শীতকালত খুবেই ভৰিৰ গোৰোহা ফাটে? কেৱল বাহ্যিক যত্ন নহয়, শৰীৰত এই ভিটামিনৰ ঘাটি দূৰ কৰিলেহে কমিব এই সমস্যা

শীত আহিলেই বহুতৰে সকলোতকৈ ডাঙৰ সমস্যা হৈছে গোৰোহা ফটা৷ ভৰিৰ তল শুকাই গলে ছাল ফাটিবলৈ আৰম্ভ হয়৷ লগতে বিষো আৰম্ভ হব পাৰে৷ সাধাৰণতে শুকান পৰিবেশ আৰু পানী কমকৈ পান কৰাৰ কাৰণে এনে হয় বুলি প্ৰচলিত ধাৰণা৷ কিন্তু বহুতেই নাজানে যে শৰীৰত কিছু ভিটামিনৰ অভাৱ থাকিলেও এই সমস্যা আৰু বাঢ়ি যায়৷ কেৱল শীতেই নহয় গৰমকালতো গোৰোহা ফাটে৷

শীতকালত বতাহত আৰ্দ্ৰতা কম থাকে৷ ফলত ছালে নিজৰ আৰ্দ্ৰতা ধৰি ৰাখিব নোৱাৰে৷ ইয়াৰ সৈতে যদি শৰীৰত কিছু ভিটামিন কমি যায় তেতিয়া ছালৰ কোষ দুৰ্বল হয় আৰু সহজেই ফাটি যায়৷ আৰু সকলোতকৈ বেছি ক্ষতিগ্ৰস্থ হয় গোৰোহা৷ কি কি ভিটামিনৰ অভাৱত ভৰি ফটাৰ সমস্যাত ভূগিব পাৰে? জানি থওক সবিশেষ৷

ভিটামিন ইঃ ভিটামিন ই ছালৰ বাবে খুবেই গুৰুত্বপূৰ্ণ৷ ই ছালক নৰম ৰাখে আৰু শুষ্কতা কমায়৷ ইয়াৰ অভাৱত ছাল ৰুক্ষ হৈ পৰে৷ ছালৰ ওপৰিভাগ টান হৈ ফাটিবলৈ আৰম্ভ হয়৷ খোজ কাঢ়োতে গোৰোহাতেই বেছিকৈ চাপ পৰে সেয়েহে গোৰোহাই আগতে ফাটিবলৈ ধৰে৷

ভিটামিন বি-৩ঃ এই ভিটামিনে ছালৰ কোষক সুস্থ ৰাখে৷ বি-৩ কম থাকিলে ছাল শুকায় যায়৷ আৰু ফাটিবলৈ ধৰে৷ আনকি গোৰোহা গভীৰভাৱে ফাটিবলৈ ধৰে৷

ভিটামিন চিঃ ভিটামিন চিয়ে ছালত কোলাজেন তৈয়াৰ কৰে৷ কোলাজেনেই ছালক নমনীয় আৰু মজবুত কৰি ৰাখে৷ শৰীৰত ভিটামিন চি কমি গলে ছাল পাতল হৈ শুকাই যায়৷ ফলত সামান্য শুকান বতৰ আহিলেই গোৰোহা ফাটিবলৈ ধৰে৷