সামাজিক মাধ্যমত ভাইৰেল হোৱা এক ভিডিঅ’ৱে দৰ্শনাৰ্থীৰ বুকু কঁপাই তুলিছে৷ ভাইৰেল ভিডিঅ’টোত দেখা গৈছে যে চিৰিয়াখানাৰ পিঞ্জৰাত আৱদ্ধ এটা সিংহক এজন যুৱকে হাতেৰে মুখমণ্ডলত চুই ধেমালি কৰি আছিল৷ তেনে হঠাতে সিংহটোৱে যুৱকজনৰ আঙুলিত কামুৰি টানিবলৈ ধৰে৷ সিংহৰ আক্ৰমণৰ পৰা যুৱকজনে নিজৰ আঙুলিটো বচাবলৈ টনা আজুৰা কৰা দেখা গৈছে৷ আৰু এটা সময়ত সিংহটোৱে আঙুলিটো এৰি দিয়াত যুৱকজনে কৰ্ফাল খাই পৰিছে৷
এই ভিডিঅ’টোত কেৰেবিয়ান দ্বীপ জামাইকাৰ৷ জামাইকা চিৰিয়াখানাৰ কৰ্মচাৰীয়ে দৰ্শনাৰ্থীৰ আগত সিংহৰ সৈতে ধেমালি কৰি নিজকে জাহিৰ কৰিবলৈ চেষ্টা কৰি আছিল৷ তেনেকৈয়ে এই ভয়ংকৰ ঘটনাটো সংঘটিত হয়৷
চিৰিয়াখানা পৰিচাৰকজনে প্ৰায় ১৫ গৰাকী দৰ্শনাৰ্থীৰ সন্মুখত মেকুৰীৰ লগত খেলা কৰাৰ দৰে প্ৰকাণ্ড সিংহটোৰ সৈতে খেলা কৰি আছিল৷
লগতে পঢ়ক অসাধ্য সাধন! ৫,৩৬৪ মিটাৰ উচ্চতাৰ এভাৰেষ্টৰ বেছ কেম্পত আৰোহণ ১০ বছৰীয়া কন্যা শিশুৰ
এগৰাকী দৰ্শনাৰ্থী মহিলাই প্ৰকাশ কৰা মতে প্ৰথমে পৰিচাৰক যুৱকজনে সিংহটোৰ সৈতে টনা আজোৰা কৰি থকা দেখি তেওঁলোকে ধেমালি কৰি থকা বুলি ভাবিছিল৷
মহিলাগৰাকীয়ে কয়, ‘‘মই ভাবিছিলো যে তেওঁ ধেমালি কৰি আছে, সেয়ে মই ইয়াৰ গুৰুত্ব উপলব্ধি কৰা নাছিলো, কাৰণ আমাক চিৰিয়াখানাখন দৰ্শন কৰোৱাটো তেওঁলোকৰ কাম।”
মাটিত কৰ্ফাল খাই পৰিলতহে দৰ্শনাৰ্থীসকলে পৰিচাৰকজনে ধেমালি কৰা নাই বুলি উপলব্ধি কৰি সেয়া গুৰুতৰ ঘটনা বুলি অনুভৱ কৰে৷ মহিলাগৰাকীয়ে প্ৰকাশ কৰা মতে পৰিচাৰকজনৰ এটা আঙুলিৰ প্ৰথম গাঁঠিটোৰ পৰা এটা অংশ কামুৰি ছিঙি এৰুৱাই নিয়ে৷
Never seen such stupidity before in my life. pic.twitter.com/g95iFFgHkP
— Mo-Mo💙 (@Morris_Monye) May 22, 2022
লগতে পঢ়ক সাৱধান, অস্বাস্থ্যকৰ খাদ্য খাই হ’ব পাৰে অন্ধ! বিশেষজ্ঞৰ সতৰ্কবাণী
এতিয়া এই ঘটনাই চিৰিয়াখানাত কৰ্মচাৰীসকলৰ ব্যৱহাৰৰ প্ৰতি উদ্বেগ বৃদ্ধি কৰিছে৷ ইয়াৰ পিছতে জামাইকা চিৰিয়াখানাই ঘটনা সন্দৰ্ভত ভিন্ন মত প্ৰকাশ কৰিছে। জামাইকা অবজাৰ্ভাৰৰ বাতৰি অনুসৰি জামাইকা ছ’চাইটি ফৰ দ্য প্ৰিভেনচনেল অৱ ক্ৰুৱেল্টি টু এনিমেলছৰ পৰিচালন সঞ্চালিকা পামেলা লছনে এই কাণ্ডৰ তদন্ত কৰা হ’ব বুলি প্ৰকাশ কৰিছে।
জামাইকা চিৰিয়াখানাই এক বিবৃতিত আশ্বাস দিয়ে যে চিৰিয়াখানাখন মানুহ আৰু জীৱ-জন্তু উভয়ৰে বাবে থাকিবলৈ এক নিৰাপদ স্থান। এটা ব্যাখ্যাত কোৱা ভিডিঅ’টোত থকা যুৱকজন আচলতে জামাইকা চিৰিয়াখানাটোৰ এজন ‘ঠিকাদাৰ’হে বুলি কোৱা হৈছে।
এই কাণ্ডক ‘ট্ৰজিক’ বুলি অভিহিত কৰি বিবৃতিটোত কোৱা হৈছে যে এই ক্লিপটোৱে সকলো সময়তে মানি চলিবলগীয়া সুৰক্ষা পদ্ধতি আৰু নীতিসমূহক প্ৰতিনিধিত্ব নকৰে।
লগতে পঢ়ক ‘সকলো মাদ্ৰাছা বন্ধ হ’ব! ঘৰতে শিকাওক কোৰান’ ডঃ হিমন্ত বিশ্ব শৰ্মাৰ বিতৰ্কিত মন্তব্য
চিৰিয়াখানাখনে লগতে কয় যে, “এইটো এটা দুৰ্ভাগ্যজনক ঘটনা, যিটো কেতিয়াও সংঘটিত হ’ব নালাগিছিল, আৰু আমি— জামাইকা চিৰিয়াখানাৰ পৰিয়ালে আক্ৰান্ত লোকজনক সহায়ৰ বাবে কৰিবলৈ সকলো কৰি আছো।”
ইফালে ভিডিঅ’টো টুইটাৰত শ্বেয়াৰ কৰি এজন লোকে লিখিছে, ‘‘জীৱন এনে মুৰ্খামি কেতিয়াও দেখা নাছিলো৷’’ লক্ষাধিক লোকে দৰ্শন কৰা টুইটটোত অসংখ্য লোকে কমেন্টো কৰা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
