প্ৰাক্তন স্বামী জনী ডেপৰ সৈতে হোৱা বিবাদ আৰু গোচৰৰ বাবে শিৰোনাম দখল কৰা এম্বাৰ হাৰ্ডৰ মুখখন হৈছে ‘পৃথিৱীৰ আটাইতকৈ ধুনীয়া মুখ’। এক নতুন প্ৰতিবেদনত এই কথা চৰ্চালৈ আহিছে।
বৈজ্ঞানিক মানদণ্ড অনুসৰি অভিনেত্ৰীগৰাকীৰ মুখায়ৱ সম্পূৰ্ণ নিখুঁত। ব্ৰিটেইনৰ এজন কচমেটিক চাৰ্জনে কৰা এক অধ্যয়ন অনুসৰি এম্বাৰৰ চকু, ওঁঠ আৰু মুখৰ আকৃতি জুখিছিল। ইউনিলাডৰ প্ৰতিবেদন অনুসৰি ব্ৰিটিছ কচমেটিক চাৰ্জন ডাঃ জুলিয়ান ডি ছিলভাই ডিজিটেল ফেচিয়েল-মেপিং কৌশল ব্যৱহাৰ কৰি এটা অধ্যয়ন চলাই দেখে যে এম্বাৰ হাৰ্ডৰ মুখায়ৱ ৯১.৮৫% নিখুঁত।
২০১৬ চনত গৱেষণা কৰি গ্ৰীক গোল্ডেন ৰেচিঅ’ অৱ বিউটি ১.৬১৮ ব্যৱহাৰ কৰিছিল, যিটো ‘ফাই’ নামেৰে জনাজাত। এই অনুপাতে নিৰ্ধাৰণ কৰে যে মুখৰ বৈশিষ্ট্যৰ সঠিক অনুপাত কি বুলি গণ্য কৰা হয়। খবৰ অনুসৰি তেওঁ এম্বাৰৰ মুখত ১২ টা বিন্দু বিশ্লেষণ কৰিছিল।
লগতে পঢ়ক Income Tax দিবলৈ আছে নেকি? এই সৰু ভুলবোৰ কেতিয়াও নকৰিব
ইউ এছ উইকলীৰ সৈতে হোৱা এক সাক্ষাৎকাৰত ড০ জুলিয়ানে কয় যে গ্ৰীকসকলে আৱিষ্কাৰ কৰিছিল যে অনুপাত প্ৰকৃতিৰ সকলোতে আছে আৰু হাজাৰ হাজাৰ বছৰ ধৰি ইয়াক বিশ্বৰ আটাইতকৈ ধুনীয়া মুখৰ গোপন সূত্ৰ হিচাপে গণ্য কৰা হৈছিল।
একে কৌশল ব্যৱহাৰ কৰি ডাঃ জুলিয়ানেও কয় যে ৰিয়েলিটি টিভিৰ তাৰকা কিম কাৰ্দাছিয়ানৰ ভ্ৰু আটাইতকৈ ধুনীয়া, হলিউডৰ অভিনেতা স্কাৰলেট জোহানছনৰ চকু শ্ৰেষ্ঠ আৰু মডেল-অভিনেত্ৰী এমিলি ৰাটাজকোভস্কিৰ ওঁঠ শ্ৰেষ্ঠ। অভিনেতা ৰবাৰ্ট পেটিনছনৰ স্ক’ৰ ৯২.১৫% আছিল যদিও তেওঁ বিশ্বৰ ভিতৰতে আটাইতকৈ ধুনীয়া পুৰুষ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
