গুৰু শিষ্যৰ প্ৰেমৰ ঘটনাই মাজে মাজে সংবাদ মাধ্যমৰ চৰ্চাৰ কেন্দ্ৰ বিন্দু হৈ পৰে৷ গুৰু শিষ্যৰ প্ৰেমৰ সম্পৰ্ক ফাদিল হোৱাৰ পাছতে বহু গুৰুৰ জীৱনলৈ কাল অমনিশাও নামি অহা দেখা যায়৷
অৰ্থাৎ ঘটনা পোহৰলৈ আহিলে শেহান্তৰত শিক্ষক বা শিক্ষয়িত্ৰীগৰাকীয়েই ইয়াৰ পৰিণাম ভুগিবলগীয়া হয়৷ বহু শিক্ষকে ইয়াৰ বাবে জে’ললৈ যাত্ৰা কৰি চাকৰিৰ পৰাও নিলম্বিত হ’বলগীয়া হয়৷ আনহাতে এনে কাণ্ডত জড়িত প্ৰাইভেট শিক্ষকে কাৰাগাৰৰ ৰঙা ভাত খাবলৈ বাধ্য হয়৷
ঠিক তেনে এটা খবৰে পুনৰ সংবাদ শিৰোণাম দখল কৰিছে৷ এইবাৰ ঘটনাটো বিহাৰৰ বাক্সাৰৰ৷ ঘটনাৰ বিৱৰণীৰ মতে বাক্সাৰৰ ৰে’লেৱ ষ্টেচনত ৰে’ল আৰক্ষীয়ে নিশা এগৰাকী কিশোৰীক সন্দেহজনক অৱস্থাত বিচৰণ কৰি থকা প্ৰত্যক্ষ কৰে৷ কিশোৰীগৰাকীৰ আচৰণত সন্দেহ ঘণীভূত হোৱাত ৰে’ল আৰক্ষীয়ে জেৰা কৰিবলৈ আৰম্ভ কৰে৷
লগতে পঢ়ক ‘বুলু ফিল্ম’ চমৎকাৰ সৃষ্টিৰ নিষ্ফল প্ৰয়াস নেকি?
আৰক্ষীয়ে জেৰা কৰাতহে উৰহী গছৰ ওৰ ওলাল৷ ব’ৰ্ড পৰ্যায়ৰ ছাত্ৰীগৰাকীয়ে এটা প্ৰাইভেট ক’ৰ্ছিং চেণ্টাৰ ক্লাছ কৰি আহিছিল৷ উক্ত চেণ্টাৰৰে সঞ্জীত কুমাৰ নামৰ শিক্ষকজনৰ সৈতে কিশোৰী ছাত্ৰীগৰাকীৰ প্ৰেমৰ সম্পৰ্ক গঢ়ি উঠে৷ ইয়াৰ পাছতে তেওঁলোকে পলায়ন কৰি বিবাহপাশত আৱদ্ধ হোৱাৰ পৰিকল্পনা কৰে৷
পৰিকল্পনা অনুসৰি যোৱা দেওবাৰে ছাত্ৰীগৰাকীয়ে ঘৰৰ পৰা পলায়ন কৰি ৰে’ল ষ্টেচনত উপস্থিত হৈ যদিও প্ৰেমিক শিক্ষকজন গৈ তাত উপস্থিত নহ’ল৷ প্ৰেমিকক ৰে’ল ষ্টেচনত নাপায় ছাত্ৰীগৰাকী কিংকৰ্তব্যবিমূঢ় হৈ পৰে৷ এইদৰে সময় কাটি যোৱাৰ লগে ছাত্ৰীগৰাকীৰ দুঃচিন্তা বাঢ়িবলৈ ধৰিলে৷
প্ৰেমিক শিক্ষকজন ষ্টেচনত উপস্থিত নোহোৱাত ছাত্ৰীগৰাকীয়ে কি কৰিব তাকে লৈ বিভ্ৰান্ত হৈ পৰে৷ ছাত্ৰীগৰাকীৰ এই সমগ্ৰ কাণ্ড ৰে’ল আৰক্ষীয়ে নজৰ দি আছিল৷ অৱশেষত ৰে’ল আৰক্ষীৰ ছাত্ৰীগৰাকীৰ আচৰণত সন্দেহ হোৱাত জেৰা চলায়৷
লগতে পঢ়ক এল’ন মাস্কৰ প্ৰেমৰ চিঠি আৰু উপহাৰ নিলাম প্ৰাক্তন প্ৰেমিকাৰ, দাম উঠিল কিমান জানেনে?
ৰে’ল আৰক্ষীয়ে জেৰাৰ অন্তত ছাত্ৰীগৰাকীৰ পৰিয়াললৈ খবৰ দি শিশু কল্যাণ সমিতিৰ হাতত অৰ্পণ কৰে৷ ইফালে ঘটনা সন্দৰ্ভত কিশোৰীগৰাকীৰ পৰিয়ালে নিৰুদ্দেশ হোৱাৰ লগতে শিক্ষকজনে পলোৱাই নিয়াৰ অভিযোগ তুলি স্থানীয় আৰক্ষী থানাত এজাহাৰ দাখিল কৰে৷
কিশোৰীগৰাকীৰ পৰিয়ালে আৰক্ষীৰ ওচৰত অভিযোগ দাখিল কৰাৰ সম্ভেদ পাই শিক্ষক সঞ্জীত কুমাৰে আত্মগোপন কৰে৷ কিন্তু আৰক্ষীয়ে তেওঁৰ সন্ধানত অভিযান চলাই ন্যাইপুৰৰ অঞ্চলৰ পৰা গ্ৰেপ্তাৰ কৰি শিক্ষক সঞ্জীত কুমাৰক জে’ল হাজোতলৈ প্ৰেৰণ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
