জ্যোতিষ অনুসৰি যেতিয়া কোনো গ্ৰহই এটা ৰাশি এৰি অন্য ৰাশিলৈ যায় তেতিয়া তাৰ প্ৰভাৱ বিভিন্ন ৰাশিৰ জাতকৰ ওপৰত পৰে৷ আগন্তুক ২০ অক্টোবৰত ৰঙা গ্ৰহ মঙলে মিথুন ৰাশি এৰি কৰ্কট ৰাশিৰ প্ৰৱেশ কৰিব৷ মঙলে যেতিয়া কৰ্কটত গোচৰ কৰিব সেই সময়তেই মঙল আৰু শুক্ৰ মিলি গঠন কৰিব নৱপঞ্চম যোগ৷ ইয়াৰ সৈতে মঙল আৰু শনিয়ে গঠন কৰিব ষড়ষ্টক যোগ৷ জানি থওক এই সকলো প্ৰভাৱত কোন কোন ৰাশিৰ জাতকৰ ভাল দিন আৰম্ভ হ’ব?
বৃষ ৰাশি
বৃষ ৰাশিৰ তৃতীয় ঘৰত গোচৰ কৰিব মঙলে৷ এই পৰিস্থিতিত আপুনি যি কামতেই হাত দিয়ে সেই কামতেই সাফল্য পাব৷ কেৰিয়াৰ সংক্ৰান্তিয় কোনো পৰিকল্পনা বাস্তবায়িত হ’ব৷ মঙলৰ গোচৰৰ প্ৰভাৱত পেছাগত জীৱনত বৃহৎ সাফল্য পাব বৃষ ৰাশিৰ জাতকে৷ চাকৰি পৰিবৰ্তন কৰিব খুজিলে সন্মুখত ভাল সুযোগে অপেক্ষা কৰিছে৷ আপোনাৰ জীৱনৰ সকলো সমস্যা এই সময়ত দূৰ হ’ব৷
মিথুন ৰাশি
মিথুন ৰাশিৰ দ্বিতীয় ঘৰত গোচৰ কৰিব মঙলে৷ এই পৰিস্থিতিত মিথুন ৰাশিৰ জাতকৰ জীৱনত উন্নতি কৰাৰ এটাৰ পাছত আন এক সুযোগ আহিব৷ এই সময়ত আপোনাৰ সম্পদ বৃদ্ধি পাব৷ মঙলৰ গোচৰৰ প্ৰভাৱত নিজৰ কামত উন্নতি কৰিব পাৰিব মিথুন ৰাশিৰ জাতকে৷ আপোনাৰ সঞ্চয় বৃদ্ধি পাব৷ নিজৰ কথাৰে আনৰ মন জয় কৰিব পাৰিব৷
কৰ্কট ৰাশি
আগন্তুক ২০ অক্টোবৰৰ পৰা কৰ্কট ৰাশিত গোচৰ কৰিব মঙ্গলে৷ কৰ্কটৰ প্ৰথম ঘৰত অৱস্থান কৰি এই ৰাশিৰ জাতকৰ জীৱনত উন্নতিৰ গ্ৰাফ ওপৰলৈ যাব৷ এটাৰ পাছত আনটো সাফল্য আহিব আপোনাৰ জীৱনলৈ৷ চাকৰিয়াল জাতকে কাৰ্যালয়ত উন্নতি কৰিব পাৰিব৷ নিজৰ মনৰ কথা এই সময়ত ভালপোৱা মানুহজনৰ সন্মুখত প্ৰকাশ কৰি পেলাওক৷
তুলা ৰাশি
তুলা ৰাশিৰ দশম ঘৰত গোচৰ কৰিব মঙলে৷ এই পৰিস্থিতিত বন্ধুৰ সৈতে কৰোবাত ফুৰিবলৈ যোৱাৰ যোগ আছে তুলা ৰাশিৰ জাতকৰ সন্মুখত৷ উত্তৰাধিকাৰ সূত্ৰে সম্পত্তি লাভ কৰিব পাৰে৷ বেছ কিছু অতিৰিক্ত অৰ্থ আপোনাৰ হাতলৈ আহিব৷ পাৰ্টনাৰৰ সৈতে সম্পৰ্ক আৰু উন্নত হ’ব৷ আপোনালোক দুজনেই পৰস্পৰৰ সান্নিধ্য উপভোগ কৰিব৷ স্বাস্থ্য পূৰ্বতকৈ ভাল হ’ব৷
বৃশ্চিক ৰাশি
বৃশ্চিক ৰাশিৰ নৱম ঘৰত গোচৰ কৰিব মঙলে৷ এই সময়ত বৃশ্চিক ৰাশিৰ ছাত্ৰ-ছাত্ৰীসকলৰ বাবে অত্যন্ত শুভ ফলদায়ী হ’ব৷ উচ্চশিক্ষাৰ বাবে যিসকলে চেষ্টা কৰি আছে তেওঁলোকে এই সময়ত সাফল্য পাব৷ পিতৃৰ পৰা সম্পূৰ্ণ সহযোগিতা পাব বৃশ্চিক ৰাশিৰ জাতকে৷ নতুন ব্যৱসায় খোলাৰ কথা ভাৱিলে পিতৃৰ পৰা আৰ্থিক সাহায্য পাব৷ সন্তানৰ পৰা সুখবৰ পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
