নিশা শৌচালয়লৈ যোৱাৰ সময়তে কিশোৰীক ৪৫ বছৰীয়াৰ …
কাছাৰত পুনৰ সংঘটিত হৈছে কিশোৰী ধৰ্ষণৰ ঘটনা। নিশা শৌচালয়লৈ যোৱাৰ সময়তে কিশোৰীক বলপূৰ্বকক ধৰ্ষণ কৰিলে প্ৰতিবেশী ইছলাম উদ্দিন নামৰ এগৰাকী ৪৫ বছৰীয়া লম্পটে।
এই জঘন্য ঘটনাটো সংঘটিত হৈছে কাছাৰৰ কাটিগড়া চাংজুৰাই গাঁৱত। জানিব পৰা মতে, নিশাৰ সময়ত ১২ বছৰীয়া কিশোৰীগৰাকীয়ে ঘৰৰপ ৰা কিছু নিলগত থকা শৌচালয়লৈ গৈছিল। তেতিয়াই অন্ধকাৰ আৰু কোনো নথকাৰ সুযোগ বুজি প্ৰতিবেশী ইছলাম উদ্দিনে কিশোৰীক জোৰজৱৰদস্তি ধৰি ওচৰৰে খেতিপথাৰত লৈ যায় ।
সেই পথাৰতে লম্পটে কিশোৰীৰ সৈতে অসৎ স্বৰিতাৰ্থ পূৰণ কৰে। ঘটনা সংঘটিত কৰি ধৰ্ষণকাৰী ইছলামে সেইস্থানৰ পৰা পলায়ন কৰাৰ পাছত কিশোৰী যেতিয়া ঘৰত উপস্থিত হয় তেতিয়াহে পৰিয়ালৰ লোকে জানিবপাৰে কন্যাৰ সৈতে সংঘটিত হোৱা ঘটনাৰ বিষয়ে।
আজি পুৱাই ভুক্তভোগী কিশোৰীৰ পৰিয়ালে কাটিগড়া আৰক্ষী চকীত উপস্থিত হৈ ঘটনা সন্দৰ্ভত গোচৰ তৰে। আৰক্ষীয়ে গোচৰ ৰুজু কৰি অভিযুক্তৰ সন্ধানত নামি পৰিছে লগতে তদন্ত অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
