অসম লাইভ ২৪ঃ সুশান্ত সিং ৰাজপুতৰ মৃত্যু সন্দর্ভত প্ৰথমৰ পৰাই সন্দেহৰ আৱর্তত আছিল বান্ধৱী ৰিয়া চক্ৰৱর্তী। বিগত মাহত ৰিয়াৰ বিৰুদ্ধে সুশান্তৰ বেংক একাউণ্টৰ পৰা ধন আত্মসাতৰ অভিযোগ তুলি সুশান্তৰ পিতৃ কে কে সিঙে পাটনা থানাত গোচৰ তৰিছিল। ইয়াৰ পাছতে তদন্তত নামি পৰিছিল এনফ’র্ছমেণ্ট ডাইৰেক্টৰেট চমুকৈ ইডিয়ে। ৰিয়াক জেৰা কৰাত বহু গুৰুত্বপূর্ণ তথ্য পোহৰলৈ আহিছে। এইবাৰ সুশান্তৰ প্ৰাক্তন বিজনেছ মেনেজাৰ শ্ৰুতি মোদীক ইডিয়ে জেৰা কৰাত শ্ৰুতিয়ে বিস্ফোৰক মন্তব্য কৰিছে। সুশান্তক নিচাৰ ঔষধ দি মানসিক অচেতন কৰি ৰাখিছিল ৰিয়াই। আৰু সেই সময়ছোৱাতেই সুশান্তৰ পৰা ৰিয়াই জাল চহী কৰাই লৈছিল। ইয়াৰ পাছতে ৰিয়াৰ বিৰুদ্ধে ৰাজসাক্ষী হ’বলৈও সন্মতি প্ৰকাশ কৰিছে শ্ৰুতি মোদীয়ে। সুশান্তক অচেতন কৰি সুশান্তৰ বেংক একাউণ্টৰ পৰা বৃহৎ পৰিমাণৰ ধন উলিয়াই নিছিল ৰিয়াই। সুশান্তৰ পিতৃয়ে ৰিয়াৰ বিৰুদ্ধে ১৫ কোটি টকা আত্মসাৎ কৰাৰ অভিযোগ তুলিছিল। ইয়াৰ মাজতে ছ’চিয়েল মিডিয়াত সুশান্তৰ ব্যৱসায় সংক্ৰান্তত কিছু কাগজ-পত্ৰ আৰু পান কার্ড ভাইৰেল হয়। দাবী কৰা হৈছে পুৰণা কাগজ-পত্ৰ আৰু পান কার্ডত থকা সুশান্তৰ চহীৰ সৈতে পৰৱর্তী সময়ত কৰা চহীসমূহৰ মিল নাই। ইয়াৰ উপিৰও ৰিয়াই সুশান্তক সমাজ, পৰিয়াল, বন্ধুবর্গৰ পৰা আঁতৰাই ৰাখিছিল। এই চাঞ্চ্যলকৰ অভিযোগ শ্ৰুতি মোদীৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
