সমাজ আৰু পৰিয়ালৰ প্ৰচণ্ড বাধাক নেওচি এতিয়াৰে পৰা একেলগে থাকিব লখিমপুৰৰ দুই সমলৈংগিক যুৱতীয়ে৷
আদালতে দুয়োগৰাকী যুৱতীকে একেলগে থকাৰ অনুমতি প্ৰদান কৰাৰ পিছৰে দুয়োগৰাকীয়ে সংসাৰ কৰাৰ আৰম্ভ কৰাৰ বাবে আগবাঢ়িছে৷
উল্লেখ্য যে লখিমপুৰৰ দুই সমকামী যুৱতী ক্ৰমে দুলুমণি আৰু কাজলে দুয়োৱে দুয়োৰ প্ৰেমত আৱদ্ধ হৈছিল৷ কিন্তু দুয়োগৰাকীয়ে সম্পৰ্কলৈ অহাৰ পিছৰে পৰা পৰিয়ালৰ প্ৰচণ্ড বাধা আৰু সমাজৰ তীব্ৰ তাচ্ছিল্য আৰু ককৰ্থনাৰ সন্মুখীন হৈ আহিছিল৷
লগতে পঢ়ক ভগৱান শিৱৰ সৈতে বিষয়াক চেল্ফি উঠাৰ নিৰ্দেশ সুন্দৰী মন্ত্ৰীৰ, কিয় দিলে এই অদ্ভুদ নিৰ্দেশ?
যুৱতী দুগৰাকীয়ে সংসাৰ আৰম্ভ কৰাৰ সপোন দেখাৰ পিছতে পৰিয়াল আৰু সমাজৰ সমাজৰ তীব্ৰ বিৰোধ, তাচ্ছিল্য আৰু ককৰ্থনাৰ সন্মুখীন হৈ লখিমপুৰ ত্যাগ কৰি চুবুৰীয়া ৰাজ্য অৰুণাচল প্ৰদেশত আশ্ৰয় ল’বলগীয়া হয়৷ তাতো শান্তিৰে থাকিব নোৱাৰিলে সমলৈংগিক যুৱতীদ্বয়ে৷
অৰুণাচল প্ৰদেশতো বিষম পৰিস্থিতিৰ সন্মুখীন যুৱতীদ্বয়ে পুনৰ লখিমপুৰলৈ ঘূৰি আহে৷ ইয়াৰ পিছতে দুয়োটা পৰিয়াল তথা সমাজৰ লোকে অধিক কঠোৰ হৈ দুলুমণিৰ পৰা কাজলক পৃথক কৰি কোনো এক অজ্ঞাত স্থানত আৱদ্ধ কৰি ৰাখে৷ পৰিয়াল আৰু সমাজে বলপূৰ্বক দুয়োৰে মাজত যোগাযোগ সম্পূৰ্ণ বিচ্ছিন্ন কৰি দিয়ে৷
লগতে পঢ়ক কেটৰিনা কাইফ আৰু বিকি কৌশলক হত্যাৰ ভাবুকি, কোন দিলে এই ভাবুকি?
ইয়াৰ পাছতে প্ৰেয়সী বিচাৰি দুলুমণিয়ে লখিমপুৰৰ সখী একক অৱস্থান কেন্দ্ৰত উপস্থিত হয়৷ মুম্বাইত অধ্যয়নৰত সমাজকৰ্মী প্ৰতিক পাৰমে তেওঁলোকক সহায় কৰিবলৈ আগবাঢ়ি আহি আৰক্ষীৰ দ্বাৰস্থ হয়।
অৱশেষত লখিমপুৰ আৰক্ষী আৰু সখী একক অৱস্থান কেন্দ্ৰৰ তৎপৰতাত পৰিয়ালৰ কৱলৰ পৰা উদ্ধাৰ কৰি দুলুমণি আৰু কাজলক লগত একেলগে থকাৰ অনুমতি প্ৰদান কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
