নূপুৰ শৰ্মাই জ্বলোৱা ঘৃতাহুতি এইবাৰ প্ৰাণ গ’ল অন্য এগৰাকী হিন্দু লোকৰ৷ ৰাজস্থানৰ উদয়পুৰৰ নৃশংস হত্যাকাণ্ডৰ চাঞ্চল্যৰ মাৰ নৌযাওঁতে এইবাৰ মহাৰাষ্ট্ৰত তদ্ৰূপ ঘটনা সংঘটিত হোৱাৰ কথা পোহৰলৈ আহিছে৷ নূপুৰ শৰ্মাৰ সমৰ্থনত পোষ্ট কৰাৰ বাবেই মহাৰাষ্ট্ৰ এগৰাকী ৰাসায়নবিদক ইয়াৰ পূৰ্বেই শিৰশ্ছেদ কৰি হত্যা কৰা হৈছিল৷
শেহতীয়াকৈ প্ৰকাশিত খবৰৰ মতে মহাৰাষ্ট্ৰৰ অমৰাৱতীৰ উমেশ কোলহে নামৰ ৫৪ বছৰীয়া ৰাসায়নবিদগৰাকীক ছুৰীৰে ডিঙি ৰেপি হত্যা কৰা হৈছিল৷ ইতিমধ্যে এই হত্যাকাণ্ডত জড়িত থকাৰ অভিযোগত ৬ গৰাকী লোকক আৰক্ষীয়ে গ্ৰেপ্তাৰ কৰিছে৷ ৬ অভিযুক্তক গ্ৰেপ্তাৰ কৰিলেও হত্যাকাণ্ডৰ মাষ্টাৰমাইণ্ড এতিয়াও পলাতক হৈ আছে৷
আনহাতে, কেন্দ্ৰীয় গৃহমন্ত্ৰী অমিত শ্বাহে এই হত্যাকাণ্ডৰ তদন্তৰ দায়িত্ব NIAৰ হাতত অৰ্পণ কৰিছে৷ ঘটনাৰ তদন্তৰ বাবে ইতিমধ্যে মহাৰাষ্ট্ৰত NIA আৰু ATSৰ দুটা দলে মহাৰাষ্ট্ৰৰ অমৰাৱতীত উপস্থিত হৈছে৷
লগতে পঢ়ক স্পাইচজেটৰ উৰন্ত বিমানৰ কেবিনত ধোঁৱা; ১৪ হাজাৰ ফুট উচ্চতাত আতংক! জৰুৰী অৱতৰণ
উল্লেখ্য যে হত্যাকাণ্ডৰ বলি হোৱা উমেশ কোলহেৰ অমৰাৱতীত এখন দোকান আছে৷ আৰক্ষীয়ে প্ৰকাশ কৰা অনুসৰি তাৰ অধিকাংশ গ্ৰাহকেই মুছলমান লোক৷ ঘটনাৰ সময়ত ৬ অভিযুক্তৰ ভিতৰৰ এগৰাকীৰ উমেশ কোলহৰ গ্ৰাহক আছিল৷ তেওঁ দোকানত প্ৰৱেশ কৰাৰ লগে লগে অন্য লোককেইজনে উমেশ কোলহেই নূপুৰ শৰ্মাৰ সমৰ্থনত কৰা ফেচবুক পোষ্টৰ প্ৰসংগ উত্থাপন কৰি আক্ৰমণ কৰে৷
আৰক্ষীয়ে প্ৰকাশ কৰা মতে যোৱা ২১ জুনত উমেশ কোলহেক হত্যা কৰা হৈছিল আৰু এই গোচৰত এতিয়ালৈকে ৬ জন লোকক গ্ৰেপ্তাৰ কৰা হৈছে। তাৎপৰ্যপূৰ্ণভাৱে নুপুৰ শৰ্মাই হজৰত মহম্মদৰ বিৰুদ্ধে আপত্তিজনক মন্তব্য কৰাৰ পিছতে দেশৰ লগতে মধ্য প্ৰাচ্যতো তুমুল প্ৰতিক্ৰিয়া আৰু আন্দোলন হৈছে৷
ইফালে যোৱা ২১ জুনত মহাৰাষ্ট্ৰৰ অমৰাৱতীত উমেশ কোলহেৰ নৃশংস হত্যাকাণ্ডৰ সৈতে জড়িত অভিযুক্তসকলৰ নাম তদন্তকাৰী NIAএ প্ৰকাশ কৰিছে। উমেশ কোলহেৰ হত্যাকাণ্ডত গ্ৰেপ্তাৰ হোৱা ৬ জন অভিযুক্তৰ নাম হ’ল মুদাছিৰ আহমেদ, শ্বাহৰুখ পাঠান, আব্দুল, শ্বোহেব খান, আতিপ ৰছিদ আৰু ইউছুফ খান।
লগতে পঢ়ক নিয়তিৰ ওচৰত নতি স্বীকাৰ অভিনেতা কিশোৰ দাসৰ, ৰাজ্যবাসীক কন্দুৱাই শেষ নিশ্বাস ত্যাগ
তাৎপৰ্যপূৰ্ণ কথাটো হ’ল, ৰাজস্থানৰ উদয়পুৰত দৰ্জী কানহাইয়া লালৰ হত্যাকাণ্ডৰ এসপ্তাহ পূৰ্বে এই ঘটনা সংঘটিত হৈছিল। আমৰাৱতী চহৰৰ কোটোৱালি আৰক্ষী থানাৰ এজন বিষয়াই কয়, ‘‘উমেশে আমৰাৱতীত এখন ঔষধৰ দোকান চলাইছিল। নুপুৰ শৰ্মাৰ সমৰ্থনত তেওঁ একাংশ হোৱাটছএপ গ্ৰুপত এটা পোষ্ট শ্বেয়াৰ কৰিছিল বুলি জানিব পৰা গৈছে। উমেশে ভুলতে এই পোষ্টটো এটা WhatsApp গ্ৰুপলৈ প্ৰেৰণ কৰিছিল য’ত আন সম্প্ৰদায়ৰ সদস্যও আছিল।’’
বিষয়াগৰাকীৰ মতে, ইৰফান খান নামৰ এজন ব্যক্তিয়ে উমেশক হত্যাৰ ষড়যন্ত্ৰ ৰচনা কৰি ইয়াৰ বাবে ৫ জন লোকৰ সহায় লোৱাৰ অভিযোগ উত্থাপন হৈছে। তেওঁ কয় যে ইৰফানে সেই পাঁচজন লোকক ১০ হাজাৰ টকা দি গাড়ীত উঠি নিৰাপদে পলায়ন কৰাত সহায় কৰাৰ প্ৰতিশ্ৰুতি দিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
