ৰাজ্যৰ মাদ্ৰাছাসমূহত বন্দে মাতৰম গোৱাটো বাধ্যতামূলক কৰাক লৈ এক নতুন নিৰ্দেশনা দিয়াক লৈ ৰাজনৈতিক আৰু প্ৰশাসনিক মহলত তীব্ৰ আলোচনা আৰম্ভ হৈছে৷ প্ৰতিবেদনত দাবী কৰা হৈছে যে ৰাজ্যৰ মাদ্ৰাছা, শিক্ষা দপ্তৰৰ পৰা জাৰি হোৱা সেই নিৰ্দেশ অনুসৰি এইবাৰৰ পৰা সমস্ত মাদ্ৰাছাত প্ৰতিদিনে ক্লাছ আৰম্ভ হোৱাৰ পূৰ্বে প্ৰাৰ্থনা বা এছেম্বলিত বন্দে মাতৰম গোৱাটো বাধ্যতামূলক কৰা হ’ব৷
বিষয়টোক লৈ মাদ্ৰাছা ষ্টাফ এছচিয়েচনৰ ৰাজ্যিক কমিটিৰ সভাপতি ফিৰোজউদ্দিন ছাকীয়ে কয়, ‘যি দেশত বাস কৰো তাৰ নিয়ম কানুন মানি চলাই আমাৰো ধৰ্মীয় নিৰ্দেশ৷ চৰকাৰৰ নিৰ্দেশত আমাৰ কোনো আপত্তি নাই৷ যিসকল প্ৰগতিশীল মুছলমান, শিক্ষিত মুছলমান তেওঁলোকৰ কোনো সমস্যা নাই৷ আমাৰ সংগঠনৰ আওতাত ১১০০ মাদ্ৰাছা আছে৷ গৰমৰ বন্ধৰ পাছত ১ জুনত মাদ্ৰাছাসমূহ খুলিব৷ প্ৰথমদিনৰ পৰাই আৰম্ভ হ’ব বন্দেমাতৰম সংগীত৷ ছাৰে জাঁহা চে আচ্ছা গোৱা হয়৷ এইবাৰ ইয়াৰ সৈতে বন্দো মাতৰমো গোৱা হ’ব৷’
সূত্ৰৰ উল্লেখ কৰি কোৱা হৈছে যে ১৯ মে ২০২৬ তাৰিখে মাদ্ৰাছা শিক্ষাৰ ডাইৰেক্টৰেটে এই নিৰ্দেশিকা জাৰি কৰিছে আৰু অবিলম্বে কাৰ্যকৰ কৰাৰ কথাও জনোৱা হৈছে৷ নিৰ্দেশিকাৰ পূৰ্বৰ প্ৰচলিত প্ৰথা বা নিয়ম বাতিল কৰি নতুন এই ব্যৱস্থা আৰম্ভ কৰাৰ কথাও উল্লেখ আছে বুলি দাবী কৰা হৈছে৷ প্ৰস্তাবিত নিৰ্দেশিকাৰ আওঁতাত চৰকাৰী মডেল মাদ্ৰাছা, চৰকাৰৰ অনুমোদিত আৰু সাহায্যপ্ৰাপ্ত মাদ্ৰাছা, এম এছ কে আৰু এছ এছ কে আৰু স্বীকৃত বেচৰকাৰী মাদ্ৰাছাসমূহ অন্তৰ্ভূক্ত থাকিব বুলি জনা গৈছে৷
এই সমগ্ৰ বিষয়টোক লৈ ৰাজনৈতিক চৰ্চাও আৰম্ভ হৈছে৷ বিৰোধীৰ অভিযোগ যে শিক্ষাপ্ৰতিষ্ঠানত ধৰ্মীয় আৰু সাংস্কৃতিক সংবেদনশীলতা বিবেচনা নকৰি এই ধৰণৰ নিৰ্দেশ জাৰি কৰা হৈছে নে সেই বিষয়ক লৈয়ো প্ৰশ্ন উঠিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
