ICCচেম্পিয়নছ ট্ৰফীৰ ফাইনেলত আজি নিউজিলেণ্ডৰ মুখামুখি হৈছে ভাৰত। এই খেলত কোন জয়ী হব। ট্ৰফি জয় কেৱল খেলৰ ওপৰতেই নিৰ্ভৰ নকৰে। ট্ৰফী জয়ৰ সৈতে জড়িত হৈ আছে ভাগ্যৰ খেলো। ট্ৰফী জয়ৰ বাবে দৰকাৰ ভাগ্যৰ সহায়তাৰো। আজি ভাগ্যই সংগ দিবনে ভাৰতীয় দলক? ৰোহিত শৰ্মাৰ দলৰ খেলুৱৈয়ে টক্কৰ দিব পাৰিবনে নিউজিলেণ্ড বাহিনীক? কি কৈছে জ্যোতিষীয়ে?
জ্যোতিষশাস্ত্ৰ অনুসৰি নিউজিলেণ্ডে যি খেলুৱৈৰ ওপৰত বেছি নজৰ ৰাখিছে তেওঁৰ নাম হৈছে মিচেল ছেন্টনাৰ। বুধ, শুক্ৰ আৰু কেতুৰ অৱস্থানে কৈছে, চেণ্টনাৰে আজি ভাল খেল দেখুৱাব। অৱশ্যে তেওঁৰ ক্ষেত্ৰত এটা বাধাও আছে। সেয়া হৈছে তৃতীয় ঘৰত কেতুৰ অৱস্থান। কেতুৰ অৱস্থানৰ বাবে অবাঞ্চিত আঘাত লাগিব পাৰে।
ভাৰতে যি খেলুৱৈৰ ওপৰত সকলোতকৈ বেছি নজৰ ৰাখিছে তেওঁ হৈছে ৰোহিত শৰ্মা। জ্য়োতিষ শাস্ত্ৰ অনুসৰি এতিয়া ৰাহুৰ মহাদশা আৰু বুধৰ অন্তৰ্দশা একে লগেই চলি আছে। এই ধৰণৰ অৱস্থানে মানুহৰ জীৱনলৈ সাফল্য আনে। ইয়াৰোপৰি তেওঁৰ ষষ্ঠ ঘৰত অৱস্থান কৰিছে সূৰ্যই। যিয়ে পৰিকল্পনাৰ সফল ৰূপায়ণত সহায় কৰে।
সকলো মিলি বিভিন্ন গ্ৰহৰ অৱস্থান ভাৰতৰ পক্ষে। ইয়াৰোপৰি আজি ৯ মাৰ্চত আছে শ্ৰীবৎস যোগ। পুষ্য বা পূষম বা পূয়ম নক্ষত্ৰ যেতিয়া দেওবাৰ পৰে তেতিয়াই এই যোগে দেখা দিয়ে। শ্ৰীবৎস যোগ বিজয় আৰু সাফল্যৰ প্ৰতীক। ইয়াৰোপৰি এইদিনটোত চন্দ্ৰ আৰু শুক্ৰ পৰস্পৰৰ ৬০ ডিগ্ৰী কোণত অৱস্থান কৰিব যিয়ে ভাৰতক চাপ থাকিলেও জয় কঢ়িয়াই অনাত সহায় কৰিব। সকলো মিলি গ্ৰহ নক্ষত্ৰৰ অৱস্থানে ইংগিত কৰিছে ফাইনেলত চেম্পিয়ন্স ট্ৰফী উঠিব ৰোহিতৰ হাততেই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
