অসম লাইভ২৪ঃ জ্যোতিষ শাস্ত্ৰত ৰাহু আৰু কেতুক পাপী গ্ৰহ বুলি আখ্যা দিয়া হয়। ডেৰ বছৰত এবাৰ ৰাশি পৰিবৰ্তন কৰে এই গ্ৰহে। ২০২৩ চনৰ ৩০ অক্টোবৰত ৰাশি পৰিবৰ্তন কৰিছে ৰাহুৱে। এই সময়ত মেষ ৰাশিৰ পৰা বাহিৰলৈ ওলাই মীন ৰাশিৰ প্ৰৱেশ কৰিছে এই গ্ৰহই। নতুন বছৰত অৰ্থাৎ ২০২৪ত আকৌ ৰাশি পৰিবৰ্তন নকৰে এই গ্ৰহই। ১৮ মে ২০২৫ চনত ৰাহুৱে কুম্ভ ৰাশিত প্ৰৱেশ কৰিব। কিন্তু ২০২৪ চন কিছু ৰাশিৰ জাতকৰ বাবে সমস্যা সংকুল। ৰাহুল মীন ৰাশিত ভ্ৰমণে নতুন বছৰত কিছু ৰাশিৰ সমস্যা বৃদ্ধি কৰিব। জ্যোতিষ অনুসৰি ৰাহু নিষ্ঠুৰ গ্ৰহ। যি ব্যক্তিৰ কোষ্ঠীত ৰাহু দূৰ্বল সেই ৰাশিয়ে বেয়া পৰিনাম ভোগ কৰিব।
২০২৪চনত কোন কোন ৰাশিৰ দুৰ্ভোগ বাঢ়িব জানি থওক সবিশেষ
সিংহ ৰাশি
আপোনাৰ ৰাশিৰ অষ্টম স্থানত ৰাহুৱে বিৰাজ কৰিছে। এই ৰাশিৰ জাতকৰ শাৰীৰিক, মানসিক আৰু আৰ্থিক সমস্যা বৃদ্ধি পাব। মীন ৰাশিত ৰাহুৰ গোচৰৰ ফল সিংহ ৰাশিৰ জাতকে ভোগ কৰিব। সাৱধানে গাড়ী চলাব। যাত্ৰাৰ সময়ত সতৰ্ক থাকক। স্বাস্থ্যৰ বিশেষ যত্ন লওক। ভাৱিচিন্তি অৰ্থলগ্নি কৰক। কাৰণ আৰ্থিক লোকচানৰ প্ৰৱল যোগ আছে। কাকোৱেই ধন ধাৰে নিদিব। কাৰণ সেই টকা ঘূৰাই পোৱাৰ সম্ভাৱনা খুবেই কম থাকিব। প্ৰেম আৰু দাম্পত্য জীৱনত সমস্যা উৎপন্ন হ’ব। সম্পৰ্ক বজায় ৰাখিবলৈ হ’লে ধৈৰ্য্য ধৰক।
ধনু ৰাশি
এই ৰাশিৰ চতুৰ্থ স্থানত ৰাহুৱে বিৰাজ কৰিছে। সেয়ে ধনু ৰাশিৰ জাতকে নতুন বছৰত বিশেষ শুভ ফল লাভ নকৰিব। পাৰিবাৰিক অৱসাদৰ চিকাৰ হ’ব এই ৰাশিৰ জাতক। নিজৰ কামত ইমানেই ব্যস্ত থাকিব যে পৰিয়ালক সময় দিব নোৱাৰিব। স্বাস্থ্যৰ যত্ন লওক। আইনী বিবাদত সোমাই পৰিব পাৰে।
মীন ৰাশি
মীন ৰাশিতেই ৰাহুৱে বিচৰণ কৰিব। ইয়াৰ ফলত মীন ৰাশিৰ জাতকৰ স্বাস্থ্য বেয়া হ’ব। সমস্ত কামতেই কিবা নহয় কিবা জটিল বাধা আহিব। পৰিয়ালৰ সৈতে কোনো বিষয়ত কথা কটাকটি হ’ব পাৰে। কৰ্মক্ষেত্ৰত সাৱধানে থাকক। গাড়ী, সম্পত্তি সংক্ৰান্তিয় বিষয়ত আইনী জটিলতা আহিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
