অসম লাইভ২৪ঃ এটা যুগৰ অন্ততঃ বিশ্বকাপ জয় কৰিলে ইংলেণ্ডে। ২০১৬ চনত ফাইনেল পালেও ৱেষ্ট ইণ্ডিডৰ হাতত ধৰাশায়ী হৈছিল ইংলেণ্ডৰ দলটো। এইবাৰ আৰু তেনে হ’বলৈ নিদিলে। পূৰ্বতকৈ অধিক আক্ৰমণাত্মক হৈ পৰিল টীম ইংলেণ্ড। ফলাফল আজিৰ এই বিজয়। ৩০ বছৰৰ ইতিহাস পুনৰাবৃত্তি হ’ব বুলি পাকিস্তানে আশা কৰিছিল যদিও সেই আশা আৰু সম্পূৰ্ণ নহ’ল। ১৯৯২ চনত ৫০ অভাৰৰ বিশ্বকাপ জয় কৰিলেও ২০ অভাৰৰ টি-২০ বিশ্বকাপ জয় কৰিব নোৱাৰিলে পাকিস্তানে। আধৰুৱা হৈ ৰ’ল ব্ৰিটিছ বাহিনীক হৰুৱাৰ সপোনো। বিশ্বকাপৰ সামৰণিৰ পাছতেই প্ৰায়সংখ্যকৰে মনত প্ৰশ্ন, বিশ্বকাপ বিজয়ী ইংলেণ্ড আৰু ফাইনেল খেলা দল পাকিস্তানে মুঠ কিমান ধন লাভ কৰিব? জছ বাটলাৰ বেন ষ্ট্ৰোকচে পাব কিমান কোটি টকা?
বিশ্বকাপ জয়ী দল হিচাপে বাটলাৰ বাহিনীয়ে লাভ কৰিব ১৬ লাখ ডলাৰ অৰ্থাৎ ভাৰতীয় মুদ্ৰাত এই ধনৰ পৰিমান হ’ব ১৩ কোটি টকা। ইয়াৰোপৰি গ্ৰুপৰ তিনিটাকৈ মেচ জয় কৰাৰ বাবেও লাভ কৰিব ধন। তিনিখন মেছ জয় কৰাৰ বাবদ বাটলাৰৰ দলে এখনকৈ মেচতেই লাভ কৰি ৪০ হাজাৰ ডলাৰ অৰ্থাৎ ভাৰতীয় টকাত ইয়াৰ পৰিমান হ’ব ৩২ লাখ ২০ হাজাৰ ১৮০ টকা। তিনিখন মেচত মুঠ ধনৰ পৰিমান হ’ব ১ লাখ ২০ হাজাৰ ডলাৰ। ফাইনেলকে ধৰি আটাইকেইখন মেচত মুঠ ধনৰ পৰিমান হ’ব ১৪ কোটি টকা।
ইফালে ফাইনেলত পৰাস্ত হৈয়ো পাকিস্তানে লাভ কৰিব ৮ লাখ ডলাৰ। ভাৰতীয় মুদ্ৰাত এই ধনৰ পৰিমান হ’ব ৬ কোটি টকা। ইয়াৰোপৰি তিনিখন গ্ৰুপ মেচ জিকাৰ বাবে পাকিস্তানে লাভ কৰিব ১ লাখ ২০ হাজাৰ ডলাৰ। অৰ্থাৎ আটাইকেইখন মেচত পাকিস্তানে লাভ কৰিব মুঠ ৭ কোটি টকা। এই পুৰস্কাৰ ধন দলৰ ক্ৰিকেটাৰ সকলৰ মাজত ভগাই দিয়া হয় বুলিও উল্লেখ কৰিছে অষ্ট্ৰেলিয়ান ক্ৰিকেট বৰ্ডে।
উল্লেখ্য যে, ভাৰতীয় দলটোৱে ছেমিফাইনেলত বিদায় ললেও ভাৰতীয় দলটোৱে লাভ কৰিছে ৪ লাখ ডলাৰ। চাৰিখনকৈ মেচ জয় কৰাৰ বাবে দলটোৱে লাভ কৰিছে ১ লাখ ৬০ ডলাৰ। সমূহ পুৰস্কাৰ মুল্য যদি একলগ কৰা হয় তেন্তে ভাৰতীয় দলটোৱে লাভ কৰিছে প্ৰায় ৪ কোটি টকা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
