পাকিস্তানে ভাৰতক ক্ষেপণাস্ত্ৰেৰে আক্ৰমণ কৰিবলৈ উদ্যত হৈও ৰৈ গৈছিল৷ কিন্তু কিয় এই আক্ৰমণৰ সিদ্ধান্ত লৈও আক্ৰমণৰ পৰা বিৰত থাকিল পাকিস্তান?
উল্লেখ্য যে যোৱা ৯ মাৰ্চত হাৰিয়ানাৰ অম্বলাৰ পৰা লক্ষ্যভ্ৰষ্ট হৈ ভুলক্ৰমে ভাৰতৰ ব্ৰাহ্মছ ক্ষেপণাস্ত্ৰই পাকিস্তানত গৈ আঘাত কৰিছিল৷
ক্ষেপণাস্ত্ৰটো পাকিস্তানৰ পঞ্জাৱ প্ৰদেশৰ মিলান চানু চহৰত দুৰ্ঘটাগ্ৰস্ত হৈ আঘাত কৰিছিল৷ ইয়াৰ পিছতে পাকিস্তানে ইয়াৰ প্ৰত্যুত্তৰ হিচাপে ভাৰতক ক্ষেপণাস্ত্ৰেৰে প্ৰত্যাক্ৰমণ কৰাৰ সিদ্ধান্ত গ্ৰহণ কৰিছিল৷
লগতে পঢ়ক ৭ বছৰীয়া শিশু ধৰ্ষণ আৰু হত্যাকাৰীক গুলীয়াই হত্যা অসম আৰক্ষীৰ
এই দাবী কৰিছে মাৰ্কিন সংবাদ মাধ্যমে৷ ব্লুমবাৰ্গে দাবী কৰা অনুসৰি ব্ৰাহ্মছ ক্ষেপণাস্ত্ৰটো লক্ষ্যভ্ৰষ্ট হৈ পাকিস্তানত আঘাত কৰাৰ পিছতে পাকিস্তান বায়ু সেনাই ভাৰতক ইয়াৰ প্ৰত্যুত্তৰ দিবলৈ প্ৰস্তুত হৈছিল৷
ব্লুমবাৰ্গৰ মতে, ঘটনাটোত মিলান চানু অঞ্চলৰ কেইবাটাও ঘৰ ক্ষতিগ্ৰস্ত হৈছিল যদিও কোনো লোকৰ মৃত্যু হোৱা নাছিল। প্ৰতিবেদন অনুসৰি সেই ঘটনাৰ পিছত আন তদ্ৰূপ দুৰ্ঘটনা এৰাই চলিবলৈ আম্বলাৰ মিছাইল উৎক্ষেপণ প্ৰণালী বন্ধ কৰা হৈছিল।
ব্লুমবাৰ্গৰ প্ৰতিবেদনত লগতে দাবী কৰা হৈছে যে ভাৰতে দুয়োখন দেশৰ সেনা কমাণ্ডাৰ পৰ্যায়ৰ হটলাইন ব্যৱহাৰ কৰি পাকিস্তানক দুৰ্ঘটনাটোৰ বিষয়ে জনোৱা নাছিল। সেয়েহে পাকিস্তানী সেনাই মিছাইল-বিৰোধী আক্ৰমণৰ বাবে প্ৰস্তুতি চলাইছিল।
লগতে পঢ়ক ঘৰত বলপূৰ্বক প্ৰৱেশেৰে সহায়িকাক ধৰ্ষণ প্ৰধান শিক্ষকৰ, আত্মহনন সহায়িকাৰ
অৱশেষত, পাকিস্তানী সেনাই ভাৰতৰ পৰা স্পষ্টীকৰণ লাভ কৰে। স্পষ্টীকৰণ লাভ কৰাৰ পিছতে পাকিস্তানে প্ৰত্যাক্ৰমণ কৰাৰ সিদ্ধান্ত বাতিল কৰে৷
পাকিস্তান সেনাৰ মেজৰ জেনেৰেল বাবৰ ইফতিকাৰে দুদিনমান আগতে কৈছিল যে তেওঁলোকে ক্ৰুজ মিছাইলৰ গতিপথ ‘ট্ৰেক’ কৰি ক্ষেপণাস্ত্ৰটো হাৰিয়ানাৰ চিৰছাৰ পৰা যোৱা বুলি নিশ্চিত হৈছিল।
ইফালে ভাৰতৰ প্ৰতিৰক্ষা মন্ত্ৰী ৰাজনাথ সিঙে মঙলবাৰে সংসদত কয় যে ভাৰতীয় সেনাৰ লক্ষ্যভ্ৰষ্ট ক্ষেপণাস্ত্ৰটো পাকিস্তানৰ ভূমিত অৱতৰণ কৰোৱা হৈছিল৷ তেওঁ লগতে কয়, ‘‘অসতকৰ্তাৰ বাবে সংঘটিত এই ঘটনাটো চৰকাৰে অতি গুৰুত্বসহকাৰে লৈছে। বিষয়টোৰ এক উচ্চ-পৰ্যায়ৰ তদন্তৰো নিৰ্দেশ দিয়া হৈছে।’’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
