ৰাছিয়াৰ আক্ৰমণত বিধ্বস্ত হৈ পৰা ইউক্ৰেইনে কিছু সকাহ লাভ কৰিছে৷ ইউক্ৰেইনৰ ৰাষ্ট্ৰপতি ভ’ল’দিমিৰ জেলেনস্কিয়ে বিশ্বৰ বিভিন্ন ৰাষ্ট্ৰৰ পৰা সামৰিক সহায় বিচাৰি কাতৰ আহ্বান জনাই আহিছে৷ অন্যান্য সাহায্যৰে নোৱাৰিলে যুদ্ধাস্ত্ৰ প্ৰদান কৰি হ’লেও যুদ্ধ বিধ্বস্ত দেশখনক সহায় কৰিবলৈ ৰাষ্ট্ৰপতি জেলেনস্কিয়ে আহ্বান জনাইছিল৷
আমেৰিকাই যুদ্ধাস্ত্ৰ প্ৰেৰণ কৰাৰ কথা প্ৰকাশ পালেও অন্য কোনো ৰাষ্ট্ৰই সংকটত পৰা ৰাষ্ট্ৰখনক মুক্তহস্তে সহায় আগবঢ়োৱা পৰিলক্ষিত হোৱা নাই৷
লগতে পঢ়ক ইউক্ৰেইনৰ ৰাষ্ট্ৰপতিৰ পত্নীয়ে শ্বেয়াৰ কৰিলে অতি ভাবুক প’ষ্ট! কি লিখিলে জেলেনস্কাই?
ঠিক তেনে এক সংকটৰ সময়তে বিশ্ব বেংকে যুদ্ধ বিধ্বস্ত দেশখনলৈ আৰ্থিক সাহায্য প্ৰদান কৰাৰ কথা ঘোষণা কৰিছে৷ মংগলবাৰে বিশ্ব বেংকে ইউক্ৰেইনলৈ ৩ বিলিয়ন আৰ্থিক সাহায্য প্ৰদান কৰা হ’ব বুলি ঘোষণা কৰিছে৷ ইয়াৰে ৩৫০ নিযুত ডলাৰ তাৎক্ষণিক পুঁজিৰ হিচাপে বিশ্ব বেংকে ইউক্ৰেইনলৈ মুকলাই দিব৷
বিশ্ব বেংকৰ সভাপতি ডেভিদ মালপাছ আঅৰু আন্তৰ্জাতিক মুদ্ৰা নিধিৰ পৰিচালক সঞ্চালক ক্ৰিষ্টালিনা জৰ্জিভাই এক যুটীয়া বিবৃতিত কয় যে এই সাহায্যৰ প্ৰথমটো কিস্তি চলিত সপ্তাহৰ ভিতৰতে মুকলি কৰি দিবলৈ ব’ৰ্ডৰ ওচৰত অনুমোদনৰ বাবে দাখিল কৰা হ’ব৷
লগতে পঢ়ক ইউক্ৰেইনৰ ৰাষ্ট্ৰপতিৰ পত্নীয়ে শ্বেয়াৰ কৰিলে অতি ভাবুক প’ষ্ট! কি লিখিলে জেলেনস্কাই?
ইফালে ইয়াৰ পিছতে অন্য ২০০ নিযুত ডলাৰ যুদ্ধোত্তৰ স্বাস্থ্য আৰু শিক্ষা খণ্ডত ব্যয় কৰিবলৈ ধাৰ্য কৰি অনুমোদনৰ বাবে দাখিল কৰা হ’ব বুলিও বিবৃতিটোত কোৱা হৈছে৷
বিশ্ব বেংক আৰু আন্তৰ্জাতিক মুদ্ৰা নিধিয়ে শেহতীয়াকৈ ইউক্ৰেইনক অধিক বিত্তীয় সাহায্য প্ৰদান কৰাৰ প্ৰতিশ্ৰুতি দিছিল৷ এই প্ৰতিশ্ৰুতি অনুসৰিয়েই ইউক্ৰেইনলৈ বিশ্ব বেংকে এই সাহায্য প্ৰদান কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
