নেতাজি সুভাষ চন্দ্ৰ বসু ভাৰতৰ এনে এজন ৰাষ্ট্ৰনায়ক যাৰ জন্মবৃত্তান্ত পোৱা গলেও মৃত্যু সম্পৰ্কে আজি পৰ্যন্ত কোনো তথ্য লাভ কৰা হোৱা নাই৷ তেওঁ অমৰ হৈ আছে ভাৰতবাসীৰ মনত৷ ২৩ জানুৱাৰী নেতাজিৰ জন্মবাৰ্ষিকী৷ সমগ্ৰ দেশবাসীৰ উদ্দেশ্যে নেতাজিয়ে দি যোৱা বাণীয়ে আজিও ভাৰতবাসী তথা তথা যুৱসমাজত অনুপ্ৰাণিত কৰে৷ জানি থওক নেতাজিৰ কিছু ইতিবাচক বাৰ্তা যিয়ে আপোনাৰ জীৱনৰ বিভিন্ন অধ্যায়ত নিশ্চয় কামত আহিব৷
নেতাজিৰ কিছু উক্তি
তুমি মোক তেজ দিয়া মই তোমাক স্বাধীনতা দিম৷
মানুহ যিমান দিন বেপৰোৱা সিমানদিনহে তেওঁ প্ৰাণৱন্ত৷
আমাৰ জাতীয় সমস্যা হৈছে দাৰিদ্ৰতা, অশিক্ষা, ৰোগ, বৈজ্ঞানিক উৎপাদন৷ যি সমস্যাৰ সমাধান হ’ব কেৱলমাত্ৰ সামাজিক চিন্তাৰ দ্বাৰাহে৷
জগতৰ সকলোবোৰেই ক্ষণভঙ্গুৰ৷ কেৱল এবিধ সামগ্ৰীয়েই নাভাঙে সেয়া হৈছে ভাৱ বা আদৰ্শ৷
এজন ব্যক্তিয়ে এক ধাৰণাৰ মাজতেই মৰিব পাৰে কিন্তু সেই ধাৰণাই তেওঁৰ মৃত্যুৰ পাছত হাজাৰ জীৱনৰ ধাৰণা হব পাৰে৷
মনত ৰাখিব সকলোতকৈ ডাঙৰ অপৰাধ হৈছে অন্যায় সহ্য কৰা আৰু ভুলৰ সৈতে বুজাপৰা কৰা৷ যদি সংগ্ৰাম নকৰে, যদি ভয়ৰ সন্মুখীন নহয় তেতিয়া জীৱনৰ অৰ্ধেক স্বাদেই নষ্ট হৈ যায়৷
জীৱনত প্ৰগতিৰ আশা থাকিলে নিজকে ভয়, সন্দেহৰ পৰা দূৰৈত ৰাখি আৰু তাৰ সমাধানৰ প্ৰয়াস চলাই থাকিব লাগে৷
যি সৈনিকে মাতৃভূমিক প্ৰতি বিশ্বস্ত, তেওঁ সৰ্বদাই আত্মবলিদান দিবলৈ প্ৰস্তুত তেওঁ অজেয়৷
বাস্তৱ বুজা কঠিন৷ জীৱনক সত্যৰ পথত আগুৱাই লৈ যাওক৷ সত্যক গ্ৰহণ কৰিবলৈ শিকক৷
মানুহে ধন, বাহ্যিক আড়ম্বৰেৰে জয়লাভ বা স্বাধীনতা কিনিব নোৱাৰে৷ আমাৰ আত্মশক্তি থাকিব লাগিব যিয়ে সাহসী পদক্ষেপ লোৱাত উৎসাহ দিব৷
স্বাধীনতা কোনেও কাকো হাতত তুলি নিদিয়ে সেয়া কাঢ়িব লাগে৷
যদি জীৱনত সংগ্ৰাম নাথাকে তেন্তে জীৱন জীয়াই থকাটোও আমনিদায়কহে হৈ পৰে৷
ইতিহাসত কোনো বাস্তৱিক পৰিবৰ্তন আলোচনাৰ মাধ্যমেৰে কৰা সম্ভৱ নহয়৷
প্ৰকৃতিৰ সংগ আৰু শিক্ষা নাপালে জীৱন মৰুলোকত বিসৰ্জন দিয়াৰ দৰে, সকলো ৰস আৰু অনুপ্ৰেৰণা হেৰায়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
