কেৱল ভাৰতত বুলিয়েই নহয়, সমগ্ৰ বিশ্বতে শিশু আৰু কিশোৰ-কিশোৰীৰ ওপৰত যৌন নিৰ্যাতনৰ ঘটনা ক্ৰমাগতভাৱে বৃদ্ধি পাবলৈ ধৰিছে। প্ৰাপ্তবয়স্কসকলে শিশু কিশোৰীসকলৰ ওপৰত সুযোগ বুজি প্ৰলোভন দি এই যৌন নিৰ্যাতনবোৰ কৰি আহিছে৷
এইদৰে কিশোৰৰ ওপৰত চলোৱা এক যৌন নিৰ্যাতন ঘটনা পোহৰলৈ আহিছে যিয়ে আন্তঃৰাষ্ট্ৰীয় সংবাদ মাধ্যমৰ সংবাদ শিৰোনাম দখল কৰিছে৷
সংবাদ মাধ্যমত চৰ্চা লাভ কৰা বাতৰিটো হৈছে অষ্ট্ৰেলিয়াৰ৷ প্ৰকাশিত খবৰৰ মতে এগৰাকী কোটিপতি মহিলাই এটি ১৪ বছৰীয়া কিশোৰৰ ওপৰত যৌন নিৰ্যাতন চলাই আহিছিল৷
লগতে পঢ়ক এবাৰ নহয়, দুবাৰকৈ ছাত্ৰীক ধৰ্ষণ মাতৃৰ পৰিচিত লোকৰ, মৃত্যুৰ ভাবুকি প্ৰদান
প্ৰতিবেদন অনুসৰি, অষ্ট্ৰেলিয়াৰ সুপৰিচিত ঘোঁৰা প্ৰজননকাৰী ৰছ ডেইজলীৰ কন্যা ব্যৱসায়ী ছাভানা ডেইজলী (৪৫)ক জুন মাহত এগৰাকী কিশোৰৰ সৈতে অবৈধ সম্পৰ্ক থকাৰ অভিযোগত গ্ৰেপ্তাৰ কৰা হৈছিল। অৱশ্যে মহিলাগৰাকীয়ে ঘটনাটো গোপনে ৰাখিবলৈ কিশোৰগৰাকীক ভাবুকি প্ৰদান কৰি আহিছিল৷
বিষয়টো পোহৰলৈ অহাৰ পিছতে আৰক্ষীয়ে অভিযুক্ত মহিলাগৰাকীক গ্ৰেপ্তাৰ কৰে যদিও শেহতীয়াকৈ মহিলাগৰাকীয়ে জামিন লাভ কৰে৷ জামিন লাভ কৰাৰ কাৰণ আৰু ইয়াৰ বণ্ডৰ বাবে এই ঘটনাই পুনৰবাৰ সংবাদ মাধ্যমৰ শিৰোনাম দখল কৰিছে।
২৭ জুনত চাইল্ড এবিউজ ইউনিটে ছাভানাক গ্ৰেপ্তাৰ কৰি কাৰাগাৰত বন্দী কৰে। ২৫ জুলাইত তেওঁক ডাউনিং চেণ্টাৰ লোকেল ক’ৰ্টত (চাইডেন অষ্ট্ৰেলিয়া) হাজিৰ কৰোৱা হয়। ছাভানাৰ অধিবক্তা গেব্ৰিয়েল বছিৰে জামিনৰ বাবে আদালতত আবেদন জনায়।
লগতে পঢ়ক যুদ্ধ বিধ্বস্ত ইউক্ৰেইনৰ জনতাৰ হাহাকাৰ! পত্নীৰে উষ্ণ অলিংগনৰ ফ’টোশ্বুট ৰাষ্ট্ৰপতি জেলেনস্কিৰ
তেওঁ কয় যে ছাভানাই ব্যৱসায় কৰে আৰু জে’লত থকাৰ বাবে তেওঁৰ কোটি কোটি টকা লোকচান হৈছে। ইয়াৰ বাহিৰেও ছাভানাৰ মানসিক অৱস্থা বেয়া হৈ গৈ আছে।
অধিবক্তাগৰাকীয়ে ছাভানাৰ মাতৃ কৰ্কট ৰোগত আক্ৰান্ত হোৱাৰ কথাও উত্থাপন কৰি কয় যে তেওঁক যত্নৰ প্ৰয়োজন যিটো কেৱল ছাভানাইহে কৰিব পাৰে। ছাভানাৰ অধিবক্তাই আদালতক জনায় যে ব্যৱসায়ৰ ক্ষেত্ৰত ছাভানাই কেৱল নতুন সামগ্ৰী আৰু তেওঁৰ কোম্পানীটোৰ ৰিব্ৰেণ্ডিঙৰ কামহে কৰে। জেলত থকাৰ বাবে তেওঁৰ সমগ্ৰ ব্যৱসায়ৰ ঘাটি হৈছে।
আৰক্ষীয়ে আদালতত সকলো প্ৰমাণ দিলে যিয়ে প্ৰমাণ কৰিলে যে ছাভানাই ইচ্ছাকৃতভাৱে কিশোৰটিৰ ওপৰত অন্যায় কৰিছিল। আৰক্ষীয়ে আদালতত নাবালকজনক ভাবুকি দিয়াৰ প্ৰমাণো দাখিল কৰে।
আৰক্ষীয়ে আদালতক জনোৱা মতে, এই গোচৰত ছাভানাই বহুখিনি বিপথে পৰিচালিত কৰিছে। ছাভানাই কৈছিল যে কিশোৰে পাৰস্পৰিক সন্মতি সাপেক্ষে সম্পৰ্কত সোমাইছিল, যিটো পিছলৈ ভুল বুলি প্ৰমাণিত হৈছিল। কিন্তু অধিবক্তাৰ যুক্তিৰ শুনানিৰ পাছত আদালতে ৭৯ লাখ টকাৰ বিনিময়ত ছাভানাৰ জামিন মঞ্জুৰ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
