আজি হাইভল্টেজ খেল, মুখ্যতঃ ১০ গৰাকী খেলুৱৈৰ মাজত হ’ব কঠিন প্ৰতিযোগিতা হ’ব, কোন এই ১০ গৰাকী খেলুৱৈ
আজি সন্ধিয়া ৮ বজাৰ লগে লগে সকলো ভাৰতবাসী আৰু চুবুৰীয়া দেশ পাকিস্তান বাসীৰ দৃষ্টি নিৱদ্ধ হ’ব টেলিভিচনৰ সমুখত। আজি দেওবাৰে টি-২০ বিশ্বকাপ ২০২৪ত পাকিস্তানৰ মুখামুখি হ’ব ভাৰত। টিম ইণ্ডিয়াই এই খেলখনৰ বাবে প্ৰস্তুতি সম্পূৰ্ণ কৰিছে।
নিউয়ৰ্কৰ কঠিন খেলপথাৰত আয়াৰলেণ্ডৰ বিৰুদ্ধে জয়লাভ কৰাৰ পিছত টিম ইণ্ডিয়াৰ খেলুৱৈসকলৰ মনোবল উচ্চ। একে সময়তে পাকিস্তানে শেষৰখন খেলত পৰাজয়ৰ সন্মুখীন হ’বলগীয়া হৈছিল যাৰ বাবে তেওঁলোকৰ আত্মবিশ্বাস তথা মনোবল কিছু হ্ৰাস পাই আছে।
ভাৰত আৰু পাকিস্তানৰ মাজৰ খেলখন সদায় বিশেষ আৰু সমগ্ৰ বিশ্বৰ ক্ৰিকেট অনুৰাগীয়ে এই মেচখনৰ ওপৰত চকু ৰাখে। এই কাৰণে ইয়াক মহামুকবালা তথা হাইভল্টেজ বুলিও কোৱা হয়।
বিশ্বকাপৰ খেলখনত দুয়োটা দলৰ মাজত হোৱা প্ৰতিযোগিতা কেৱল ৰোমাঞ্চকৰ হোৱাই নহয়, একাংশ খেলুৱৈৰ মাজত হোৱা পাৰস্পৰিক যুঁজখনো মজাৰ হ’বলৈ গৈ আছে। আজিৰ খেল খনত বিশেষকৈ ১০ গৰাকী লোকৰ মাজত সংঘৰ্ষ হবলৈ গৈ আছে।
বাবৰ বনাম বুমৰাহ
ক্ৰিকেটত যশপ্ৰীত বুমৰাহৰ বলৰ পৰা বাচিবলৈ সক্ষম হোৱা বেটছমেন খুব কম। বাবৰ আজমৰ নামো ইয়াত অন্তৰ্ভুক্ত কৰিব পাৰি। এতিয়ালৈকে বাবৰৰ উইকেট লোৱা নাই বুমৰাহে। টি-২০ত বুমৰাহৰ বিৰুদ্ধে ১০টা বলত ১৩ ৰান সংগ্ৰহ কৰিছে বাবৰে। এদিনীয়াত তেওঁ ৩৯টা বলত ২২ ৰান সংগ্ৰহ কৰিছে।
ৰিজৱান বনাম আৰ্ছদীপ
মহম্মদ ৰিজৱানে পাৱাৰপ্লেত বেটিং কৰাৰ পিছতো আৰ্ছদীপ সিঙৰ বিৰুদ্ধে ২৩টা বলত মাত্ৰ ২৩ ৰানহে সংগ্ৰহ কৰে। ২০২২ চনৰ টি-২০ বিশ্বকাপৰ মেচতো আৰ্ছদীপে ৰিজৱানক আউট কৰিছিল। এইবাৰো তেওঁ একেধৰণৰ কাম কৰিব বিচাৰিব।
কোহলী বনাম শ্বাহীন আফ্ৰিদী
বেগী বলাৰ শ্বাহীন শ্বাহ আফ্ৰিদীৰ ওপৰত বিৰাটৰ চকু থাকিব। এনে পৰিস্থিতিত প্ৰথম অভাৰতে দুয়োৰে মাজত সংঘৰ্ষ হোৱা দেখা যাব। টি-২০ত বিৰাটে শ্বাহীনৰ বিৰুদ্ধে ২২টা বলত ১৫৫ ৰান ষ্ট্ৰাইক ৰেটত ৩৪ ৰান সংগ্ৰহ কৰিছে।
ৰোহিত বনাম আমিৰ
ৰোহিত শৰ্মাই টি-২০ আন্তঃৰাষ্ট্ৰীয় মেচত মহম্মদ আমিৰৰ বিৰুদ্ধে ৭টা বল খেলিছে। এদিনীয়াত ৰোহিতে আমিৰৰ বিৰুদ্ধে ৪৩ ৰান সংগ্ৰহ কৰিছে যদিও ইয়াৰ বাবে তেওঁ ৭১টা বলৰ মুখামুখি হৈছিল। প্ৰাৰম্ভিক অভাৰত বাওঁহাতৰ বেগী বলাৰৰ বিৰুদ্ধে সমস্যাৰ সন্মুখীন হ’বলগীয়া হৈছে ৰোহিতে।
ফাখৰ বনাম কুলদীপ যাদৱ
কুলদীপ যাদৱে প্ৰথমখন মেচত সুযোগ নাপালে যদিও এই মেচত তেওঁ পুনৰ প্ৰত্যাৱৰ্তন কৰিব পাৰে। কুলদীপে পাকিস্তানৰ বিৰুদ্ধে টি-২০ খেলা নাই। কিন্তু এদিনীয়াত তেওঁ ৩৩টা বলত তিনিবাৰকৈ ফখৰক আউট কৰিছে। ফাখৰক বাধা দিবলৈ ভাৰতীয় দলে এই মেচত কুলদীপক সুযোগ দিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
