প্ৰথমগৰাকী ভাৰতীয় মহিলা, ১৯ বছৰীয়া দিব্যাই জয় কৰিলে দবা বিশ্বকাপ

প্ৰথমগৰাকী ভাৰতীয় মহিলা, ১৯ বছৰীয়া দিব্যাই জয় কৰিলে দবা বিশ্বকাপ

১৯ বছৰীয়া দিব্যা দেশমুখে ভাৰতবৰ্ষলৈ কঢ়িয়াই আনিছে বিশেষ সন্মান। প্ৰথমগৰাকী ভাৰতীয় মহিলা হিচাপে দিব্যাই লাভ কৰিছে মহিলা দবা বিশ্বকাপ ২০২৫ৰ খিতাপ। মাত্ৰ ১৯ বছৰ বয়সতে দিব্যাই লাভ কৰিছে এই সফলতা।

জৰ্জিয়াত অনুষ্ঠিত হোৱা এই বিশ্বকাপৰ ফাইনেলত ভাৰতৰে আনএগৰাকী কিংবদন্তি খেলুৱৈ ৩৮ বছৰীয়া কনেৰু হাম্পিক পৰাস্ত কৰি এই খিতাপ অৰ্জন কৰে। ইয়াৰ লগে লগে তেওঁ দবা বিশ্বকাপ জয় কৰা প্ৰথমগৰাকী ভাৰতীয় মহিলা দবা তাৰকা হিচাপে পৰিগণিত হয়।

উল্লেখ্য যে, এইবাৰ বিশ্বকাপৰ ফাইনেলত দুয়োগৰাকী ভাৰতীয় মহিলাই প্ৰৱেশ কৰিছিল। যাৰ ফলত এইটো নিশ্চিত হৈ পৰিছিল যে, যি গৰাকীয়েই এইবাৰৰ খিতাপ লাভ নকেৰ কিয়, তেঁও হৈ পৰিব দবা মহিলা বিশ্বকাপ জয় কৰা প্ৰথমগৰাকী ভাৰতীয় মহিলা।

সেই সফলতা লাভ কৰে ১৯ বছৰীয়া দিব্যা দেশমুখে। বিগত বৰ্ষতো দিব্যাই জুনিয়ৰ বিশ্ব চেম্পিয়নৰ খিতাপ দখল কৰিছিল। এইবাৰ চিনিয়ৰ লেভেলতো এই খিতাপ দখল কৰে। কেৱল এয়াই নহয়, এই খিতাপ জয়ৰ লগে লগে দিব্যা এতিয়া ভাৰতৰ চতুৰ্থ মহিলা গ্ৰেণ্ডমাষ্টাৰ হিচাপেও পৰিগণিত হৈছে।

দিব্যাৰ এই সফলতাত এতিয়া দেশৰ বহু আগশাৰীৰ লোকে শুভেচ্ছা বাণী প্ৰেৰণ কৰি আছে। প্ৰধানমন্ত্ৰী নৰেন্দ্ৰ মোদীয়েও বিশেষ পোষ্টৰ জৰিয়তে দিব্যাক শুভেচ্ছা জ্ঞাপন কৰে লগতে কনেৰু হাম্পিৰো প্ৰশংসা কৰে।

পি এম মোদীয়ে লিখিছে, ‘দুগৰাকী মহান ভাৰতীয় দবা খেলুৱৈৰ মাজত এখন ঐতিহাসিক ফাইনেল’। যুৱা খেলুৱৈ দিব্যা দেশমুখ ২০২৫ চনৰ ফিডে মহিলা বিশ্ব চেম্পিয়ন হোৱাৰ বাবে গৌৰৱ অনুভৱ কৰিছো। এই মহান জয়ৰ বাবে তেওঁক অভিনন্দন, যিয়ে বহু যুৱক-যুৱতীক অনুপ্ৰাণিত কৰিব’।

লগতে আৰু লিখিছে যে ‘কনেৰু হাম্পিয়েও সমগ্ৰ চেম্পিয়নশ্বিপত ভাল প্ৰদৰ্শন আগবঢ়াইছিল। দুয়োজন খেলুৱৈকে তেওঁলোকৰ ভৱিষ্যতৰ বাবে শুভকামনা জনাইছো’।

https://x.com/narendramodi/status/1949806090528395523

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ