আন্দ্ৰে ৰাছেল- টীম ডেভিদক পিছ পেলাই মহা ৰেকৰ্ড ১৪ বছৰীয়া বৈভৱৰ
ৰেকৰ্ড গঢ়িবৰ বাবেই যেন ২০২৫ আই পি এলত ক্ৰিকেট খেলিছিল ১৪ বছৰীয়া বৈভৱ সূৰ্যবংশীয়ে। ৰেকৰ্ডৰ উপৰি ৰেকৰ্ড গঢ়িছে জীৱনৰ প্ৰথমটো আই পি এল ছিজনতে। কালিৰ চেন্নাইৰ বিৰুদ্ধে খেলা খেলখনতো ৰেকৰ্ডৰ গৰাকী হয় বৈভৱ।
আই পি এল ২০২৫ৰ ৬২ সংখ্যক মেচত চেন্নাইৰ বিৰুদ্ধে ৰাজস্থান দলৰ ১৪ বছৰীয়া বেটছমেন বৈভৱ সূৰ্যবংশীয়ে উজ্জ্বল বেটিং কৰি ৫৭ ৰান সংগ্ৰহ কৰি আউট হৈছিল। ৫৭ ৰান সংগ্ৰহ কৰি বৈভৱ আউট হ’লেও অৰ্ধশতকৰ ইনিংছৰ সময়ছোৱাত এই ১৪ বছৰীয়া বেটছমেনে আই পি এলত ইতিহাসৰ সৃষ্টি কৰে।
এই প্ৰতিযোগিতাৰ ইতিহাসত কমেও ২৫০ ৰানত সৰ্বাধিক ষ্ট্ৰাইক ৰেট থকা বেটছমেন হিচাপে পৰিগণিত হৈছে বৈভৱ। এনে এক কৃতিত্ব কৰি বৈভৱে বহু মহান ব্যক্তিক পৰাস্ত কৰিছে। আন্দ্ৰে ৰাছেল আৰু টিম ডেভিদৰ দৰে বেটছমেনক পৰাস্ত কৰি ইতিহাসৰ সৃষ্টি কৰে বৈভৱে।
আই পি এলৰ ইতিহাসত সৰ্বোচ্চ ষ্ট্ৰাইক ৰেট (নূন্যতম – ২৫০ ৰান) – (আই পি এলৰ ইতিহাসত সৰ্বোচ্চ ষ্ট্ৰাইক ৰেট)
২০৬.৫৬ – বৈভৱ সূৰ্যবংশী (২৫২ ৰান)
১৯৯.৪৮ – জেক ফ্ৰেজাৰ-মেকগাৰ্ক (৩৮৫ ৰান)
১৯০.৩৭ – প্ৰিয়ংশ আৰ্য্য (৩৫৬ ৰান)
১৭৪.৯৪ – টিম ডেভিড (৮৪৫ ৰান)
১৭৪.৫৬ – নমন ধীৰ (৩০২ ৰান)
১৭৪.২৯ – আন্দ্ৰে ৰাছেল (২৬৫১ ৰান)
ইয়াৰ বাহিৰেও ২০ বছৰ বয়সৰ পূৰ্বে আই পি এলৰ ছিজনত সৰ্বাধিক ছয় কৰা বেটছমেন হিচাপেও পৰিগণিত হৈছে বৈভৱ। এই কাম কৰি বৈভৱ ঋষভ পণ্টৰ সমান হৈছে। ২০১৭ চনত পণ্টে এটা ছিজনত ২৪টা ছয় কোবাইছিল।
একে সময়তে এই ছিজনত বৈভৱেও মুঠ ২৪টা ছয় কোবাইছে। ২০ বছৰৰ পূৰ্বে সৰ্বাধিক ৬ কোবোৱা খেলুৱৈৰ এই তালিকাত আছে-
২৪ – বৈভৱ সূৰ্যবংশী (২০২৫)*
২৪ – ঋষভ পন্ত (২০১৭)
১৭ – সঞ্জু চেমচন (২০১৪)
১৭ – ঈশান কিষাণ (২০১৮)
১৬ – তিলক বৰ্মা (২০২২)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
