পান কাৰ্ডধাৰীয়ে এতিয়া আধাৰ কাৰ্ডৰ সৈতে পান সংযোগ নকৰাৰ বাবে ১০০০ টকা জৰিমনা আদায় দিব লাগিব। পূৰ্বে এই জৰিমনা আছিল ৫০০ টকা। আয়কৰ আইনৰ সদ্য সংযোজিত ধাৰা ২৩৪এইচ অনুসৰি (২০২১ চনৰ মাৰ্চ মাহত বিত্ত বিধেয়কে সংযোজন কৰা হৈছে) পান আৰু আধাৰ কাৰ্ডৰ সংযোগ নহ’লে ১০০০ টকা পৰ্যন্ত জৰিমনা বিহা হ’ব।
কিন্তু আই টি আৰ দাখিল কৰা, ৰিফাণ্ড দাবী কৰা আৰু আয়কৰ সম্পৰ্কীয় অন্যান্য কামৰ বাবে এনে পান কাৰ্ড ২০২৩ চনৰ মাৰ্চলৈকে কাৰ্যক্ষম হৈ থাকিব। যিসকল লোকে পান আৰু আধাৰ লিংক কৰা নাই তেওঁলোকে পলমকৈ হ’লে অধিক জৰমিনা ভৰি পান-আধাৰ লিংক কৰিব পাৰিব।
পান-আধাৰ কাৰ্ডৰ লিংকিং কিয় প্ৰয়োজনীয়?
যদি কোনো ব্যক্তিয়ে নিজৰ পেন কাৰ্ডক আধাৰ কাৰ্ডৰ সৈতে সংযোগ কৰা নাই তেন্তে তেওঁৰ পান কাৰ্ড অকাৰ্যক্ষম হৈ পৰিব। পান-আধাৰ সংযোগ নকৰা পান কাৰ্ডধাৰীয়ে মিউচুৱেল ফাণ্ড, ষ্টকত বিনিয়োগ কৰিব নোৱাৰিব। লগতে বেংক একাউণ্ট খুলিব নোৱাৰিব আৰু পান কাৰ্ডৰ প্ৰয়োজন হোৱা সেই সকলোবোৰ কামতে তেওঁলোকে সমস্যাৰ সন্মুখীন হ’ব।
লগতে পঢ়ক কপাল ফুলিল চৰকাৰীৰ কৰ্মচাৰীৰ! দৰমহা বৃদ্ধি খাটাং! কিমান বৃদ্ধি পাব দৰমহা?
তদুপৰি যদি কোনো ব্যক্তিয়ে অবৈধ পান কাৰ্ড ব্যৱহাৰ কৰে, তেন্তে আয়কৰ আইন ১৯৬১ৰ ২৭২বি ধাৰা অনুসৰি মূল্যায়ন বিষয়াই তেনে ব্যক্তিৰ ওপৰত ১০ হাজাৰ টকাৰ জৰিমনা আৰোপ কৰিব পাৰে।
আধাৰ কাৰ্ডৰ সৈতে কেনেকৈ লিংক কৰিব পাৰি?
১. প্ৰথমে আয়কৰ ই-ফাইলিং পৰ্টেল www.incometax.gov.in খুলিব।
২. পৰ্টেলত পঞ্জীয়ন কৰক। PAN নম্বৰ হ’ব আপোনাৰ ইউজাৰ আইডি।
৩. আপোনাৰ ইউজাৰ আইডি, পাছৱৰ্ড আৰু জন্ম তাৰিখ লিখি পৰ্টেলত লগইন কৰক।
৪. আধাৰ কাৰ্ডৰ সৈতে পান সংযোগ কৰাৰ বাবে এটা পপ-আপ উইণ্ড’ খোল খাব।
লগতে পঢ়ক অকলশৰীয়া নহয় কানহাইয়াৰ পৰিয়াল! মাত্ৰ ২৪ ঘণ্টাত ১.৩৭ কোটি টকা সংগ্ৰহ
৫. যদি আপুনি এই পপ-আপ উইণ্ড’টো দেখা নাপায় তেন্তে মেনু বাৰত থকা Profile Settings লৈ গৈ Link Aadhaarত ক্লিক কৰক।
৬. ইয়াৰ পিছত পেনৰ সবিশেষ পৰীক্ষা কৰক। যদি আপোনাৰ সবিশেষ সঠিক আছে তেন্তে আপোনাৰ আধাৰ নম্বৰ দিয়ক আৰু Link Now বুটামত ক্লিক কৰক।
৭. এতিয়া এটা মেছেজ পপ আপ হ’ব য’ত আপোনাক জনোৱা হ’ব যে আপোনাৰ পান কাৰ্ডৰ সৈতে আধাৰৰ সফলতাৰে সংযোগ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
