কোনো মাহত ঋতুস্ৰাৱ নহ’লে বেছিভাগ মহিলাই সেয়া গৰ্ভধাৰণৰ লক্ষণ বুলি ভাবে। কিন্তু ঋতুস্ৰাৱ বন্ধ হোৱাটোৱেই একমাত্ৰ গৰ্ভধাৰণ কৰাৰ লক্ষণ নহয়। কেতিয়াবা ঋতুস্ৰাৱ বন্ধ নোহোৱাকৈ গৰ্ভধাৰণ কৰা দেখা যায়। কিন্তু বেছিভাগ মহিলাই এই বিষয়ে অৱগত নহয়।
গৰ্ভৱতী হ’লে প্ৰথমৰ পৰাই নিজৰ যত্ন ল’ব লাগিব। বহু লোকে পলমকৈ উপলব্ধি কৰাৰ বাবে গৰ্ভপাত হোৱাৰ আশংকা থাকে। ঋতুস্ৰাৱৰ বাহিৰেও শৰীৰত আৰু কি কি পৰিৱৰ্তন হ’লে গৰ্ভধাৰণ হোৱা বুলি জানি ল’ব পাৰি সেই বিষয়ে তলত সংক্ষিপ্তভাৱে আলোচনা কৰা হৈছে৷
১. অত্যধিক ভাগৰ: আপুনি গোটেই দিনটো কষ্ট কৰা নাই, তথাপিও বহুত ভাগৰুৱা অনুভৱ কৰে নেকি? যদি তেনে হয় সেয়া গৰ্ভধাৰণৰো লক্ষণ হ’ব পাৰে! গৰ্ভধাৰণৰ আৰম্ভণিতে শৰীৰৰ ভিতৰৰ অন্য এটা প্ৰাণৰ বাবে শৰীৰত অতিৰিক্ত তেজ উৎপন্ন কৰিবলৈ আৰম্ভ কৰে। হঠাৎ শৰীৰত প্লেচেন্টা আহিলে অধিক ভাগৰুৱা হ’ব পাৰে।
লগতে পঢ়ক আলিংগনৰ সুখ! পুৰুষ মহিলা কোন বেছি উপকৃত হয় আলিংগনত? সমীক্ষাই কি কয়?
২. স্তনৰ পৰিৱৰ্তন: গৰ্ভাৱস্থাত শৰীৰত হৰম’নৰ ভাৰসাম্যতা বিঘ্নিত হয়। ইয়াৰ প্ৰভাৱ স্তনতও লক্ষ্য কৰিব পাৰি। স্তনযুগল ক্ৰমশঃ গধুৰ হ’বলৈ আৰম্ভ কৰে। গৰ্ভাৱস্থাৰ আৰম্ভণিতে যিবোৰ লক্ষণৰ বিষয়ে আপুনি সচেতন হ’ব পাৰে তাৰ মাজৰ এটা হ’ল কোমল কিন্তু গধুৰ স্তনযুগল।
৩. দাগ পৰা (Spotting): ঋতুস্ৰাৱৰ নিৰ্দিষ্ট দিনৰ আগতে যদি আপুনি লঘু ৰক্তক্ষৰণ দেখা পায়, তেন্তে সেয়াও গৰ্ভধাৰণৰ লক্ষণ হ’ব পাৰে! এই সময়ত পেট টান হোৱাটোও গৰ্ভাৱস্থাৰ লক্ষণ। ভ্ৰুণৰ সৃষ্টিৰ প্ৰথম পাঁচ-দহ দিনৰ ভিতৰত এনে হ’ব পাৰে। গতিকে ‘স্পটিং’ দেখিলে অতিৰিক্তভাৱে সাৱধান হ’ব লাগিব।
লগতে পঢ়ক পৰ্ণ ছবিৰ পিছত পুনৰ বেআইনী কামকাজ! আকৌ সংকটত শিল্পাৰ স্বামী ৰাজ কুন্দ্ৰা
৪. বিভ্ৰান্তি: গৰ্ভাৱস্থাৰ প্ৰথম কেইসপ্তাহমানত পেটৰ অস্বস্তি, বমি হোৱাটো অতি স্বাভাৱিক। ইয়াক ‘মৰ্নিং ছিকনেছ’ বোলা হয়। শৰীৰত প্ৰজেষ্টেৰন আৰু ইষ্ট্ৰজেন হৰম’নৰ পৰিমাণ বৃদ্ধি পোৱাৰ বাবেই এনে হয়। যদি আপোনাৰ এনে সমস্যা আছে তেন্তে আপুনি গৰ্ভৱতী নে নহয় পৰীক্ষা কৰিব লাগিব।
৫. সঘনাই প্ৰস্ৰাৱ কৰা: গৰ্ভাৱস্থাৰ প্ৰথম দুই-তিনি সপ্তাহত সঘনাই প্ৰস্ৰাৱ হয়। শৰীৰত নতুনকৈ উৎপন্ন হোৱা HCG হৰম’নৰ মাত্ৰা যিমানেই বাঢ়ি যায় সিমানেই বৃক্কৰ কামো বৃদ্ধি পায়। বৃক্কত অধিক তেজ চলাচল কৰিবলৈ আৰম্ভ কৰে। ফলত সঘনাই প্ৰস্ৰাৱ হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
