ভূটানৰ ইতিহাসত প্ৰথমবাৰ ব্ৰহ্মাণ্ড সুন্দৰী প্ৰতিযোগিতাত অংশগ্ৰহণ কৰিব এগৰাকী সুন্দৰীয়ে৷ ভূটানৰ এগৰাকী সুন্দৰীয়ে ২০২২ বৰ্ষৰ মিছ ইউনিৰ্ভাছ প্ৰতিযোগিতাত প্ৰতিনিধিত্ব কৰিব৷
টাছি চোডেন চম্বাল নামৰ ২৩ বছৰীয়া মডেলগৰাকীয়ে ভূটানৰ পৰা মিছ ইউনিৰ্ভাছত প্ৰতিনিধিত্ব কৰাটো নিশ্চিত হৈছে৷ এই টাছি ২০২২ বৰ্ষৰ মিছ ভূটানৰ খিতাপ অৰ্জন কৰিছে৷
সুন্দৰী টাছি চোডেম চম্বালৰ বিশেষত্ব হৈছে তেওঁ এগৰাকী লেছবিয়ান৷ আৰু তেওঁ হৈছে কুইৰ কমিউনিটি প্ৰথমগৰাকী মডেল যিয়ে মিছ ইউনিৰ্ভাছত প্ৰতিদ্বন্দ্বিতা কৰিব৷ সংবাদ মাধ্যমত প্ৰকাশিত খবৰৰ মতে নিজৰ ফেচবুক একাউণ্টত টাছিয়ে প্ৰথমতে নিজকে উভয়লিংগ বুলিহে উল্লেখ কৰিছিল৷ ইফালে ইনষ্টাগ্ৰাম একাউণ্টত টাছিয়ে তেওঁৰ প্ৰেমিকাৰ সৈতে চুম্বন কৰি থকা ফ’টোও শ্বেয়াৰ কৰিছিল৷
লগতে পঢ়ক ২২ বছৰীয়া যুৱতীয়ে পৰ্ণ ভিডিঅ’ চাই প্ৰতি ঘণ্টাত উপাৰ্জন কৰে ১৫ শ টকা! কিন্তু কেনেকৈ?
প্ৰসংগক্ৰমে উল্লেখ্য যে এই ভূটানৰ এইগৰাকী সুন্দৰীৰ ভাৰতৰ উত্তৰ পূৰ্বাঞ্চলৰ সৈতেও সম্পৰ্ক আছে৷ জানিব পৰা মতে টাছি নাগালেণ্ডত জন্মগ্ৰহণ কৰিছিল৷ তেওঁৰ মাতৃ ভূটানী হোৱাৰ বিপৰীতে পিতৃ তিব্বতী আছিল৷ টাছিৰ ১৪ বছৰৰ বয়স হওঁতে দেউতাকৰ মৃত্যু হয়৷ ইয়াৰ পিছতে তেওঁ মাতৃৰ সৈতে পুনৰ ভূটানৰ ককাকৰ ঘৰলৈ গুচি যায়৷
ভুটানতে ডাঙৰ দীঘল হোৱা টাছিয়ে কঠোৰ সংগ্ৰাম কৰি আজিৰ স্থানত উপস্থিত হোৱা বুলি প্ৰকাশ কৰিছে৷ মিছ ভূটানৰ প্ৰতিযোগিতাত ২৪ গৰাকী প্ৰতিদ্বন্দ্বীক পৰাস্ত কৰি টাছিয়ে মুকুট জয়ী কৰি মিছ ইউনিৰ্ভাছত ভূটানক প্ৰতিনিধিত্ব কৰাৰ সুযোগ লাভ কৰিছে৷ আনকি ২০১৭ চনত পুনেত অনুষ্ঠিত মিছ চিটাডেলত প্ৰতিযোগিতাত অংশগ্ৰহণ কৰি প্ৰিয়া সিঙৰ পিছতে প্ৰথম ৰানাৰ্ছ আপ অৰ্জন কৰিছিল।
ইফালে মিছ ইউনিৰ্ভাছলৈ বাছনি হোৱাৰ পিছতে টাছিয়ে দ্য ভূটানিজৰ সৈতে হোৱা সাক্ষাৎকাৰত প্ৰকাশ কৰে যে তেওঁ প্ৰথম অৱস্থাত ফেচবুকত উভলিংগী ব্যক্তি হিচাপে ওলাই আহিছিল। টাছিয়ে কয়, “যেতিয়া মই অধিক গৱেষণা আৰু পঢ়াৰ লগে লগে মই উপলব্ধি কৰিলো যে মই আচলতে মোৰ শৰীৰত আৰামদায়ক আৰু আন মহিলাৰ প্ৰতি আকৰ্ষিত এগৰাকী মহিলা।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
