আৰক্ষী প্ৰশাসন যিমান কঠোৰ হ’লেও যেন গা নলৰে একাংশ যুৱক-যুৱতী তথা লোকৰ৷ বিগত সময়ছোৱাত ৰাজ্যত কে’বাগৰাকীও যুৱক-যুৱতীয়ে সামাজিক মাধ্যমত নিষিদ্ধ ঘোষিত সংগঠন আলফা(স্বা)ৰ সমৰ্থন পোষ্ট কৰি ৰঙাঘৰৰ আহলী হ’বলগীয়া হৈছে৷
ইয়াৰ পিছতো যেন ৰাজ্যৰ যুৱসমাজ আৰু একাংশ লোকক সচেতন হোৱা নাই৷ ইটোৰ পিছত সিটোকৈ আলফা(স্বা)ৰ সমৰ্থন মন্তব্য প্ৰকাশ কৰি আৰক্ষীৰ হাতত গ্ৰেপ্তাৰ হৈ আছে যুৱক-যুৱতী৷
এইবাৰ তদ্ৰূপ মন্তব্য কৰি আৰক্ষীৰ হাতত গ্ৰেপ্তাৰ হৈছে এগৰাকী চৰকাৰী বিষয়াৰ পত্নী তথা এটি ৮ বছৰীয়া সন্তানৰ মাতৃয়ে৷
লগতে পঢ়ক ‘মোৰ বাবে প্ৰাৰ্থনা কৰক, মই বহুত কষ্ট ভুগি আছো’ অনুৰাগীক কিয় কৰযোৰে আহ্বান ছোৱেইব আখটাৰৰ?
শিপ্ৰা দত্ত দাস (৪৬) নামৰ এগৰাকী ৮ বছৰীয়া মাতৃ সামাজিক মাধ্যমত আলফা স্বাধীনলৈ যাবলৈ ইচ্ছা প্ৰকাশ কৰা গ্ৰেপ্তাৰ হৈছে৷ যোৱা নিশা নগাঁও সদৰ আৰক্ষীয়ে গুৱাহাটীৰ পৰা মহিলাগৰাকীক গ্ৰেপ্তাৰ কৰে৷
নগাঁও সদৰ আৰক্ষীৰ থানাত মহিলাগৰাকীৰ বিৰুদ্ধে ৮৩৫/২০২২ নম্বৰত গোচৰ ৰুজু কৰিছিল৷ উল্লেখ্য যে গ্ৰেপ্তাৰ বৰণ কৰা মহিলাগৰাকী এগৰাকী চৰকাৰী বিষয়াৰ পত্নী বুলি প্ৰকাশ পাইছে৷
লগতে পঢ়ক প্ৰতিবন্ধী লোকৰ ওপৰত বৰ্বৰ অত্যাচাৰ: প্লাষ্টিকৰ পাইপেৰে প্ৰহাৰ, চেলেকালে ভৰি
আনহাতে একে দিনাই সামাজিক মাধ্যমত আলফা (স্বা)লৈ যোৱাৰ ইচ্ছা ব্যক্ত কৰা আন এজন যুৱককো ননৈৰ পৰা গ্ৰেপ্তাৰ কৰে আৰক্ষীয়ে। নৱ বৰা (২৫) নামৰ এটা ব্যক্তিগত কোম্পানীত কৰ্মৰত ননৈৰ যুৱকজনেও তদ্ৰূপ মন্তব্য কৰি আৰক্ষীৰ হাতত গ্ৰেপ্তাৰ হৈছে।
দুয়োগৰাকীকে বুধবাৰে আৰক্ষীয়ে আদালতত হাজিৰ কৰোৱাৰ পিছতে আদালতে দুয়োকে ন্যায়িক জিম্মালৈ প্ৰেৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
