কোহলীয়ে কি ক’লে ৰিয়ান সন্দৰ্ভত, দেশ জুৰি চৰ্চিত

কোহলীয়ে কি ক’লে ৰিয়ান সন্দৰ্ভত, দেশ জুৰি চৰ্চিত

তোমাৰ তাত কিবা এটা বিশেষ আছে, ভাৰতৰ বাবে মেচ বিজয়ী হোৱাৰ ক্ষমতা আছে তোমাৰ, ৰিয়ান সন্দৰ্ভত বিৰাট কোহলীৰ বিশেষ মন্তব্য। এতিয়া সেই মন্তব্যৰ দৃশ্য চাৰিওফালে ভাইৰেল হৈ পৰিছে। ৰিয়ান একপ্ৰকাৰ ভাৰতীয় ক্ৰিকেট দলৰ নয়নৰ মণি সদৃশ হৈ পৰিছে।

লাখ লাখ উদীয়মান ক্ৰিকেটাৰৰ আদৰ্শ হিচাপে পৰিগণিত হোৱা বেটছমেন তথা ভাৰতীয় প্ৰাক্তন অধিনায়ক বিৰাট কোহলীয়ে বুধবাৰে যুৱ খেলুৱৈ ৰিয়ান পৰাগক অভিষেককাৰীৰ টুপী উপহাৰ দিয়ে। আইডলৰ পৰা কেপ লাভ কৰি নথৈ আনন্দিত ৰিয়ান পৰাগ।

https://x.com/i/status/1821121700160815376

ভাৰতীয় ক্ৰিকেট নিয়ন্ত্ৰণ ব’ৰ্ডে (বিচিচিআই) এক্স হেণ্ডেলত এটা হৃদয়স্পৰ্শী ভিডিঅ’ শ্বেয়াৰ কৰিছে, য’ত, বিৰাট কোহলীয়ে তেওঁৰ বাকী সতীৰ্থসকলৰ উপস্থিতিত ৰিয়ান পৰাগক ইণ্ডিয়া কেপ উপহাৰ দিয়ে, লগতে ৰিয়ানৰ প্ৰশংসা কৰি ভাৰতীয় দলৰ ভৱিষ্যত আখ্যা দিয়ে।

https://x.com/assamcric/status/1821121700160815376

শ্ৰীলংকাৰ বিৰুদ্ধে ভাৰতৰ তৃতীয় আৰু শৃংখলাৰ নিৰ্ণায়ক খেলখনত দুয়ো দলৰ মুখামুখি হোৱাৰ পূৰ্বে অনুষ্ঠিত অনুষ্ঠানৰ সময়ত বিৰাট কোহলীয়ে অভিষেক ক্ৰিকেটাৰগৰাকীক প্ৰশংসা কৰি কয় যে তেওঁৰ মাজত বিশেষ কিবা এটা আছে যে নিৰ্বাচকসকলে তেওঁক বাছি লৈ আন্তঃৰাষ্ট্ৰীয় পৰ্যায়ত ভাৰতক উপস্থাপন কৰাৰ সুযোগ দিয়ে।

বিৰাট কোহলীয়ে কয় যে,- “ৰিয়ানে ভাৰতৰ হৈ প্ৰথমখন টেষ্টখেল পোৱাৰ বাবে অভিনন্দন। আজিৰ ক্ৰিকেটত আমি সকলোৱে জানো, প্ৰদৰ্শনৰ বাহিৰেও নিৰ্বাচিত হোৱাৰ বাবে অনুৰাগীসকলে তোমাক চাই আছে, তোমাৰ মাজত সকলোৱে কিবা এটা বিশেষ দেখিছে। কেপ্তেইন ৰোহিতৰ সৈতে কথা পাতিছে। নিৰ্বাচন, আৰু সকলোৱে তোমাৰ মাজত কিবা এটা বিশেষ দেখিছে। ভাৰতৰ বাবে মেচ জয়ী হোৱাৰ ক্ষমতা আছে তোমাৰ মাজত। মোৰো সেয়া বিশ্বাস আছে। আমাৰ সকলোৰে তোমাৰ ওপৰত বিশ্বাস আছে। ইয়াতকৈ ভাল সময় নাই তোমাৰ আন্তঃৰাষ্ট্ৰীয় কেৰিয়াৰ আৰম্ভ কৰাৰ।” ৰিয়ানক এইদৰে কৈয়ে ভাৰতীয় দলৰ কেপ পিন্ধাই দিয়ে বিৰাট কোহলীয়ে।

https://x.com/BCCI/status/1821117433526308895

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ