চলিত বৰ্ষৰ উচ্চতৰ মাধ্যমিক পৰীক্ষাৰ ফলাফলৰ আনন্দ উল্লাসৰ মাজতে এটা পৰিয়াল আৰু এখন বিদ্যালয়ত শোকৰ ছাঁই আচ্ছন্ন কৰি ৰাখিছে৷
দুৰ্ভগীয়া পৰিয়ালটোৰ লগতে বিদ্যালয়খনৰ সদ্য ঘোষিত পৰীক্ষাত প্ৰথম বিভাগত উত্তীৰ্ণ হোৱা পৰীক্ষাৰ্থীগৰাকীৰ মাত্ৰ দুটা দিনৰ পূৰ্বে ব্ৰহ্মপুত্ৰৰ বুকুত সলিল সমাধি ঘটিছে!
যোৱা শনিবাৰে নিশা ব্ৰহ্মপুত্ৰৰ পানী চাবলৈ গৈ ব্ৰহ্মপুত্ৰৰ বুকুত সলিল সমাধি ঘটা এই দুৰ্ভগীয়া পৰীক্ষাৰ্থীগৰাকী আছিল অভিজিত সূত্ৰধৰ৷
লগতে পঢ়ক দ্ৰৌপদী মূৰ্মু বনাম যশৱন্ত সিনহা। অসমত কোনে পাব সৰ্বাধিক ভোট?
জানিব পৰা মতে যোৱা শনিবাৰে নিশা বন্ধুৰ সৈতে অভিজিত সূত্ৰধৰে ব্ৰহ্মপুত্ৰৰ পানী চাবলৈ গৈ সন্ধানহীন হয়৷ অভিজিত সূত্ৰধৰ সন্ধানহীন হোৱাৰ পিছতে তেওঁ ব্ৰহ্মপুত্ৰৰ বুকুত সলিল সমাধি ঘটা বুলি ধাৰণা কৰা হৈছে৷
ইফালে ঘটনাৰ পিছৰে পৰা SDRF আৰু BSF বিগত ২৪ ঘন্টায় উদ্ধাৰ অভিযান চলাইয়ো সন্ধানহীন অভিজিতৰ সন্ধান উলিয়াবলৈ সক্ষম হোৱা নাই।
আজি ঘোষিত উচ্চতৰ মাধ্যমিকৰ চূড়ান্ত পৰীক্ষাৰ ফলাফলৰ বিজ্ঞান শাখাত অভিজিত সূত্ৰধৰে প্ৰথম বিভাগত উত্তীৰ্ণ হৈছে।
লগতে পঢ়ক নিবনুৱাৰ বাবে খালী আছে ৬০ লাখ চাকৰি। ভাৰতক দুৰ্বল কৰাৰ কৌশল কাৰ?
অভিজিতে ইংৰাজীত ৬৪, ঐচ্ছিক ইংৰাজী ৭৪, পদাৰ্থ বিজ্ঞানত ৪৯, ৰসায়ন বিজ্ঞান ৬৯, সাধাৰণ গণিত ৫৪ নম্বৰ লাভ কৰি প্ৰথম বিভাগত উত্তীৰ্ণ হয়।
কিন্তু ফলাফল চাবলৈ নাই অভিজিত। ফলাফল ঘোষণাৰ কৰাৰ পিছতে অভিজিত সূত্ৰধৰৰ পৰিয়াল আৰু শিক্ষাগ্ৰহণ কৰা শিক্ষানুষ্ঠানখনৰ লগতে ধুবুৰীতো শোকাকুল পৰিৱেশে বিৰাজ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
