ডনাল্ড ট্ৰাম্প নে কমলা হেৰিছ হ’ব আমেৰিকাৰ পৰবৰ্তী প্ৰেছিডেণ্ট? ৪৭সংখ্যক প্ৰেছিডেণ্ট হিচাপে কোনে হোৱাইট হাউছত ভৰি থ’ব সেয়া আৰু কিছু সময়ৰ পাছতেই স্পষ্ট হ’ব৷ কিছুসময়ৰ পাছতেই বিশ্বই জানিব কোন হ’ব প্ৰথম বিশ্বৰ দেশ আমেৰিকাৰ প্ৰেছিডেণ্ট৷ হোৱাইট হাউছৰ গাদীত বহি কিমান দৰমহা লাভ কৰে এজন প্ৰেছিডেণ্টে? কি কি বিশেষ সুবিধা লাভ কৰে প্ৰেচিডেণ্ট এগৰাকীয়ে?
সূত্ৰৰ খবৰ অনুসৰি আমেৰিকাৰ প্ৰেছিডেণ্টে বাৰ্ষিক ৪লাখ মাৰ্কিন ডলাৰ দৰমহা লাভ কৰে৷ ভাৰতীয় মুদ্ৰাত সেয়া প্ৰায় ৩কোটি ৩৬লাখ টকা৷ আমেৰিকাৰ প্ৰেছিডেণ্টৰ দৰমহা শেষবাৰ বাঢ়িছিল ২৩ বছৰ পূৰ্বে৷ প্ৰাক্তন প্ৰেছিডেণ্ট জৰ্জ বুছৰ আমোলত বৃদ্ধি পাইছিল দৰমহা৷ দুই দশক দৰমহা নাবাঢ়িলেও এতিয়াও অন্য দেশৰ তুলনাত আমেৰিকাৰ প্ৰেছিডেণ্টৰ দৰমহা বেছি৷
আমেৰিকাৰ প্ৰেছিডেণ্টে বছৰত ৪লাখ মাৰ্কিন ডলাৰ দৰমহা পায়৷ ভাৰতীয় মুদ্ৰাত যি প্ৰায় ৩ কোটি ৩৬লাখ টকাৰ সমান৷ এই মূল দৰমহাৰ সৈতে প্ৰতি বছৰে দফতৰৰ কাম চলাবৰ বাবে অতিৰিক্ত ৪২ লাখ ভাট্টা হিচাপে পায় মাৰ্কিন প্ৰেছিডেণ্টে৷ ইয়াৰোপৰি প্ৰত্যেকবাৰ নতুন প্ৰেছিডেণ্ট হিচাপে যিয়ে দায়িত্ব লয় তেওঁ ঘৰ আৰু অফিচ সজোৱাৰ বাবে প্ৰাথমিক খৰচৰ বাবদ এককালীন ১ লাখ ডলাৰ পায়৷ ভাৰতীয় মুদ্ৰাত যি ৮৪ লাখ টকাৰ সমান৷
এই টকাৰে প্ৰেছিডেণ্টৰ বাসভৱন হোৱাইট হাউছক সজোৱা, প্ৰয়োজন অনুযায়ী সংস্কাৰৰ কামত খৰচ কৰিব পাৰে নতুন প্ৰেছিডেণ্টে৷ আমেৰিকাৰ প্ৰথম প্ৰেছিডেণ্ট জৰ্জ ৱাছিংটনৰ দৰমহা আছিল বছৰি ২০০০ হাজাৰ ডলাৰ৷ যি অষ্টদশ শতাব্দীৰ নিৰিখত যথেষ্টই মোটা অৰ্থ৷ ইয়াৰ পাছত সময়ৰ সৈতে মাৰ্কিন প্ৰেছিডেণ্টৰ দৰমহাও বাঢ়িছে৷ শেষবাৰ ২০০১ চনত জৰ্জ ডব্লিউ বুছৰ আমোলত প্ৰেছিডেণ্টৰ দৰমহা বাঢ়ি বছৰি চাৰি লাখ ডলাৰ কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
