পিতৃ জ্যোতিৰাদিত্য সিং সিন্ধিয়াৰ পদাংক অনুসৰণ কৰি অতি শীঘ্ৰেই ৰাজনীতিত প্ৰৱেশ কৰিব পাৰে মহাআৰ্যমান সিন্ধিয়াই৷
এই ইংগিত দিয়ে বৰ্তমানৰ কেন্দ্ৰীয় মন্ত্ৰী তথা প্ৰাক্তন কংগ্ৰেছ নেতা জ্যোতিৰাদিত্য সিং সিন্ধিয়াৰ পুত্ৰ মহাআৰ্যমান সিন্ধিয়াই আনুষ্ঠানিকভাৱে সামাজিক জীৱনত ভৰি দিছে৷
ইতিমধ্য ২৭ বছৰীয়া মহাআৰ্যমান সিন্ধিয়াক গোৱালিয়ৰ ডিভিজন ক্ৰিকেট এছ’চিয়েচন(GDCA)ৰ উপাধ্যক্ষ হিচাপে নিৰ্বাচিত হৈছে৷
লগতে পঢ়ক শিশু কন্যাক ধৰ্ষণ : ৫৬ বছৰীয়া অভিযুক্ত মহিম শৰ্মাক আৰক্ষীৰ এনকাউণ্টাৰ
যোৱা ২৭ মাৰ্চত কেন্দ্ৰীয় মন্ত্ৰী তথা গোৱালিয়ৰ ডিভিজন ক্ৰিকেট এছ’চিয়েচনৰ সংৰক্ষক জ্যোতিৰাদিত্য সিং সিন্ধিয়াই GDCAৰ নতুন কমিটি গঠন কৰে৷ আৰু উক্ত নতুন কমিটিৰ উপাধ্যক্ষ হিচাপে নিৰ্বাচিত হৈছে কেন্দ্ৰীয় মন্ত্ৰী জ্যোতিৰাদিত্য সিং সিন্ধিয়াৰ পুত্ৰ মহাআৰ্যমান সিন্ধিয়াই৷
উল্লেখ্য যে জ্যোতিৰাদিত্য সিং সিন্ধিয়াৰ লগতে তেওঁৰ পিতৃ মাধৱ ৰাও সিন্ধিয়াও ক্ৰিকেটত প্ৰশাসকৰ যোগেদিয়েই ৰাজনৈতিক জীৱন আৰম্ভ কৰিছিল৷ ইয়াৰ পৰাই মাধৱ ৰাও সিন্ধিয়া আৰু জ্যোতিৰাদিত্য সিং সিন্ধিয়াই সফল ৰাজনৈতিক জীৱন পৰিক্ৰমা আৰম্ভ কৰিছিল৷
সেয়ে এইবাৰ জ্যোতিৰাদিত্য সিং সিন্ধিয়াৰ পুত্ৰ মহাআৰ্যমান সিন্ধিয়াও সক্ৰিয় ৰাজনীতিত খোজ পেলাবলৈ আৰম্ভ কৰিছে বুলি চৰ্চা লাভ কৰিছে৷
লগতে পঢ়ক দুই গঞালৈ গুলীবৰ্ষণ ভাৰতীয় সেনাৰ : ডিব্ৰুগড়স্থিত AMCHত ভর্তি দুই গুলীবিদ্ধক
ইফালে কিছুমান সূত্ৰই প্ৰকাশ কৰা মতে মহাআৰ্যমানে অদূৰ ভৱিষ্যতে বিজেপিৰ যুৱ শক্তিৰ নেতৃত্ব ল’ব পাৰে৷ কিছুদিন পূৰ্বে পিতৃ জ্যোতিৰাদিত্য সিং সিন্ধিয়াৰ সৈতে মহাআৰ্যমান সিন্ধিয়াই প্ৰধানমন্ত্ৰী নৰেন্দ্ৰ মোদীক সাক্ষাৎ কৰিছিল৷
সেই সাক্ষাতৰ পিছৰে পৰা মহাআৰ্যমান সিন্ধিয়া আৰু প্ৰধানমন্ত্ৰী নৰেন্দ্ৰ মোদীৰ সৈতে সম্পৰ্ক অতি ঘণিষ্ঠ হৈ পৰিছে৷ ইতিমধ্যে মহাআৰ্যমান সিন্ধিয়াই পিতৃ জ্যোতিৰাদিত্য সিং সিন্ধিয়াৰ নিৰ্বাচনী প্ৰচাৰো সম্ভালি আহিছে৷
মুঠতে GDCAৰ উপাধ্যক্ষ হিচাপে নিৰ্বাচন কৰি মহাআৰ্যমান সিন্ধিয়াক প্ৰত্যক্ষ ৰাজনীতিৰ বাবে সাজু কৰি তোলা হৈছে বুলি এতিয়া বিশেষভাৱে চৰ্চা লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
