প্ৰায় ৩০০০ ভিডিঅ’ৰ দেশ কঁপাই যোৱা ঘটনাৰ প্ৰজ্জ্বল ৰেভান্নাৰ পাছত এইবাৰ ভাতৃয়ো গ্ৰেপ্তাৰ, দুই ভাতৃৰ একেই কেলেংৰাৰী
প্ৰাক্তন প্ৰধানমন্ত্ৰী এইচ ডি দেৱগৌড়াৰ নাতি জনতা দলৰ এম এল চি সুৰজ ৰেভান্নাক দেওবাৰে গ্ৰেপ্তাৰ কৰে কৰ্ণাটক আৰক্ষীয়ে। জেডিএছৰ এজন কৰ্মীয়ে সুৰজ ৰেভান্নাৰ বিৰুদ্ধে দুষ্কৰ্মৰ গোচৰ ৰুজু কৰিছিল, তাৰ পিছত আৰক্ষীয়ে তেওঁক সোধা-পোছাৰ বাবে থানালৈ মাতিছিল। দেওবাৰে পুৱা তাৰ পৰাই তেওঁক গ্ৰেপ্তাৰ কৰা হয়।
প্ৰায় ৩০০০ আপত্তিজনক ভিডিঅ’ ক্লিপ থকা প্ৰজ্জ্বল ৰেভান্নাৰ পাছত এইবাৰ ভাতৃয়ো একে ধৰণৰ গোচৰতে আটক। যোৱা ১৬ জুনৰ সন্ধিয়া হোলেনাৰসীপুৰা তালুকৰ ঘননিকড়াত থকা নিজৰ ফাৰ্ম হাউচত ৩৭ বছৰীয়া সুৰজ ৰেভান্নাই বলপূৰ্বকভাৱে ধৰ্ষণ কৰাৰ অভিযোগ উত্থাপন জেডিএছ কৰ্মীৰ।
জেডিএছৰ ২৭ বছৰীয়া কৰ্মীজনে আৰক্ষীক দিয়া এজাহাৰত ‘সুৰাজ ৰেভান্নাই মোক তেওঁৰ ফাৰ্ম হাউচলৈ মাতিছিল। তাত সি বৰ ধুনীয়াকৈ কথা পাতিলে, কিন্তু তাৰ পিছত মোৰ কান্ধত হাত থৈ মোৰ কাণ দুখন চুবলৈ ধৰিছিল। ইয়াৰ পিছত সুৰাজে আকৌ চিন্তা নকৰিবলৈ, মোৰ লগত সদাই থকাৰ কথা কৈছিল। ইয়াৰ পিছত তেওঁ মোক ভাবুকি দিছিল যে যদি মই সহযোগ নকৰো তেন্তে তেওঁ মোক হত্যা কৰিব। তাৰ পিছত মোক নিজৰ কোঠালৈ লৈ গৈ সাৱটি ধৰিছিল। মোৰ শৰীৰ চুবলৈ ধৰে শেষত মোৰ কাপোৰ খুলি বলপূৰ্বক শাৰীৰিক সম্পৰ্ক স্থাপন কৰে।
এই অভিযোগৰ ভিত্তিত আৰক্ষীয়ে ভাৰতীয় দণ্ডবিধিৰ (আই পি চি) ৩৭৭ (অস্বাভাৱিক যৌনতা) আৰু ৫০৬ (অপৰাধমূলক ভয় দেখুওৱা) ধাৰাত সুৰজ ৰেভান্নাৰ বিৰুদ্ধে গোচৰ ৰুজু কৰে। পিছত হোলেনৰ্সিপুৰা গ্ৰাম্য থানাত কেইবা ঘণ্টা ধৰি জেৰা কৰাৰ পিছত আজি দেওবাৰে সুৰজক গ্ৰেপ্তাৰ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
