অসম লাইভ ২৪ঃ পেট্ৰ’লৰ জৰিয়তে বাইক-স্কুটাৰ চলাৰ কথা আপুনি শুনিছে। পৰিৱেশ-প্ৰদূষণ কমাবৰ কাৰমে বৈদ্যুতিক গাড়ী ৰাস্তাত চলা কম-বেছি পৰিমাণে দেখা গৈছে। কিন্তু এইবাৰ গাড়ীত ইন্ধন হিচাপে শক্তি যোগাব পানীয়ে। সম্প্ৰতি ইণ্ডাষ্ট্ৰিয়েল ডিজাইনাৰ ‘মেক্সিম লিফভেৰী’য়ে পানী ভৰাই চলাব পৰা এখন দুচকীয়া বাহনৰ কনচেপ্টৰ ছবি প্ৰকাশ কৰিছে। ২০১৬ চনত মেক্সিম লিফভেৰী মটৰ বাইক নির্মাতাই য়ামাহাৰ সৈতে বাইকখনৰ স্কেচ প্ৰথম শ্বেয়াৰ কৰিছিল। ইয়াৰ পাছতে য়ামাহাৰ উদ্যোগত বাইকখনৰ ইঞ্জিন, ফ্ৰেম ডেভেলপমেণ্টৰ পৰা আৰম্ভ কৰি ফেয়াৰিং ডিজাইন আৰু অন্যান্য কামসমূহ আৰম্ভ হয়। এই কনচেপ্টৰ বাইকখনৰ নাম দিয়া হৈছে ‘য়ামাহা এক্স-টি ৫০০ এইচ ২ এডিচন’। বাইকখনক ৭০ দশকৰ য়ামাহাৰ এনভিউৰো এডভেন্সাৰ বাইক এক্সটি ৫০০ৰ পুনৰ জন্ম বুলি কোৱা হৈছে। আহিব লগা ‘য়ামাহা এক্স-টি ৫০০ এইচ ২ এডিচন’ৰ বাইকখনত থাকিব ক্লজড লুক এণ্ড এইচ ২ মটৰ। জনা গৈছে এই বাইকখনত থকা ৱাটাৰ পাম্পে পানীক চক্ৰাকাৰে ঘূৰাই ইঞ্জিনক যোগান ধৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
