আমেৰিকান বিলিয়’নাৰ আৰু উদ্যোগপতিসকলৰ সংসাৰ বৰ ভালদৰে চলি থকা নাই। মাৰ্কিন বিলিয়’নাৰ তথা উদ্যোগপতিসকলৰ ইখনৰ পিছত সিখন বিবাহ বিচ্ছেদ ঘটি থকাৰ বাতৰি আহি আছে। বিবাহ বিচ্ছেদৰ তালিকাত এইবাৰ আন এহাল বিলিয়’নাৰ দম্পতীৰ নাম সংযোজন হ’বলৈ ওলাইছে।
অষ্ট্ৰেলিয়ান-আমেৰিকান উদ্যোগপতি আৰু মিডিয়া সম্ৰাট ৰূপে সমগ্ৰ বিশ্বতে বিখ্যাত ৰূপাৰ্ট মাৰ্ডকৰ নাম এই তালিকাত অন্তৰ্ভুক্ত হৈছে।
৯১ বছৰ বয়সত চতুৰ্থবাৰৰ বাবে বিবাহ বিচ্ছেদ কৰিবলৈ ওলাইছে ৰূপাৰ্ট মাৰ্ডকে। ৰূপাৰ্ট মাৰ্ডকে পাৰস্পৰিকভাৱে তেওঁৰ ছুপাৰ মডেল তথা হলিউদৰ অভিনেত্ৰী পত্নী জেৰী হলৰ পৰা পৃথক হোৱাৰ সিদ্ধান্ত লৈছে৷ যিটো এতিয়ালৈকে হোৱা আটাইতকৈ ব্যয়বহুল বিবাহ বিচ্ছেদ বুলি ধাৰণা কৰা হৈছে।
লগতে পঢ়ক বিশ্বৰ আটাইতকৈ সুন্দৰী নাৰী আৰু ধুনীয়া পুৰুষ কোন?
উল্লেখ্য যে ইয়াৰ পূৰ্বে ৰূপাৰ্টৰ তিনিবাৰ বিবাহ বিচ্ছেদ হৈছে। বিশ্বৰ অন্যতম ধনী ব্যক্তি ৰূপাৰ্ট মাৰ্ডকে ২০১৬ চনত চতুৰ্থবাৰৰ বাবে জেৰী হলৰ সৈতে বিবাহপাশত আবদ্ধ হৈছিল যদিও এতিয়া দুয়োৱে বিবাহৰ ৬ বছৰ পিছত বিচ্ছেদ কৰিবলৈ উলাইছে।
এই ৰূপাৰ্ট মাৰ্ডকৰ সম্পত্তিৰ মূল্য প্ৰায় ১৪ বিলিয়ন। এনে অৱস্থাত কোৱা হৈছে যে এয়াই হ’ব পৃথিৱীৰ এতিয়ালৈকে হোৱা আটাইতকৈ ব্যয়বহুল বিবাহ বিচ্ছেদ। দ্য নিউয়ৰ্ক টাইমছত প্ৰকাশিত বাতৰি অনুসৰি, শীঘ্ৰেই তেওঁ বিবাহ বিচ্ছেদৰ বাবে আবেদন কৰিব।
ৰূপাৰ্ট মাৰ্ডকে এতিয়ালৈকে মুঠ ৪ বাৰ বিবাহ কৰিছে। তেওঁৰ কোনো এখন বিবাহেই বৰ বেছি দিন টিকা নাই। ১৯৫৬ চনত পেট্ৰিচিয়া বুকাৰৰ সৈতে তেওঁৰ প্ৰথম বিবাহ হয়। কিন্তু ১৯৬৭ চনত দুয়োজনেই পৃথক হৈ পৰে।
লগতে পঢ়ক অনলাইন ক্লাছত অশ্লীল ছবি প্ৰদৰ্শন! যৌনাংগ প্ৰদৰ্শন দুই অশিষ্ট শিক্ষাৰ্থীৰ
ইয়াৰ পিছত ১৯৬৭ চনত মাৰ্ডকে দ্বিতীয়বাৰৰ বাবে বিবাহপাশত আবদ্ধ হয়। এইবাৰ তেওঁৰ পত্নী আছিল আন্না মাৰিয়া টৰ্ভ। অৱশ্যে এই বিবাহ কিছু দীঘলীয়া আছিল আৰু প্ৰায় ৩২ বছৰ ধৰি চলা এই বিবাহো ১৯৯৯ চনত বিচ্ছেদ ঘটে।
ইয়াৰ পিছত ১৯৯৯ চনত তৃতীয়বাৰৰ বাবে ৰূপাৰ্ট মাৰ্ডকে বিবাহপাশত আবদ্ধ হয় আৰু ২০১৩ চনত সেই বিবাহ বিচ্ছেদ ঘটে।
ইয়াৰ পিছতে পিছত ২০১৬ চনত ৰূপাৰ্ট মাৰ্ডকে জেৰী হলৰ সৈতে বিবাহপাশত আবদ্ধ হয়, যিখন তেওঁৰ জীৱনৰ চতুৰ্থ বিবাহ৷ তেওঁৰ চতুৰ্থ পত্নী জেৰী হলে ‘বেটমেন’ আৰু ‘দ্য গ্ৰেজুৱেট’ৰ দৰে হলিউডৰ বিখ্যাত ছবিত কাম কৰি আহিছে। উল্লেখ্য যে ৰূপাৰ্ট মাৰ্ডকতকৈ জেৰী হল ৩০ বছৰ সৰু আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
