অসম লাইভ২৪ঃ দম্পতিহালৰ বয়সে ৮০ অতিক্ৰম কৰিছে৷ কিন্তু ৮৯ বছৰতো বৃদ্ধৰ কমা নাই যৌনতাৰ আব্দাৰ৷ বৃদ্ধৰ যৌন আব্দাৰ পুৰাবলৈ গৈ শাৰিৰীক মানসিকভাৱে ভাঙি পৰিছিে ৮৭ বছৰীয়া বৃদ্ধা৷ সংগমত বাধা দিলেই পত্নীক বেয়া ব্যৱহাৰ কৰে বৃদ্ধই৷ দাম্পত্য জীৱনৰ কৰুণ পৰিস্থিতিৰ পৰা ৰেহাই পাবলৈ বৃদ্ধাই লৈছে বিশেষ পদক্ষেপ৷ বৃদ্ধ স্বামীৰ যৌন কামনাত অতিষ্ঠ হৈ স্বেচ্ছাসেৱী সংস্থাৰ সাহায্যৰ বাবে কাষ চাপিছে বৃদ্ধা৷ ঘটনাটো গুজৰাটৰ বৰোদাত।
গুজৰাটত মহিলাসকলৰ বাবে বিশেষ হেল্পলাইন নম্বৰো মুকলি কৰিছিল গুজৰাট চৰকাৰে। হেল্পলাইন নম্বৰ ১৮১ ত ফোন কৰি যিকোনো মহিলাই হেল্প বিচাৰিব পাৰে। নাৰী সুৰক্ষা হেল্পলাইন নম্বৰত ফোন কৰি নিজৰ দুৰ্দশাৰ কথা জনাইছে বৃদ্ধাগৰাকীয়ে। ঘটনাটো প্ৰথম পোহৰলৈ আছিল বিগত বৰ্ষত। সেই সময়ত ঘটনাটোক লৈ চৰ্চাও হৈছিল। ‘অভয়ম’ নামৰ সংশ্লিষ্ঠ হেল্পলাইন নম্বৰত ফোন কৰি সমস্যাৰ কথা জনাইছিল বৃদ্ধাগৰাকীয়ে।
উল্লেখ্য যে স্বামীৰ শাৰীৰিক চাহিদা পুৰাবলৈ গৈ অসুস্থ হৈ পৰিছিল বৃদ্ধাগৰাকী। ৮৯ বছৰীয়া বৃদ্ধগৰাকী এজন অৱসৰপ্ৰাপ্ত ইঞ্জিনীয়াৰ। বৃদ্ধা মহিলাগৰাকীৰ স্বাস্থ্য বেয়া হোৱা স্বত্ত্বেও এইদৰে যৌন চাহিদা পুৰাবলৈ যোৱাটো অপৰাধ বুলিয়েই গণ্য কৰা হয় বুলি জনাইছে স্বেচ্ছাসেৱী সংস্থাটোৱে। এই ঘটনা পোহৰলৈ অহাৰ পাছতেই বৃদ্ধগৰাকীক কাউন্সিলিং কৰা হৈছে। বৃদ্ধক যোগাসন কৰাৰ পৰামৰ্শ দিছে বিশেষজ্ঞসকলে। ইয়াৰোপৰি বৃদ্ধক যৌন বিশেষজ্ঞৰ পৰামৰ্শ লোৱাৰো পৰামৰ্শ দিছে সংস্থাটোৱে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
