প্ৰধানমন্ত্ৰী নৰেন্দ্ৰ মোদীৰ কেন্দ্ৰীয় চৰকাৰে চাৰিওফালৰ পৰাই মধ্যবিত্ত আৰু নিম্নবত্তক চেপা মাৰি আহিছে ৷ এইবাৰ ইন্ধন আৰু ৰন্ধন গেছৰ পিছতে জীৱনদায়িনী ঔষধতো মূল্যবৃদ্ধি কৰিছে নৰেন্দ্ৰ মোদীৰ চৰকাৰে৷
প্ৰকাশ পোৱা মতে ২০২১ বৰ্ষৰ তুলনাত ঔষধৰ মূল্য ১০.৭ শতাংশ বৃদ্ধি পাব৷ পেৰাচিটামলৰ পৰা আৰম্ভ কৰি প্ৰায়বোৰ ঔষধৰ মূল্যতে এই মূল্য বৃদ্ধিৰ হাৰ বলৱৎ হ’ব৷ অহা ১ এপ্ৰিলৰ পৰা এই মূল্যবৃদ্ধি কাৰ্যকৰী কৰা হ’ব৷
কেন্দ্ৰীয় উদ্যোগ আৰু বাণিজ্য মন্ত্ৰা লয়ৰ অৰ্থনৈতিক পৰামৰ্শ দাতাৰ পৰামৰ্শৰ ভিত্তি এই মূল্যবৃদ্ধি কৰা হৈছে বুলি প্ৰকাশ কৰিছে নেশ্যনেল ফাৰ্মাচিউটিকেল প্ৰাইচিং অথৰিটি অফ ইণ্ডিয়াই৷
লগতে পঢ়ক জনতাৰ মূৰত মাধমাৰ কেন্দ্ৰৰ : পুনৰ বৃদ্ধি ইন্ধনৰ মূল্য
নেশ্যনেল ফাৰ্মাচিউটিকেল প্ৰাইচিং অথৰিটি অফ ইণ্ডিয়াৰ নিৰ্দেশনাত লগতে কোৱা হৈছে যে কেন্দ্ৰীয় উদ্যোগ আৰু বাণিজ্য মন্ত্ৰ্যালয়ৰ অৰ্থনৈতিক পৰামৰ্শদাতাৰ বিভাগৰ অনুসৰিয়ে ২০২০-২১বৰ্ষৰ তুলনাত ১০.৭৬ শতাংশ ঔষধৰ দাম বৃদ্ধিৰ সিদ্ধান্ত লোৱা হৈছে।
নিৰ্দেশটোত আৰু কোৱা হৈছে যে নেশ্যনেল ফাৰ্মাচিউটিকেল প্ৰাইচিং অথৰিটি অফ ইণ্ডিয়াৰ ফালৰ পৰা পাইকাৰী দৰ সূচক (হ’লচেল প্ৰাইচ ইনডেক্স)ৰ পৰিৱৰ্তন কৰা বুলি জানিবলৈ দিয়া হৈছে। ইয়াৰ ফলত কমেও ৮০০ বিধ ঔষধৰ দাম বৃদ্ধি পাব আৰু ইয়াৰ ভিতৰত বেছিভাগেই অত্যাৱশ্যকীয় ঔষধ।
লগতে পঢ়ক ফুটবল বিশ্বকাপত ভাৰতৰো বিশেষ আবিৰ্ভাৱ! কি ৰূপত দেখা যাব ভাৰতৰ প্ৰতিষ্ঠানক?
ইয়াৰ ফলত ১ এপ্ৰিলৰ পৰাই জ্বৰ, সংক্ৰমণ, উচ্চ ৰক্তচাপ, ৰক্তহীনতা, হৃদৰোগ, ছালৰ ঔষধ আদিৰ মূল্য বৃদ্ধি কৰা হ’ব৷
ৰন্ধন গেছ, ইন্ধনৰ লগতে সকলোবোৰ অত্যাৱশ্যকীয় সামগ্ৰীৰ মূল্যবৃদ্ধিয়ে দেশৰ মধ্যবিত্ত আৰু মিম্নবিত্তৰ জীৱন কোঙা কৰি তোলাৰ সময়তে জীৱনদায়িনী ঔষধৰ মূল্য বৃদ্ধিয়ে জনতাৰ মূৰত ৰাম টাঙোন মাৰিলে বুলিয়ে চৰ্চা লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
