অসম লাইভ২৪ঃ বন্ধুৰ সৈতে বহা সাপ্তাহিক আড্ডাত ঘটিছে এক বিশেষ ঘটনা। প্ৰায়সংখ্যকৰ বাবে আড্ডাত মদ্যপান এৰাব নোৱাৰা অংগ। এই আনন্দত ভাগ লৈ এজন ব্যক্তিয়ে মাতি আনিলে মৃত্যুক। বন্ধুক প্ৰত্যাহ্বান জনাই এটা দুটা নহয় প্ৰায় ২২ পেগ সুৰা সেৱন কৰে ব্যক্তিজনে। ৯০ মিনিটৰ ভিতৰত এই সুৰা সেৱন কৰিছে ব্যক্তিজনে। ইমান কম সময়ৰ ভিতৰত অত্যাধিক সুৰা লৈ মৃত্যুক সাবটি লৈছে যুৱকজনে। পাৰ্টী কৰিবলৈ গৈ এনেদৰে মৃতদেহ ঘৰলৈ আহিব সেয়া কোনোৱেই কল্পনা কৰা নাছিল। কম সময়ত অত্যাধিক সুৰা সেৱন কৰাৰ বাবে শৰীৰত বিষক্ৰিয়া হৈ মৃত্যু হৈছে যুৱকজনৰ।
ক্ৰায়াইল্ড নাইটছ নামৰ এটা ক্লাবত বন্ধুৰ সৈতে সুৰা পাৰ্টী কৰিবলৈ গৈছিল ৩৬ বছৰীয়া মাৰ্কে। তাতেই বন্ধুৰ সৈতে চেলেঞ্জত লাগি সুৰাপান কৰে মাৰ্কে। ৯০ মিনিটক ভিতৰত ২২ পেগ সুৰা সেৱন কৰে যুৱকজনে। মদ্যপান কৰা কিছুসময়ৰ পাছতেই মাৰ্ক অসুস্থ হৈ পৰে। হাস্পতাললৈ লগে লগে লৈ যোৱা হয় যদিও চিকিৎসকে মৃত ঘোষণা কৰে। মাৰ্ক সুৰাসক্ত হৈ অচেতন হৈ পৰাৰ পাছত তেওঁৰ জেপত থকা ৪২০ পাউণ্ড ধনো কোনোৱে লুট কৰি নিছে। ঘটনাক লৈ আৰক্ষীয়ে ইতিমধ্যে আৰম্ভ কৰিছে তদন্ত। বিশেষ পাৰ্টীত উপস্থিত থকা ৪ বন্ধুক আৰক্ষীয়ে আটক কৰি জেৰা অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
