ভিন্ন মানুহ ভিন্ন মন ভিন্ন ৰূপ৷ এই কথাটোকে পুনৰ এবাৰ প্ৰমাণ কৰি দিলে এহাল ভাৰতীয় প্ৰশাসনিক সেৱাৰ বিষয়াই৷
উল্লেখ্য যে অসমৰ বান বিধ্বস্ত কাছাৰ জিলাৰ উপায়ুক্ত তথা আইএএছ বিষয়া কৃতি জলিয়ে বোকা পানী গচকি খোজ আৰু নাওৰে বানাক্ৰান্তৰ পৰিস্থিতি বুজ লৈ থকাৰ খবৰে দেশৰ সংবাদ মাধ্যমত চৰ্চা লাভ কৰি থকাৰ সময়তে এহাল আইএএছ দম্পতীৰ নাভূতনাশ্ৰূত কাণ্ড পোহৰলৈ আহিছে৷
দ্য ইণ্ডিয়ান এক্সপ্ৰেছৰ এক বাতৰিৰ মতে দিল্লীত কৰ্মৰত আইএএছ বিষয়া সঞ্জীৱ খিৰৱাৰ আৰু তেওঁৰে আইএএছ পত্নীয়ে দিল্লীৰ চৰকাৰীভাৱে পৰিচালিত ত্যাগৰাজ ষ্টেডিয়ামখন নিজৰ কুকুৰটোক খোজ কঢ়োৱাবলৈ ব্যৱহাৰ কৰি আহিছিল৷
লগতে পঢ়ক বিশ্বৰ কণিষ্ঠতম বিলিয়নাৰগৰাকী কোন? জানো আহক তেওঁ কোন?
প্ৰকাশিত বাতৰিৰ মতে বিষয়া দম্পতীয়ে পদমৰ্যাদা তথা ক্ষমতাৰ অপ্ৰয়োগ কৰি নিজৰ কুকুৰটোক খোজকঢ়োৱাবলৈ ষ্টেডিয়ামখন দুঘণ্টাৰ বাবে সাধাৰণ কাৰ্যকলাপসমূহ তলাবন্ধ কৰি সম্পূৰ্ণ বন্ধ কৰি দি আহিছিল৷
এই বাতৰি প্ৰচাৰ হোৱাৰ পিছতে কেন্দ্ৰীয় গৃহ মন্ত্ৰণালয়ে আইএএছ দম্পতী হালক তৎক্ষণিকভাৱে বলৱৎ হোৱাকৈ শাস্তিমূলক বদলিৰ নিৰ্দেশ দিছে৷ কেন্দ্ৰীয় গৃহ মন্ত্ৰণালয়ে জাৰি কৰা নিৰ্দেশ অনুসৰি বিষয়াগৰাকীক লাডাখলৈ আৰু তেওঁৰ পত্নীক অৰুণাচল প্ৰদেশলৈ তাৎক্ষণিকভাৱে বদলি কৰা হৈছে৷
চৰকাৰী সূত্ৰৰ মতে, কেন্দ্ৰীয় গৃহ মন্ত্ৰণালয়ে আইএএছ দম্পতীহালে চৰকাৰী ত্যাগৰাজ ষ্টেডিয়ামখন নিজৰ সম্পত্তিৰূপে ব্যৱহাৰ কৰিছে নেকি তাৰ এক প্ৰতিবেদন দিল্লীৰ মুখ্য সচিবৰ পৰা বিচাৰিছিল৷ বৃহস্পতিবাৰে দিল্লী মুখ্য সচিবে দাখিল কৰা প্ৰতিবেদনৰ পিছতে কেন্দ্ৰীয় গৃহ মন্ত্ৰণালয়ে এই শাস্তিমূলক বদলিৰ নিৰ্দেশ জাৰি কৰিছে৷
লগতে পঢ়ক মুকেশ আম্বানীৰ পৰা ছালিল পাৰিখলৈ, শীৰ্ষ মুখ্য কাৰ্যবাহী বিষয়াসকলৰ দৰমহা কিমান?
গৃহ মন্ত্ৰণালয়ে এক নিৰ্দেশত প্ৰকাশ পোৱা মতে, ১৯৯৪ বেচৰ আইএএছ বিষয়া সঞ্জীৱ খিৰৱাৰক তাৎক্ষণিকভাৱে কাৰ্যকৰী হোৱাকৈ লাডাখলৈ আৰু তেওঁৰ পত্নীক অৰুণাচললৈ বদলি কৰা হৈছে। কিছুদিন পূৰ্বে সঞ্জীৱ খিৰৱাৰ দিল্লীত প্ৰধান সচিব (ৰাজহ) হিচাপে নিযুক্তি লাভ কৰিছিল।
ইফালে ইয়াৰ পূৰ্বে দিল্লীৰ মুখ্যমন্ত্ৰী অৰবিন্দ কেজৰিৱালে ষ্টেডিয়ামৰ সকলো সা-সুবিধাৰ প্ৰদান কৰি নিশা ১০ বজালৈ ক্ৰীড়াবিদৰ বাবে খোলা ৰাখিবলৈ নিৰ্দেশ দিছিল।
‘‘মোৰ দৃষ্টিগোচৰ হৈছে যে গৰমৰ বাবে ক্ৰীড়াবিদসকলে সমস্যাৰ সন্মুখীন হৈছে আৰু সন্ধিয়া ৬ বা ৭ বজাৰ ভিতৰত ষ্টেডিয়ামসমূহ বন্ধ হৈ পৰে। আমি নিৰ্দেশনা জাৰি কৰিছো যে সকলো ক্ৰীড়াবিদৰ সুবিধাৰ বাবে নিশা ১০ বজালৈকে ষ্টেডিয়ামবোৰ খোলা থাকিব লাগে যাতে ক্ৰীড়াবিদসকলে সেইবোৰ ব্যৱহাৰ কৰিব পাৰে।’’ কেজৰিৱালে কয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
