ভাৰতৰ প্ৰধানমন্ত্ৰী নৰেন্দ্ৰ মোদী বৰ্তমান ব্ৰুনাই ভ্ৰমণত আছে৷ মঙলবাৰে প্ৰধানমন্ত্ৰীয়ে ব্ৰুনাইৰ ৰাজধানী বান্দাৰ ছেৰী বাগৱানত উপস্থিত হয়। প্ৰধানমন্ত্ৰী মোদীৰ এই ব্ৰুনাই ভ্ৰমণ কেইবাটাও কাৰণত বিশেষ৷ কাৰণ ব্ৰুনাই ভ্ৰমণ কৰা ভাৰতৰ প্ৰথমগৰাকী প্ৰধানমন্ত্ৰী হৈছে মোদী৷ দুয়োখন দেশৰ মাজত ৪০ বছৰৰ পাছত কূটনৈতিক সম্পৰ্কৰ শুভাৰম্ভনি কৰিছে মোদীয়ে৷ ব্ৰুনাইত ভাৰতীয় কুটনৈতিক ভৱন উদ্বোধন কৰিছে প্ৰধানমন্ত্ৰী মোদীয়ে।
বিশেষ ভৱন উদ্বোধনৰ পাছতেই প্ৰধানমন্ত্ৰী মোদীয়ে ব্ৰুনাইৰ ৰাজধানীত অৱস্থিত ওমৰ আলী ছাইফুদ্দিন মছজিদত উপস্থিত হয়। ব্ৰুনাইৰ দুটা জাতীয় মছজিদৰ ভিতৰত ওমৰ আলী ছাইফুদ্দিন মছজিদ অন্যতম। ইয়াৰ লগতে এই মছজিদ ব্ৰুনাইৰ জাতীয় প্ৰতীকো। এই মছজিদটো দেশৰ অন্যতম বৃহৎ আৰু পুৰণি মছজিদ হিচাপেও পৰিগণিত। ব্ৰুনাইৰ ২৮ সংখ্যক চুলতান তথা বৰ্তমানৰ ৰজা, চুলতান হাছানাল বলকিয়াৰ পিতৃ ওমৰ আলী ছাইফুদ্দিনে (১৯১৪–১৯৮৬)ত এই মছজিদটোৰ নামকৰণ কৰিছিল। এই মছজিদটো দেশৰ ইছলামিক এক মূৰ্ত বিশ্বাসৰ প্ৰতীক।
ওমৰ আলী ছাইফুদ্দিন মছজিদ কেতিয়া নিৰ্মাণ কৰা হৈছিল?
মছজিদত উপস্থিত হৈ নৰেন্দ্ৰ মোদীয়ে বিশেষ ফটো সামাজিক মাধ্যমত পোষ্ট কৰাৰ পাছতেই চৰ্চা হৈছে মছজিদটোক লৈ৷ ১৯৫৪ চনৰ ৪ ফেব্ৰুৱাৰীৰ পৰা এই মছজিদ নিৰ্মাণৰ কাম আৰম্ভ হৈছিল আৰু প্ৰায় ৫ বছৰত এই মছজিদৰ নিৰ্মাণ সম্পূৰ্ণ হৈছিল। সেই সময়ত এই মছজিদ নিৰ্মাণৰ বাবে ১১ কোটিতকৈও অধিক খৰচ হৈছিল। মালয়েছিয়াৰ স্থাপত্য প্ৰতিষ্ঠান ‘বুটি এডৱাৰ্ডছ এণ্ড পাৰ্টনাৰ্ছে’ নিৰ্মাণ কৰিছিল এই মছজিদ। মছজিদ নিৰ্মাণৰ কামত ৭০০ টন তীখা আৰু ১৫০০ টন কংক্ৰিট ব্যৱহাৰ কৰা হৈছে।
মছজিদৰ গম্বুজটো সোণেৰে আবৃত
ব্ৰুনাইৰ এই মছজিদটো ১৯৫৮ চনত তৃতীয় চুলতান ওমৰ আলী ছাইফুদ্দিনৰ ৪২ সংখ্যক জন্মদিন উদযাপনৰ সময়ত উদ্বোধন কৰা হৈছিল। এই মছজিদৰ স্থাপত্যত ভাৰতীয় মোগল সাম্ৰাজ্যৰ সৈতে মিল আছে। প্ৰতি বছৰে লাখ লাখ পৰ্যটক আহে মছজিদ চাবলৈ। মছজিদৰ আকাৰৰ কথা ক’বলৈ গ’লে ইয়াৰ আকাৰ ৬৯X২৪ মিটাৰ। ৩ হাজাৰ ভক্তই একেলগে বহিব পাৰিব মছজিদত। মছজিদৰ সৰ্বোচ্চ উচ্চতা ১৭১ ফুট আৰু এই মছজিদৰ গম্বুজটো সোণেৰে আবৃত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
