আজি নয়ডাৰ ছুপাৰটেকৰ অবৈধ টুইন টাৱাৰ ভাঙি পেলোৱা হ’ব। শনিবাৰে ৪০ মহলীয়া ভৱনটো ভাঙি পেলোৱাৰ বাবে বিস্ফোৰক সামগ্ৰী মজুত কৰাৰ সকলো লগতে আনুষংগিক ব্যৱস্থা কৰা হয়। বিষয়াসকলে জনোৱা মতে, ইতিমধ্যে বিস্ফোৰকসমূহ স্থাপন আৰু সংলগ্ন কৰাৰ সকলো কাম সম্পূৰ্ণ হৈছে।
নয়ডাস্থিত কোম্পানীটোৱে ২০০০ চনৰ মাজভাগত এমাৰ্লড ক’ৰ্ট প্ৰকল্প আৰম্ভ কৰিছিল। নয়ডা আৰু গ্ৰেটাৰ নয়ডা এক্সপ্ৰেছৱেৰ ওচৰত অৱস্থিত এই প্ৰকল্পৰ অধীনত ৩, ৪ আৰু ৫ টা বিএইচকে ফ্লেটৰে গঠিত এটা অট্টালিকা নিৰ্মাণৰ পৰিকল্পনা কৰা হৈছিল।
নিউ অখলা ঔদ্যোগিক উন্নয়ন কৰ্তৃপক্ষই দাখিল কৰা পৰিকল্পনা অনুসৰি প্ৰকল্পটোত ১৪ টা ৯ মহলীয়া টাৱাৰ থকাৰ কথা আছিল। কিন্তু কোম্পানীয়ে প্লেন সলনি কৰাৰ লগে লগে আৰম্ভ হ’ল বিবাদ। ২০১২ চনলৈকে চৌহদত ১৪ টাৰ পৰিৱৰ্তে ১৫ মহলীয়া অট্টালিকা নিৰ্মাণ কৰা হৈছিল।
লগতে পঢ়ক ২৩ লাখ টকা ব্যয়েৰে স্তন সংৰোপণ মহিলাৰ! তাৰ পাছত ঘটিল কি? জানিবলৈ চাওক…
একে সময়তে এই পৰিকল্পনাৰ বাহিৰেও আন এটা পৰিকল্পনা আৰম্ভ কৰা হ’ল, য’ত আৰু দুটা অট্টালিকা নিৰ্মাণৰ কথা আছিল৷ আৰু সেই আট্টালিকাক ৪০ মহলীয়া কৰাৰ পৰিকল্পনা কৰা হৈছিল। এনে অৱস্থাত কোম্পানী আৰু স্থানীয় ৰাইজৰ মাজত আৰম্ভ আইনী যুদ্ধ হয়। ইয়াৰ পাছতে ছুপাৰটেকে টাৱাৰ ৱানৰ সন্মুখত ‘সেউজীয়া’ এলেকা নিৰ্মাণৰ প্ৰতিশ্ৰুতি দিছিল।
২০০৬ চনৰ ডিচেম্বৰৰ ভিতৰত আদালতত দাখিল কৰা নথি অনুসৰি ২০০৫ চনৰ জুন মাহত প্ৰথমবাৰৰ বাবে সংশোধন কৰা পৰিকল্পনাও কৰা হয়।
কিন্তু পিছলৈ য’ত ‘সেউজ’ এলেকা নিৰ্মাণ কৰাৰ কথা আছিল তাত চিয়েন আৰু এপেক্স টুইন টাৱাৰ নিৰ্মাণ হ’বলগীয়া হয়। ২০১২ চনৰ মাৰ্চ মাহত অট্টালিকাৰ পৰিকল্পনাৰ তৃতীয়টো পুনৰীক্ষণ কৰা হয়। আৰু ১১ মহলীয়া ১৫টা টাৱাৰৰ পৰা লগতে কেয়েন আৰু এপেক্সৰ উচ্চতা ২৪ মহলাৰ পৰা ৪০ মহলালৈ বৃদ্ধি কৰা হৈছিল।
লগতে পঢ়ক NEET পৰীক্ষাত অন্তৰ্বাস খুলিবলৈ বাধ্য হৈছিল মহিলা পৰীক্ষাৰ্থী! পুনৰ দিব পাৰিব পৰীক্ষা
এমাৰ্লড ক’ৰ্টত থকা লোকসকলে এই কথা লক্ষ্য কৰি কেয়েন আৰু এপেক্স অবৈধভাৱে নিৰ্মাণ কৰি থকাৰ বাবে ইয়াক ভাঙি পেলাবলৈ দাবী জনায়। স্থানীয় ৰাইজে নয়ডা কৰ্তৃপক্ষক তেওঁলোকৰ নিৰ্মাণৰ বাবে দিয়া অনুমোদন বাতিল কৰিবলৈ অনুৰোধ জনায়।
ইয়াৰ পিছতে স্থানীয় ৰাইজে এলাহাবাদ উচ্চ ন্যায়ালয়ত আবেদন জনায়, যাৰ ভিত্তিত ২০১৪ চনৰ এপ্ৰিল মাহত আদালতে টাৱাৰসমূহ ভাঙি পেলোৱাৰ নিৰ্দেশ দিয়ে। অৱশ্যে ছুপাৰটেকে এই সিদ্ধান্তৰ বিৰুদ্ধে উচ্চতম ন্যায়ালয়ত আবেদন দাখিল কৰে।
দেশৰ উচ্চতম ন্যায়ালয়ে ২০২১ চনত নয়ডা টুইন টাৱাৰসমূহ অবৈধভাৱে নিৰ্মাণ কৰা বুলি উল্লেখ কৰি নয়ডা টুইন টাৱাৰ ভাঙিবলৈ নিৰ্দেশ দিয়ে। ইয়াৰ পিছতে ছুপাৰটেকে উচ্চতম ন্যায়ালয়ত নিজৰ নিৰ্দেশ পুনৰীক্ষণৰ বাবে আবেদন জনায়।
লগতে পঢ়ক কাইলৈ ৰাজ্যৰ ২৫ জিলাত কৰ্তন হ’ব ইণ্টাৰনেট, কি হ’ব ৰাজ্যৰ ডিজিটেল জীৱন?
উচ্চতম ন্যায়ালয়ত এই গোচৰৰ সৈতে জড়িত কেইবাটাও শুনানি হৈছিল। শুনানিত এমাৰ্লড ক’ৰ্টৰ বাসিন্দাসকলৰ সুৰক্ষাৰ বিষয়েও উদ্বেগ প্ৰকাশ কৰা হয়। অৱশ্যে আদালতে নিজৰ সিদ্ধান্ত সলনি নকৰিলে।
এতিয়া আজি এই দুটা অট্টালিকা ভাঙি পেলোৱা হ’ব। দিল্লীৰ কুতুব মিনাৰৰ তুলনাত ১০০ মিটাৰ ওখ এই অট্টালিকাসমূহ ভাঙিবলৈ ৩৭ হাজাৰ কেজিতকৈ অধিক বিস্ফোৰক ব্যৱহাৰ কৰা হ’ব। আৰু এই যমজ আট্টালিকা ধ্বংস কৰিবলৈ খৰচ হ’ব প্ৰায় ২০ কোটি টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
