কেৱল ভাৰততে নহয় বিশ্বৰ বহু ঠাইত হিন্দু-মুছলমানৰ মাজৰ সাম্প্ৰদায়িক ঘৃণাৰ উদ্ৰেককাৰী ঘটনাবোৰ চৰ্চালৈ আহিয়েই থাকে। শেহতীয়াকৈ ভাৰত-পাকিস্তানৰ মাজত অনুষ্ঠিত ক্ৰিকেট মেচৰ পিছৰে পৰা ব্ৰিটেইনতো এনে বহু ঘটনা পোহৰলৈ আহিছে, য’ত হিন্দু আৰু মুছলমান মাজত বিবাদৰ সৃষ্টি হৈছিল। বিগত এসপ্তাহ ধৰি ব্ৰিটেইনত এনে ঘটনা বাৰে বাৰে চৰ্চালৈ আহিছে।
এনে অৱস্থাত আমি এজন ব্যক্তিৰ বিষয়ে ক’বলৈ ওলাইছো, যাৰ বিষয়ে শুনি সকলোৰে ধৰ্মীয় সম্প্ৰীতি আৰু সমন্বয়ৰ প্ৰতি আসক্তি বৃদ্ধিৰ লগতে অনুপ্ৰাণিত হ’ব। হিন্দু আৰু মুছলমান লোকৰ মাজত ধৰ্মীয় বিভেদ বৃদ্ধি পোৱাৰ সময়তে এজন মুছলমান লোকে এটা হিন্দু মন্দিৰলৈ ১ কোটি টকাৰ সামগ্ৰী দান হিচাপে আগবঢ়াইছে৷
প্ৰকাশিত খবৰ মতে এই লোকজনে অন্ধ্ৰ প্ৰদেশৰ এটা প্ৰাচীন মন্দিৰত ৩০ বছৰতকৈও অধিক সময় ধৰি নামাজ আদায় কৰি আহিছে। এতিয়া এই ভক্তগৰাকীয়ে ধৰ্মীয় সহিষ্ণুতা আৰু সম্প্ৰীতিৰ বাণী বিলাই মন্দিৰলৈ এনে বৃহৎ দান আগবঢ়োৱা কাৰ্যই সকলোকে আচৰিত কৰি তুলিছে।
লগতে পঢ়ক প্ৰেমিকাৰে হোটেলৰ কোঠাত ৰোমাঞ্চ পিতৃৰ, কন্যা আৰু পত্নীয়ে ধৰা পেলাই কৰিলে ভিডিঅ’ ৰেকৰ্ডিং
চেন্নাইৰ এই মুছলমান ব্যক্তিজনে অন্ধ্ৰ প্ৰদেশৰ পাহাৰত অৱস্থিত প্ৰাচীন তিৰুমালা মন্দিৰলৈ নগদ ধন আৰু ১.০২ কোটি টকাৰ সামগ্ৰী আগবঢ়ায়। তেওঁ তিৰুমালা মন্দিৰৰ মুছলমান ভক্ত বুলিও জানিব পৰা গৈছে। প্ৰকাশিত খবৰ মতে যোৱা মঙলবাৰে তেওঁ মন্দিৰটো পৰিদৰ্শন কৰি ৮৭ লাখ টকাৰ আচবাব, বাচন-বৰ্তন আদি সামগ্ৰী আৰু ১৫ লাখ টকাৰ ডিমাণ্ড ড্ৰাফ্ট আগবঢ়ায়।
এই লোকজনৰ নাম হৈছে আব্দুল ঘানী৷ আব্দুল ঘানীয়ে তিনি দশকৰো অধিক সময় ধৰি মন্দিৰত প্ৰসাদ আগবঢ়াই আহিছে। দীৰ্ঘদিন ধৰি তেওঁ মন্দিৰলৈ বাহন, আচবাব আৰু নগদ ধন আগবঢ়াই আহিছে। তেওঁ এতিয়া দান দিয়া সামগ্ৰীসমূহ ভিআইপি অতিথিশালা আৰু তীৰ্থযাত্ৰীসকলৰ বাবে বিনামূলীয়া খাদ্য পাকঘৰ পৰিচালনাৰ বাবে ব্যৱহাৰ কৰা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
