গৰু বা গৰুৰ গাখীৰ বিক্ৰী কৰি নহয়, গৰুৰ গোবৰ বিক্ৰী কৰি এজন উদ্যোগীয়ে বছৰি ৩৬ লাখ টকা উপাৰ্জন কৰিছে৷
এই উদ্যোগীজন হৈছে ছত্তিশগড়ৰ ৰাজধানী ৰায়পুৰৰ গকুল নগৰৰ নিৱাসী ৰীতেশ আগৰৱালা৷ ২০০৩ চনত স্নাতক ডিগ্ৰী লাভ কৰা ৰীতেশ আগৰৱালাই কে’বাবছৰ ধৰি বিভিন্ন প্ৰতিষ্ঠানত কাম কৰাৰ পিছত ২০১৫ চনত এখন গোশালাত কাম কৰিবলৈ আৰম্ভ কৰে৷
গোশালখনত যোগদান কৰাৰ পিছতে ৰীতেশ গোবৰৰ পৰা বিভিন্ন সামগ্ৰী তৈয়াৰ কৰিবলৈ আৰম্ভ কৰে৷ ৰীতেশে গোবৰৰ পৰা জোতা, আবিৰ অৰ্থাৎ বিভিন্ন ৰং, মোনা, চটি, ইটা আদি তৈয়াৰ কৰিবলৈ ধৰে৷ এই সামগ্ৰীসমূহ তেওঁ ব্যৱসায়িকভাৱে বিপণনৰ ব্যৱস্থাও কৰে৷
লগতে পঢ়ক চলমানেৰে সোণাক্ষীৰ বিয়া! পিতৃ শত্ৰুঘ্ন সিনহাই দিলে কি প্ৰতিক্ৰিয়া?
এইদৰেই ৰীতেশে ব্যৱসায়িক ভিত্তিত গোবৰৰ পৰা বিভিন্ন সামগ্ৰী তৈয়াৰ কৰি এতিয়া প্ৰতি মাহে প্ৰায় ৩ লাখ টকাকৈ উপাৰ্জন কৰে৷
ৰীতেশে ‘এক পাহেল’ নামৰ গোবৰৰ সামগ্ৰী তৈয়াৰ কৰা এটা কোম্পানী প্ৰতিষ্ঠা কৰিছে৷ তেওঁৰ এই প্ৰতিষ্ঠানটোত এতিয়া মুঠ ২৩ গৰাকী কৰ্মচাৰী আছে৷
ৰীতেশে গোবৰ পৰা কেৱল নিজ পৰিয়ালকে পোহপাল দিয়া নাই, ২৩ টা পৰিয়ালৰো জীৱিকা উৎস হৈ পৰিছে তেওঁৰ গোবৰৰ পৰা সামগ্ৰী তৈয়াৰ কৰা প্ৰতিষ্ঠানটো৷ ৰীতেশে তেওঁৰ এই প্ৰতিষ্ঠানটো এতিয়া সম্প্ৰসাৰিত কৰিব খোজে৷
লগতে পঢ়ক পাক প্ৰধান মন্ত্ৰী ইমৰাণ খানৰ পতন অনিবাৰ্য! সংগ ত্যাগ সহযোগী দলৰ
উদ্যোগী ৰীতেশ দাবী কৰিছে যে ছত্তিশগড়ৰ মুখ্যমন্ত্ৰী ভূপেশ বাঘেলে বাজেট অধিবেশনলৈ প্ৰয়োজনীয় নথি পত্ৰ নিয়া বেগটো তেৱেঁ তৈয়াৰ কৰা৷
ৰীতেশ আগৰৱালে এই উদ্যোগ দেশ ব্যাপি সম্প্ৰসাৰিত হ’লে বহু নিবনুৱাৰ কৰ্মসংস্থাপনৰ সৃষ্টি হ’ব আশা কৰিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
