অসম লাইভ ২৪ঃ কলিকতাৰ দুৰ্গা পুজা বুলিলেই অন্য মাদকতা৷ পৃথিৱীৰ বিভিন্ন প্ৰান্তৰ পৰা বেংগলৰ পূজা দৰ্শনৰ বাবেই আহে বহুলোক৷ ক’ৰণাৰ সন্ত্ৰাস কিছু ক্ষাম কটাৰ বাবে বেংগলৰ পূজাত এইবাৰ দেখা গৈছে পৃথক উন্মাদনা৷
বেংগলৰ পূজাই এইবাৰ দৃষ্টি কাঢ়িছে দেশৰ বিভিন্ন স্থানৰ পৰা অহা পৰ্যটকৰ৷ ইতিমধ্যে বেংগলৰ দুৰ্গা পূজাই ইউনেস্কৰো স্বীকৃতি লাভ কৰিছে৷ কলিকতাৰ চহৰতলিত অনুষ্ঠিত পূজাত অংশগ্ৰহণৰ বাবে গৈছে বচিৰহাটৰ সাংসদ তথা অভিনেত্ৰী নুচৰাত জাহানো৷ বিধায়ক সপ্তষী বন্দোপাধ্যায়, চেয়াৰমেন অদিতি মিত্ৰ, বচিৰহাটৰ আই এন টি টি ইউচিৰ জিলা সভাপতি কৌশিক দত্তকে ধৰি বহুকেইজন নেতাক সপ্তমী পূজাৰ দিনাই দেখা গ’ল এই বিশেষ পূজা মণ্ডপত৷
ষষ্ঠীৰ সন্ধি পূজাৰ আশীৰ্বাদ লৈ ঢাক বজাই নৃত্যও কৰিলে সাংসদ নুচৰাতে৷ ঢাকৰ তালে তালে নৃত্য কৰি নুচৰাতে কয় যে বেংগলৰ দুৰ্গা পূজা জাতিভেদ কাহানিও নাছিল ভৱিষ্যতেও নাথাকে৷ সকলো জাতি-জনগোষ্ঠীয়েই দুৰ্গা পূজাক প্ৰধান উৎসৱ হিচাপে পালন কৰে৷ ইফালে অভিনেত্ৰী তথা সাংসদক কাষত পাই বহু অনুৰাগীয়ে ফটো তুলিবৰ বাবে হেতা-ওপৰা কৰাও পৰিলক্ষিত হ’ল বিশেষ পূজা মণ্ডপটোত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
