ভাৰতৰ ২৪ টা বিমানবন্দৰ বন্ধ ৰখাৰ সময়সীমা বৃদ্ধি কৰিলে কেন্দ্ৰীয় অসামৰিক বিমান মন্ত্ৰণালয়ে৷ আগন্তুক ১৫ মে’ৰ বিয়লি ৫ বাজি ২৯ মিনিট পৰ্যন্ত বন্ধ থাকিব বিমান বন্দৰসমূহৰ পৰিসেৱা৷ বৃহস্পতিবাৰে ভাৰতৰ সীমান্ত সংলগ্ন এলেকাক লক্ষ্য কৰি ড্ৰোণ আক্ৰমণৰ চেষ্টা কৰিছে পাকিস্তানে৷ সেই আক্ৰমণ ব্যৰ্থ কৰিছে ভাৰতে৷ ইয়াৰ মাজতেই ভাৰতৰ ২৪ টা বিমানবন্দৰ ১০ মে পৰ্যন্ত বন্ধ ৰখাৰ নিৰ্দেশ দিছিল কেন্দ্ৰীয় চৰকাৰে৷ কিন্তু আজি পুনৰ আক্ৰমণ কৰিছে পাকিস্তানে যাৰ বাবে এই সময়সীমা বৃদ্ধি কৰিলে ভাৰতৰ কেন্দ্ৰীয় অসামৰিক বিমান মন্ত্রণালয়ে৷
ভাৰত-পাকিস্তান সংঘাতৰ বাবে বন্ধ ৰখা ২৪ টা বিমান বন্দৰৰ মাজত আছে অমৃতসৰ, চণ্ডীগড়, শ্ৰীনগৰ, লুধিয়ানা, ভুণ্টাৰ, কিষেণগড়, পটিয়ালা, ছিমলা, কাংড়া-গগ্গল, ভাটিণ্ডা, জয়ছলমেৰ, জোধপুৰ, বিকানেৰ, হলোৱাৰা, পাঠানকোট, জম্মু, লেহ, মুন্দ্ৰা, জামেনগৰ, হিৰাচৰ, পোৰবন্দৰ, কেশোৰ, কান্দলা, ভূজ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
