃষ্টি কৰিব। এই দৈৰ্ঘ্যৰ সম্পূৰ্ণ সূৰ্যগ্ৰহণ দশক দশকত খুব কমেইহে দেখা যায়।
কোনকেইখন দেশত দেখা যাব?
এই ঐতিহাসিক সূৰ্যগ্ৰহণ মূলতঃ ইউৰোপ, উত্তৰ আফ্ৰিকা আৰু মধ্যপ্ৰাচ্যৰ কেইবাখনো দেশত স্পষ্টভাৱে দেখা যাব। স্পেইন, মৰক্কো, আলজেৰিয়া, টিউনিছিয়া, লিবিয়া, ইজিপ্ত, চৌদি আৰব, য়েমেন, আৰু ছোমালিয়াৰ দৰে দেশসমূহে সম্পূৰ্ণ সূৰ্যগ্ৰহণৰ দৰ্শনীয় দৃশ্য প্ৰত্যক্ষ কৰিবলৈ সক্ষম হ’ব।
শতিকাৰ আটাইতকৈ দীঘলীয়া সূৰ্যগ্ৰহণ ভাৰতত দৃশ্যমান হ’বনে?
বিজ্ঞানীসকলৰ মতে ভাৰতত এই সূৰ্যগ্ৰহণ সম্পূৰ্ণৰূপে দেখা নাযায়। অৱশ্যে পৃথিৱীৰ বেছিভাগ ঠাইতে আংশিক সূৰ্যগ্ৰহণৰ ৰূপত দেখা দিব। অৰ্থাৎ ভাৰতত দিনত সম্পূৰ্ণ আন্ধাৰ নহ’লেও চন্দ্ৰই সূৰ্য্যৰ এক বৃহৎ অংশ আবৰি থকা যেন লাগিব।
এনে সুযোগ আকৌ কেতিয়া পাব?
বিজ্ঞানীসকলৰ মতে ইমান দীঘলীয়া সময়ৰ সম্পূৰ্ণ সূৰ্যগ্ৰহণ আগন্তুক দশকবোৰলৈ দেখা নাযায়। গতিকে ২০২৭ চনৰ ২ আগষ্টৰ এই আকাশী দৃশ্যই শতিকাৰ আটাইতকৈ দীঘলীয়া সূৰ্যগ্ৰহণ হিচাপে ইতিহাসত লিপিবদ্ধ হ’ব।
অস্বীকাৰ: এই বাতৰিত দিয়া তথ্যসমূহ ধৰ্মীয় বিশ্বাস আৰু সাধাৰণ তথ্যৰ ওপৰত ভিত্তি কৰি দিয়া হৈছে। Asom Live 24 ইয়াক সমৰ্থন নকৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
